ورود :سولاااف وج اكعدي بنتي
سولاف: يمة بس شوي
ورود :كومي لا شوي ولا هواي
سولاف: هفف كمت كمت
نزلت امي واني كعدت عدلت سريري وسبحت ونزلت
سولاف :صباح الخير
امي:صباح النور بنتي
حسن: صباح العافية ي عافية
بابا وساراا : 😒
دنتريگ ورن فون بابا
جاسم : هلا شيخ صباح الخير ... بخير اذا انتة بخير مشتاقلك شخبار الاهل .... عسـاا دووم أأمر شيخ ... صدگ شيخ شايف كل الخيـر بالمبـارگ .... انشالله ... الله وياگ
حسن:خيـر يابةة! ؟
جاسم اسمعوني زين راح نروح للعمارا لعرس ابن اخوي يلةة بسرعةة جهزو نفسكم
سولاف.. واخيراا حروح للعمارا لبيت جدوو الي اخر مراا شفتهم من جان عمري 13 حطير من الفرح... حضرناا نفسناا بس اختي متريد تروح لكن حتروح غصب وتدري اذا كالت ما اريد اروح حقتلهة بابا 😫.. طبعاا بية طبع اذا طلعت المكان بعيد اكضي الطريق كولة نايمةة هههه ....كعدت ع صوت اخوي
حسن: سوساية كعدي وصلناا
سولاف:شبسرعة 😓
حسن: هههه غير كضيتي الطريق شخرين 😂
سولاف: 😒تستهزء حضرتك
حسن :ديلة نزلي نزلي
سولاف... نزلناا وشفنة شباب ورياجيل يطلعون بكد بابا هيج شي واكيفن منتضرينة .. هااا نسيت اكلكم تعليمات اخوي وامي ممنوع نزع الحجاب وممنوع لبس ضيك لان بيت شيوخ هفف .. دخلنا للبيت مشالله بيت جدوو كبير كلش يمكن 1000 متر ضليت صافنة 😓 ومليان ناس سلمت عليهم حد ما تعبت وبيبي كلساع تحضني وتبوسني 😓😂
ولاء: هلا بت عمـي نورتـي البـيت
سولاف: هـلا بيچ نور عيونـچ
ولاء: انتـي سولاف
سولاف: يي سولاف وانتـي ولاء
ولاء: يي انةة ولاء رفيجة الطفولة نسيتيني
سولاف: هههه شلون انساچ ام الدكايگ وج كبرانةة صايراا مراا
ولاء: جا ترديني ابقئ زغيراا وانتـي صايراا حرمةة .. بس راح اكلچ ع شي مو زعلين مني لبسج ميقبلون بي هني واذا شافچ كرار يذبحچ ويذبحني
سولاف: شنو تايهتلة اني ويذبحني هذا لبسي حمدي ربج اليوم ملابسة نقاب بالف يا علي نزعتة اليوم
ولاء: ياا عزاا ولچ خايبة تلبسين نقاب 😓
سولاف:لعد غير عمچ الله يسلمـة
ولاء: يلةة امشينةة خلي اوديچ الغرفتچ
سولاف ... ولاء صديقةة الطفولة احبهة كلش طبعا قبل احنة مجنة بغداد لا عايشين بالعماراا فاا بيبي تكره امي ودوم تذب الهة حجي لحد ما امي زهكت تعاركت وياهم وضربهة بابا وطلعت راحت لاهلهة زعلانة وراد يرجعهة بابا بس هيه مقبلت كلتلهة اذا ارجع لازم بيت بغداد ما اعيش وياه اهلگ بعد المعاناه بيبي تكل لبابا اتبراا منگ بس تروح بقت امي شهرين بيت اهلهة جان عدهة بس حسن صغيرون ابوي قنع بيبي بالف يا علي وشتراا بابا بيت بغداد ومن هناا بابا كام يكرهنة لان ابتعدنة عن اهلهة بسببنة... المهم دنصعد اني ولاء جنت دافل الحجاب ونصدمت بشخص
سولاف: اسفةة مجنت منتبهة
كرار:انتـي منـو ؟
سولاف: ان.. (قاطعتني ولاء)
ولاء: كرار هاي بت عمي جاسم سولاف
كرار:اها شرفنةة وبعد نتبهي لطريجج يبت العم...ردت احجي عافني وراح
سولاف: شگد مغرور عابت
ولاء: اعذري حبيبة هذا كرار عصبي هيج عكس اخوتي البقية
صعدت للغرفة جانت كلش حلواا بس شنو انام وحدي
سولاف: شنو انام وحدي
ولاء: يي هذي لغرفة خاليهة للاحتياط تردين تنامين يمي
سولاف:يي والله علواا ما احب انام وحدي
ولاء: اكلج خيةة شبيهة خيتج اشو جنهة مغضوبة ع جية
سولاف: ارتاح وسولفلج شبيهة حياتي 💔
