📖📖📖📖📖📖
أسمي روآن موآليد 1994:-
في سنة 1994 ...
امي زينب وباتي محمد:-
وهم امروحين من اجديدتي فآطمه ام بآتي .
كآنت السآعه 10:00ليلآ .
امروحين.لقو صندوق حليب طآيح قدآم الحوش
بآتي محمد بحت في الصندوق :-للآقني نبيه الصندوق هذآ نآخذه عشان نحط فيه الرآبش اللي مطرطش صندوق سمح يآما أيشيل .
امي:-وانت مغير تلمد فكني من العفن الله يربحك.
محمد:-اسكتي كذا وانتي ديمه لاطه.
محمد:-طبس علي الصندوق يبي يرفعه:-يآساتر كنه يابس هكي؟؟.
محمد فتح الصندوق :-بسم الله شنو هذا تعالي جآي يآوليه تعآلي 😱.
امي جت تجري قربت منه:-يآسآتر ياربي يانعلي نا يانعلي ايش دوته هالعيل ياناري .
محمد:-لاحول ولآقوة الآ بالله 💔،،طلعني من الصندوق وشآلني في ايده قعدت نبكي واااء واااااء 😢😭😭😭
امي:-اسمله علي ابنيتي اسلمه يامينتي ودموعها انزلن 😢
محمد:-ربي يآخذ الحق وخلآص هيآ يآوليه خشي جوآ .
***خشو بي جوآ واول ماشآلتني امي قعدت تبوس في علي ،،
امي:-قعدت تضم في وتكشف علي ونا نبكي ،،يانعلي اخساره في امها عليك ابنيه تسهف كيف هانت علي امها عليك صبايا اخصي والعنت كيف هإنت عليهآ اكبيدتها ياناري ايديها متلجات .
باتي محمد:-مقعمز ومطبس رآسه 😔😔😔😔 وجعتني يازينب انظرها من امتى قاعده،باهي اللي رفعت الصندوق بآهي اللي رفعته.
امي:-طيب فيك اللي قلت نبي نرفعه نعلي عليك غزال لاقاني نبيه نبي نربيها نبيه خيه ل فوزيه .
طبعا نا صغيره كنت اشعري اسود وبيضه وعيوني سود اللي يشوفني يستغرب لكن يقولو ياخساره ياريتها مابنت حرآم .
حتي ونا كبيره سمحه ومانشكرلك روحي .
بس حظي وبختي اني جيت #لقيطه.
وبعد اليوم هذا :- قررو ايربوني بآتي محمد وآمي زينب ،وربوني احسن تربيه ومايتحملو في شي ،وعمرهم مآحسسوني بآني نفرق عن أعيالهم بمآ أن اعيالهم اكبآر انقوللهم اعمامي انتحشم منهم ،ولمآ كآن بآتي محمد عآيش عمره ماحد تجرأ انه يتكلم معآي ولا كلمه،اعمامي مرآت يعزقولي كلآم لكن مايقدروش يكثرو .
**في 2012 توفي باتي محمد.
وقعدت معآملة أعمامي اتزيد بس كانت امي مصبيه معآي وياما اتدير عشآني.
نعرفكم علي العآئلة:-
طبعآ نآ وأمي سآكنين في حوش مع بعضنآ ...وأعمامي 3 ساكنين فوق من امي ...
عمي يونس مرته اسمها سميره ....وعندها بنات اسمها مروه 1995 ونجلاء مواليد 1997...وعندها عيل اسمه محمد مواليد 1999...
وعمي الثآني اسمه:محمود ...
مرته اسمها مرزوقه ....
وعندها عيل اسمه منصف مواليد 1994 ...وبنت اسمها مريم مواليد 1997...
وعمي الثآلث اسمه مصطفي ومرته اسمها صابرين...عندها 3 بنات صفاء 1996...حنين 1997....ملاك 1999...وعيلين ايهاب 1998 ...وانور مواليد 2000.
وعندي عمه وحده اسمها فوزيه ورآجلها اسمه رجب وعندها 5 بنات و3 اعيال ...
📖📖📖📖📖📖
***بدآية قصتي من 2014 طبعا كبرت وخشيت لجآمعه وكنت سنه ثآنيه انجليزي 💚....
امي زينب في مرقدها ...
انا:- نغسللها في كرعيهاا ...
امي:-سلمك لي سلمك لي يااروينه الله يربحك ويصلح حآلك ويطيحك الله في سعد زين انتريح عليك قبل ماانموت ....
انا:-يامي حرام عليك 😔💔معش تقولي هكي والله نموت نا كان صآرت فيك حآجه ₩₩
امي:-الموت علينا حق يابنيتي وكلنا نبو نموتو والنفس ايخش ويطلع مرات طلع توا في الدقيقه لاخرا معش يطلع ...
