شلون انساك وانته كبالي يوميه
الشمس تضعف لو بالغيم مجفيه
حاولت انسى الراح وامشي بدربي
وبلكت يحنون ادعي لربي
وابتعد عنهم شويه شويه
كلبي حاجاني ما كبر بيك الشوك
وعقلي يكول كلشي انتهى وهاهيه
لو مرني اسمك انسى كلشي واشتاك
والصفنات تاخذني روحه وجيه
واتمر ذكرياتك واجمل اللحضات
وملامح وجهك المتروسه حنيه
واذكر لْـۆ ردت تحلفلي مرات
تحط عيونك بعيني واتحلف بيه
ما تغفه ابد ما يجي بعينك نوم
اذا ما جنت تسمع صوتي ليليه
من الزم جفوفك جنت احس مرتاح
بعد بايدك اضن لمسات ايديه
ومدري شصار وتغيرت تفاصيلك
وشثگل ليلي بغيابڪ كلي شحجيلك
ليلي بلا طعم من انته مو وياي
بكل لحضة تمر ابجيلي وابجيلك
فرگتنه ابد ما خطرت على البال
وما يدري غيابه شسوه بالحال
كاضيها تعب ما شفت كل راحه
مثل المراجيح بعيد الاطفال
وتفاركنه واحس مدري شصار بيه
النهر يطشر الفارگ سواجيه
واكابر عالسأل هم تشتاكله بليل
واكولن صورته من البال ممحيه
