سولاف..
كعدنة اني ولاء سولفتلهة عن الصار كل هل مداا وهيه مصدومة
ولاء: ياا سوداا بوجهي مجنت اعرف بعمي هيج كاسي (قاسي) وياكم
سولاف: والله يختي لا شي للكلام 💔
ولاء: الله كريم
اجت امي لابسة عباتهة
سولاف: ها يمة وين رايحة
امي: حنروح لبيت عمج اني وابوج
سولاف: يوم تخلينة وحدنة اني وسارا هنا
امي: يمة عيب شسوي عمج مشتري بيت جديد وما مباركة الهم دير بالج ع اختج
سولاف: انشالله ..راحت امي بس كلبي وجعني كانو دتودعني
كعدنة اني ولاء وبنات عمومتي نسولف وسارا كاعدا بعيد عنة ضايجة وراا شوي سمعنة بيبي وعماتي صرخن اني متت رجلية بعد ما اكدر اشيلهن باوعت السارا ووركضت لكيت عماتي يبجن ويصرخن كتلهم شكو
بيبي: تعاي يا ريحة الغالي ولج راح ابوج راح
وكعت من طولي شنو راح ابوج 😓ساراا حضنتني وتبجي مثل الطفل الخايف حضنتهة وكمت ابجي واصرخ يمـةةة ولج يمةةة كلبي علمني والله ليش خليتج ترحين يمةةة 😭😭💔
نغمة علي كعدت لكيت روحي نايمة وساراا حاضنتني وتبجي
سولاف: ساراا
سارا:ها سولاف
سولاف:كليلي حلم هذا ولج كليلي حلم
ساراا:ياريت حلم ولج ياريت راحوو 😭💔
سولاف: حسن وين
ساراا:مساع جان هنا طمن عليج وراح
سولاف:كومي وياي ساراا
كمنة وساراا حاضنتني طلعت للكراج لكيت الزلم تارسة الكراج اجة علي الاكبر
علي الاكبر :سولاف طبي خوية زلام هني مايصح طلعين
سولاف: علي اريد حسن فدواا صيحلي حسن
علي الاكبر: هسه اصيحة بس دخلي جواا
عاندت ومطبيت اجة حسن حضنتة وبجيت بصوت عالي وهوا هم وكمت اصرخ كلهة ضلت تباوع علينة 😭💔
سولاف:حسن راحت امي ولك راحت كلة بسببي (بصياح)
حسن:شلج دخل انتي هذا قدر ربج
سولاف:حسيت حتروح ومترجع بس محجيت بسببي
اجة كرار
كرار: حسن دخلو بلبيت ما يصح هني زلام
سولاف: كتلتوني زلام وزلام حسو بوجع غيركم شوي
كرار: راح اسكت وما اتحجة عاذرج صدمة اهلج هواي جبيراا ويلة دخلي جواا
بوعتلة بحقد ودخلت اني وساراا
كرار ..
راح عمي هواا ومرتة لبيت عمي جمال يباركولهم بس للاسف بطريق صاير حادث ومملحكين عليهم لان سيارا حتركت نصهة وديناهم للمستشفئ وسوينة ورقت وفاة واخذوهم للنجف اني واخوتي بقينة لان عمامي وابو راحو للنجف اجاني اخوي علي الاكبر
علي الاكبر: خوية سولاف براا ومترضةة تدخل للبيت والزلام تراسة الكراج
كرار: شلون ولك 😡
رحت بسرعة لكيتة حاضنة اخوهة وتبجي حاجيتهة اشو هاي صيح علي عذرتهة لان فكد الاهل موش سهل بس نار بداخلي صارت
سولاف
كعدت يم النسوان بجيت ولطمت بعدين شفت ساراا حاضنتني تبجي خايفة هديت شوي لازم اقوي نفسي البجي ولطم ميرجعهم نسوان تعزيني كامت بس اريد دموعي تنزل غصة بكلبي بس اقوي نفسي علمود اخيتي ولاء خطية تكعد يمي صبر بية وخطيبة ابا الحسن تخزر بية لان تاجل العرس مهتميت الهة شوي واجت ولاء كالت ابوي يريدج ردت اكوم سارا حاضنتني كمت وحضنتهة ومشيت لكيت عمي وعلي الاكبر وكرار
سولاف: هلا عمي أأمر
عمي محمد: البقاء بحياتج بوية
سولاف: تسلم عمي
عمي محمد:الله يسلمج بوية انتي بتنة ولازم تكعدون عدنة وبيتكم الي بغداد راح ابيعة
سولاف:لا عمي اني تخلص الفاتحة وارجع لبغداد وية خوتي
عمي محمد: لا بوية ممقبولة منج اخيج قبل ومثل ما كتلج احنة حسبت اهلج
سولاف:حسن قبل شنو ميصير يصرف من كيفة (بنتر)
حسن بصراخ:نجبي ولج شلون ترفعين صوتج ع عمي
عمي محمد:اعذرهة ابني فگد الاهل صعب
سولاف:عمي مشكور وانتة ع راسي بس بيت بغداد ما اكدر اعيش هنا
محسيت الة نضربت راشدي حسن:نشوف منو يرجعح لبغداد
سارا: مشفت انذل منك تمد ايدك ع اختك .. راد يضربهة بس لزمة علي الاكبر
سولاف(بدموع): مشكور خويةة بس بعد لساني ميطخ لسانگ .
