الحكني باعوني بسعر كلش رخيص
يا ضوه عيوني خذوها مرايتڪ
شجره طاحت وانگطع عرگ الحياة
هيج ما بيه خضار وداعتك
نفس ريتي تگلي وما فكرت يوم
ينباگ النفس وارجع اتخيل حالتك
تصبر بدوني شلون يالما ترتاح
الا اعله صوتي شلون باگو مالتك
فاجبتها قائلا ::
تبقين اول عشك غيرج فلا ردته
مبخوت الخذج ما ضاع كل وكته
ينيم عيونج الحلوه
يالغيرج فلا تسوه
اكضي الليل بالكوه
من يوم المشيتي وليلي ما نمته
غيرج ماكو بعيوني
يبعد عيوني وضنوني
يتيهوني وبروحج تالي يلكوني
بعد كل التعب غيري الترس سلته
محد شال حملي البلگب شلته
الحياة بلا طعم لْـۆ انتي ما بيها
مثل الضريره الكطعو جفيها
ما بقه اليكدر يصيرلها عيون
وصار الحزن يصبحها ويمسيها
وانه احضن صورتج لْـۆ مرني الليل
وما وصيج ذكرانا لٱ تنسيها
جنت انه اصيرن ماي لْـۆ عطشانه
وافرح لون كالو اجتي فلانه
هسه صار اسمج عذر بجي العين
وتنزل دموع المشو ويانه
المهم ما محتاج غيرج
هسه كباله يحجي وياج وانه احجي لتصاويرج
يبعد اسمي وتفاصيلي
وبعد كل عافية بحيلي
لٱ تنسين تدعيلي
وانه ما بيدي بس بالخير ادعيلج.
روووح كل دعواتي وياك 😢
