كلبي ما بي حيل يعشك غيرها
واسرار بيه شما تغمج بيرها
مرتاح انه جنت واسطع بنص الليل
النجمة التنفرد بالسمه يبين خيرها
كل كبريائي اهدمه من اعبر ليل
طفل وماتت امه بلحضة جابته
يكضي عمره الوادم تسولف بي
موتهه لامه وحته ما شافته
الدنيا تاخذ كل شخص روحڪ بي
وحته التريده القسمه ما رادته
ماليه ذنب واتحمل الموزين
جن مشنقه وخذت دور حبالها
كالو الجرب مرة ما صابه الشين
تصبحله عبره وما خطه اللي كالها
بس هسه گلبي رجيج لْـۆ مرني الليل
وابجي لْـۆ نشدوني عن احوالها
لٱ تنشدون الغمد عن ذاك السيف
الفطن ما يحتار يم الكالها
لْـۆ بالارض والشاله يصبح ممدود
لْـۆ يفتخر بيته بصدر العالها
لْـۆ گابلتك اتندم على الرمشات
الرمشت گبالك كون تعمى لحالها
شمس •اللّـہ لْـۆ زودتها بعز نهار
بكل لهفة افزع حته اصير ضلالها
الشجرة تفتح ريجها بصوت العصفور
والغيمة تمشي شما الريح تكودها
الشمس لْـۆ غوربت جن اخر ليل
جي احتمال تشرگ م̷ـــِْن غروبها
لْـۆ اذن المغرب اشو جنه وداع
حته الطيور الطايرة ترد بيتها
العطر يخرب صيته يم الوردات
وانتي وردة ودوم شامخ صيتها
السمه تفزع الغيم لْـۆ شافت كاع
يبست وماضل خضار بريتها
الدنيا لْـۆ ضلمت تضعف العيون
الاعمى بس الما يحير بلونها
وانه اطيحن جن مطر من الغيم
لْـۆ بس سمعت فلانه بله شلونها
Bella