انا:-😭😭😭😭😭😭 انعنه يومي قبل يومك يامي انعنه يومي قبل يومك 😔😔😔😔
خبط بآب الحوش بالقوه...
انا:-نين نقزت من مكآني ؛؛.
امي:-حطت يدهآ علي قلبهآواشهقت من قوة الخبطه:- يآآآآآآآآسآتر يآربي .
خش عمي محمود دلف باب الدآر بالقوه وخش وعيونه حمر :-يااامي 😡😡😡
امي غيرت قعدتها :-كنك كنك؟؟
محمود مآسك ورقه في يده ويقرب فيهآ من امي:-تي شن كلآمك هذآ يآمي من جدك أنتي؟
انا نبحت ومش فآهمه شي :-😳😳😳🤔
امي:-يااحميده حوشي ونا حره فيه تهيالي باتك قبل مايموت مسيبه لي نا وروان وانت وخوتك كل واحد شقه وحتي اختك عطاها شقه وزع احقوقكم قبل ماايموت؟
وتوآ نا جآء دوري نخآف من ربي يآخذ أمآنته نبي نآخذ حق هالقزيزينه .
محمود فنص في امي:-اقزيزينه 🙂مرات انحس انه نحنا امخلفينها وناسيينها ^-^
انا:-قلبي انشق 💔لكن تعودت علي كلآم هذآ منهم 😔😔😔
امي صبت وحطت اصبعهآ في وجه عمي:-هذي بنيتي تسمع😡😡😡؟من يوم اللي القيناها ونا عدتها أبنيتي نا وبوك ربيناها وكبرناها وقعدت بحسبتكم انتو ،ومن يوم وغآدي هذآ حوش روآن وأنتو وخوتك كلهم هنا تجيو أضيوف لروآن واللي مش عآجبه كلآمي يخبط رآسه في السيسآن.
انا:-تفجأت من كلآم امي وقعدت غير انبحت وخلاص .
محمود يخبط بأيديه :-خليها تنفعك يآمي بنت الشوآرع ،بنت الحرآم هذي.
امي:-اخص علي وعلي تربآيتك اخزي عليكم.
محمود طلع وهو يخبط 😡😡😡ويهزب.
انا ادموعي ينزلن ونبكي 😭😭😭
امي حطت ايدها علي راسه :-اه يبو يقتلوني هذم اخصي عليهم اخص عليهم.
انا قربت منها وقعدت انضم فيهآ:-نعلي ياامي ربي يطولي في عمرك 😭😭😭.
امي:-يانا المنعله ااااه وخلاص،هذا كله عشان كتبت الحوش بأسمك .
انا:-نبحت في امي ومصدومه 😳
انا:-بس نا يآأمي ماعنديش حق ومفروض ماكتبتيش بأسمي.
امي:-هذي وصية باتك وهو قآلي أنه يبيني نكتب الحوش بأسمك.
انا:-يعني باتي قالك هكي قبل ماايموت.
امي:-لما كتبلي الحوش بأسمي قآلي لما يهدى الوضع عدي وتنازلي عن الحوش ل روان واضمنيلها حقها؟
انا:-بس نا مانبيش وهكي ينفتحن علي ابواب جهنم الله يخليك يامي والله نخاف منهم.
امي:-من إيش أتخآفي؟دوبيني نآ معآك ماتشيليش حمل شي؟
انا ضميتها بالقوه:-انعني مانفقدك يالغآليه 😘
*ثآني يوم:-
انا قآعده في الحآفله امروحه للحوش :-
ملك مآسكه في يدي :-غلاي فكري اكويس ،،انتي مكبده فيه موت بآسم عليش الحركآت هذني خليه ايتقدملك توا ويفاتح امه بالموضوع ..
انا:-ملك انتي عارفه انه امه رافضه وعارفها رأيها في الموضوع عليش نتعب في نفسيتي ونتعلق بي بآسم اكثر ع فاضي.
ملك:-حسستيني بأنكم دايرين علآقه انتو نظرات من بعيد مسكين ميت عشان يحكي معآك وانتي امطنشه .
انا:-انا نبيش نرتبط عشان الموضوع هذا انا لقيطه ومافيش حد يرضا ياخذني 😓😓😓😓
ملك:-نعلي انتي طرف وحق ربي لو شايخه ع خوتي ناخذك الواحد منهم .
انا:-هههههه نعليا،،حتي هبه تبيني ل بآسم ومش رآفضه لفكره بس امها مستحيل توافق وبوها حتي هو استحآله أيوآفق،ع قولت اعمام اقلب الجره علي فمها تطلع البنت لأمها.
ملك:-يآخذو سوك ياحنه وسو بناتهم والله انتي خير منهن لون وعمل ،شوفي مروه قالب الدنيا مكياج وعلاقات وياريت حتي شكله مسقم،لكن انتي عيون سود وشعر طويل يضرب لوطه اسود وفم اصغير وبياض وجسم ايهبل وأدب واحترام.
