راحت ولاء سبحت ونمت من تعب مدريت بروحي كعدت ع صوت ولاء
ولاء: سولاف كعدي تغدي ولج شمالچ شنهي منايمةة گبل 😓
سولاف:ممم كايمـةة وج نعسانة 😫
ولاء: نعسانةة جا منو نايم طريق گلة 😒
سولاف طفرت من مكاني: اگيد هذا حسن خلي اكوم امرعداا .. جرتني
ولاء: ولج امج كالتلي مو حسن
سولاف:امي مضم سالفة يلة گايمة امري لله
لبست تراگ وضفرت شعري وخليت شال ع راسي ونزلت ما اسولفلگم ع هوسة يبوو شكد عدهم جهال
بيبـي:يمةة سولاف تعاي يمي بنتي
باوعت لامي خزرتني عود لا ترحين بس عيب شسوي رحت يم بيبي كلساع تبوسني تكلي صايراا حرمةة حليواا .. عاد وياا ما احجي وياه بيبي دخلو ٣ولد تردون الصراحة واحد احلئ من ثاني والمصيبة ثالثهم المغرور 😒
ابا الحسن: شعلومچ يا تاج الراس
بيبي:بخير وليدي
ابا الحسن: حبوبة شسالفة ترا غرت منين هل حرمة
بيبي:ياا متعارف هاي بت الغالي الي نحرمنة منهة سنين بسبب امهة الـ بغدادية 😒
ابا الحسن:حبوبة ضيوف عدنة مايصح هل حجي
بيبي:جا شسوي نحرمت من وليدات ابني كل عل سنين
اني گل هل حجي وصافنة عليهم ديحجون ع امي وما بيدي شي 😓
اجت ولاء كالتلي :سولاف خايبة الصفنة مو الج
باوعت ع الشباب بحقد وبدي اخنكهم
ولاء: ولج سولاف شمالچ ياا عزاا البنت شجرالهة
سولاف:شبيج ولاء
ولاء: هواا انةة لو انتـي
سولاف:اسفة تعبانة من طريق
ولاء: اكليلج لكيمة وصعدي لغريفتي رتاحي
سولاف:انشالله
كمت وجان يكول واحد منهم
ابا الحسن:عاشت الاسامي سولاف
سولاف باوعتلة بحقد:مشكور 😒
ختنكت من هل بيت شلون يحجون ع امي واني ساكتة بس احجي ابوي يقتلني 😫💔
المهم فرشنة السفراا الرياجيل بـ استقبال
والنسوان بالهول اني اكلت شوي وكمت خلصنة غداا وساعدت البنات بالماعين عاد صاحني حسن اخوي
حسن:سولاف تعاي انتي وساراا سلمن ع عمامي ابوي يكول
سولاف:اوگ..
رحت لبست صاية وشال ومرتبكة شلون ادخل اسلم اخجل واختي دردم متريد تسلم
المهم كلت يالله ودخلت الاستقبال رياجيل كلهة معكلة
سولاف وسارا:سلام عليكم
الگل:وعليكم السلام بناتي
جاسم:تعاي بنتي سلمي ع عمامج
ساراا كبل لزمت ايدي وكفت متفاجئة 😓باوعت الي ومشيت وبست ايد عمي وراسة
عمي محمد :الله يرضة عليچ بنيتـي زين ما ربيت خوية جاسم
سولاف:مشكور عمي من طيبگ
سلمت عليهم وكلهم
سولاف:اترخص اني
عمي محمد:تعاي بنتي اعرفج ع ولدي ولد عمج
رحت اني وساراا كعدنة يم عمي
عمي محمد: بنتي هذول ولدي كرار الجبير عمرا30 وابا الحسن عمرا 28 وعلي لاكبر 26
سولاف وسارا: تشرفنة والعمر كلة
علي الاكبر: شكد اعمارجن
سولاف: اني20 وسارا16
علي الاگبر :طولت العمر انشالله
سولاف: الله يطول بعمرگ
اجاا دوري
سلام عليكم اني گرار عمري 30 جبير اخوتي عندي ثنين اخوان ممزوجين وثنين خوات هم ممزوجات طبعاا الكل تحسب الف حساب الي والي هيبتـي دوم اروح وياه ابوي بكعدات اتعلم منة من اني وصغير لهذا عمري والشيخة استلمهة من بعد ابوي الله يجعلة طولت العمر هسه تكولون ليش ماا مزوج اني عندي مسؤوليات مو مال زوج وبعدين ملاگي الحرمة التدخل العقل واني دارس ومتخرج طب واخوي ابا الحسن هم دارس ومتخرج هندسة بس علي الاكبر سادس علمي وترگ اليوم عرس اخوي ابا الحسن والبيت صاير هوسة مشالله وابوي كال راح يجي عمي من بغداد طبعا دوم يجي بس ميجيب عائلتة بسبب مشاكل قديمة صارت اجي الضهر ستقبلناهم ثنين بنات ولد بس البت الصغيرا معجبني لبسهة عكس الجبيراا مبينة رزنة لان مشالت عينهة ابد ستقبلناهم وردنة اني واخوتي ندخل نشوف حبوبتنة لكيناهة حاضنة بت عمي عاد ابا الحسن راد يغير جو لان البنت مبينة متعرفنة وحاسة روحهة غريبة من نضراتهة حبوبتي حجت ع امهم بينت نضرات الغضب والحقد بعيون البنية ندست ابا الحسن لان حبوبتي شكلهة راح تعلكهة البنت جمدت بمكانهة ولاء اختي تحاجيهة بس ضاهر حجي حبوبة اثر عليهة حب اخوي يغير جو كللهة عاشت الاسامي بس البنت مثل المغصوبة ع جواب ضجت والاكثر ضوجني لبسهة بنطرون وقميص لابسة والشال هيج خالتة ع راسهة واحنة عدنة زلام يفترون بلبيت ويلبون الحتياجات كمنة نتغداا وخلصنة عاد عمي جاسم كال خلي يجن البنات يسلمن ع عمامهن اني ضجت شلون يجن والمضيف مليان زلام مكدرت احجي احتراما لعمامي اجني همزين لابسة جبة مرتبكة هواي حتئ اختهة الخوف بعيونهن اختهة كبل لزمت ايدهة هيه نصدمت انة اكلني الفضول ليش هيجي خايفات اريد اعرف سالفتهن سلمن ع ابوي وعمامي رادت تروح بس ابوي صاحهة حتئ تتعرف علينة راحت كعدت يم ابوي هيه واختهة تعرفت علينة بس ابد مرفعت عينهة عجبني هل شي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كرار 👆
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ابا الحسن 👆
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
علي الاگبر 👆
يتبع....