. جريت ساراا ودخلت جواا كعدت وساراا تتلمس بوجهي اول مراا ساراا تتقرب مني وتحضني
ساراا: يوجعج خدج مو كسر بيدة انشالله
سولاف: لا تحجين ع اخونة
سارا:شلون راح نعيش هنا
سولاف:افكر بحل ونشوف تعاي حبيبتي لاتخافين اختج يمج
حضنتهة وضليت ابوس براسهة ودموعي تجري مثل شلال
كرار..
عشينة الوادم وابوي حاجة حسن لازم يبقون يمنة والولد قبل كال ابوي لازم نكول لسولاف رحنة اني وابوي وعلي الاكبر حتئ نحاجيهة وكفنة باب المطبخ وهيه اجت وياه اختهة بس نكسر كلبي عليهن اختهة حاضنتهة وخايفة حاجاهة ابوي مقبلت تبقئ شوي وعلة صوتهة ع ابوي ردت بس الزمهة واطلع روحهة علي الاكبر حس بية لزم ايدي وكفت اجة حسن صاح عليهة وفجئة ضربهة اني غمضت عيني وكلبي وجعني اختهة دافعلهة راد يضرب اختهة لزم علي الاكبر نزلت دموع سولاف بعد ما حاولت تضهر القواا بس مكدرت سحبت اختهة ودخلت ضليت الوب ما اعرف ليش البيت مبي احد غريب بس عماتي دخلت لكيت سولاف كاعداا واختهة كبالهة تتلمس وجهة وكل هذاا متقبل اختهة تحجي ع اخوهة حضنت اختهة وبجت نعصر كلبي ما اعرف ليش يمكن عطفت عليهن يتيمات لان
صورا سولاف 👆
سولاف.. نامت ساراا ع رجلي ضليت اباوع عليهة وابجي مدري شمنتضرنة بعد نومتهة ونمت وياهة كعدت صبح بـ 5 لكيت الوادم كاعداا ويتريكون ردت اكوم لكيت عباة رجالية متغطاية بيهة غطيت ساراا عدل وكمت
ولاء:صباح الخير ليش كمتي ما بقيتي نايمة
سولاف: صباح النور شبعت نوم اريد اساعدكم
ولاء: كعدي وين ساعدينة ميلج حيل انتي روحي كعدي يلة كدامي
سولاف:ولاء حياتي تعبت من الكعداا خلي اساعدكم
ولاء:يمةة يمةة
ام ولاء:ها بنيتـي
ولاء: اخذي سولاف خلي تكعد
ام ولاء:يي تعاي سولاف بنتـي
من سمعت كلمة يمة نعصر كلبي وغوركت عيني باوعت ليفوك حتئ متوكع دموعي نزلت عيني لكيت كرار يباوع علي خليت وطفرت يم النسوان جلبن بية اله تتركين ما اكلتي شي من البارحة كتلهن ما ريد نفسي مسدودة كعدت ساراا اجت يمي حضنتني
سولاف:ليش مبقيتـي نايمةة يعمري
سارا:كعدت ملكيتج يمي خفت
سولاف:يروح اختج موجوداا ما تركج
ساراا: متركيني مثل امي
سولاف (بدموع محبوسة):لا يروححـي هياتني يمج ما تركج تعاي اشو خلي اشم ريحتج افييش يا ريحة اختي
كرار..
راحت الناس كلت اروح اسبح وانام لان تعبت كلش رحت اشوف حبوبتي دخلت لغرفتهة لكيت سارا وسولاف نايمات بدون غطة وحدا حاضنة الخ نزعت عباتي وغطيتهن باوع ع خد سولاف احمر اوف مسكينة هل بت نداريت لكيت ابا الحسن وراي
ابا الحسن:ها خويةة جنك وكعت
اشرتلة ااشش خاف يكعدن وطلعت وسديت الباب: اشو ما تعرف تتحجة انتة بنات عمي عرضي حسبت خواتي فكدن اهلهن حسو عاد
عفتة وصعدت سبحت وتمددت كبل نمت كعدت بـ 04:00 غسلت وبدلت ونزلت لكيتهم يزهبون الريوك رحت للمضيف كليت العمام كلهم كاعدين سولفنة صاحتني ولاء رحت اشوف شتريد لكيت سولاف عيونهة مغوركة وترفع عينه حتئ متنزل دموعهة شافتني وشردت سحبتني رجلية ليجواا لكيت سولاف حاضنة اختهة وتكلهة مترحين مثل امي انة هني متت بودي اكلهة لا اسم الله بس سكتت