انا:-اسسسس احرجتيني يابآرده 😂😂😂
♧وصلنا قدآم حوشنآ:-
ملك:-احتمال نمشو اليوم ل هبه توا نأكدلك بآهي نقرو هههه.
انا ناخذ في مذكرآتي :-نقرو ولا زي يومتها هههه.
ملك:-هكي وهك بس عند هبه مانقدروش امها واعره،،لكن مرام زطنا بدالي رقص وجو ههههه.
انا:-ذكرتيني توا نفتح الاب ونحط المقطع فيه اللي يشوفنا يقول رقصات .
ملك:-هههههه انزلي انزلي خير ماصاحب الحافله يفلم.
انا:-بااااي.
نزلت من الحآفله وخآشه للحوش،، لقيت عمي مصطفى قدآم البآب:-خير ياعمو شخبارك؟
مصطفي خير ياعمو :-تعآلي فوق تبيك صآبرين فوق.
انا :-بآهي نخش نغير ادبشي ،ونجيكم فوق،
مصطفى قعد يشيرلي بيده ويوطي في صوته :-لا لا نبوك في حآجه خآصه ولوكان تخشي علي امي وتقوليلها يبوني فوق توا ترقآ معآك.
انا ماتريحتش للموضوع وقلبي نقزني بس قعد يضغط علي بالكلآم وسكنلي:-هزيتله برآسي تمام.
مصطفي مسكني مع يدي ورقآني فوق:-
خشيت لقيت أعمآمي كلهم ملتمين وحتي اعميمه معآهم.
انا زمطت أريآقي 😥😥😥😥
مصطفي خشي خشي :-اعمامك يبوك في كلمتين .
خشآني للمربوعه وكآنو كلهم يستنو فيآ.
اعميمه صبت :-قعمزي يااروينه قعمزي يااعيوني تريحي اكيد تعبانه من الجآمعه .
انا استغربت من يوم يومها ماتحبنيش استغربت من الحنيه الزآيده.
محمود ابتسملي :-ها شخبآر الدآرسه طمنينا عليك؟
انا هزيت براسي :-تمام ميه ميه ؟
يونس طلع ورقه وحطهآ علي الطآوله.
يونس بحت في مصطفي زين ورفعله حآجبه.
انا حسيت بالحركه مش تمآم بس معش فهمت شي.
يونس 😁😁عاد انتي ابنيتنا نحنا ربايناك علي ايدينا وكبرتي مع اعويلتنا .
انا:-اها صاح.
مصطفي اروينه كبرناها ونحنا مانتحملو فيهآ شي.
انا:-😥😥😥
محمود حاط ايده علي لحيته:-يااروينه نحنا اليوم نبوك توقعي علي الورقه هذي /شكليات بس قدآم العرب عيب انك انتي تبقي صآحبة الحوش.
يونس :-لوكان صأرت في امي حاجه بعد عمر طويل نبو نتخلو عنك يعني معقوله ماتجيش.
اعميمه فوزيه :-تهيآلي مايرضيكش اللي دارته والله ماتجي راها منظرنا قدآم النآس نجوك انتي اضيوف.
محمود:-لا مااتجي نحنا نبوك انتازلي ولوكان تنازلتي ع الحوش وع ذهب امي اللي تبي تعطيك منه وع الحواله اللي امربيتن امي.
انا:-حوالة شنو؟
مصطفي ماامي وزعت الحوآله السعي متاعها وعطت كل وآحد فينا حقه وعقبتلك انتي منهن واكتبت ورقه فيهن وحتي الذهب اقسماته علينا بالتساوي .
انا غمضت اعيوني:-ربي يطولي في عمرك ليش اتفاولي علي روحك.
محمود قرب الورقه والبنينه :-هيآ سلم ابنيتي وقعي هيآ الله يربحك .
انا خفت منهم ومسكت البنينه وجيت نبي نوقع ،علي طقت البآب.
محمود:-من اللي جآيك توآ يامصطفي ؟
مصطفي:-توا نبحت حي كان ماتمت امي؟
محمود اصبر اصبر ماتحلش نين اتوقع ؟
انا صبيت وعزقت البنينه :-مش اموقعه 😏
صبت اعميمه:-وعليش ياحنه ماتبي اتوقعي😡
يونس:-صبآ من مكآنه اس يافوزيه اسكتي بشويش ع البنت .
يونس قرب مني :-الله يربحك يااروينه وقعي مانك خآسره شي،وقعي وريحينا تهيالي نحنا رجاله بوجوهم عيب علينا نبقو اضيوف في حوش امنا.
انا :-مدام امي دارت هكي مانقدرش اندير حاجه من وراها.
البآب قعد يطق بالقوه .
فوزيه قربت مني ومسكتني مع فمي:-تسمعي يآكلبه نسمعك قآيله حآجه لأمي نقتلك 😡
انا جسمي ريب منها وقعدت نرجف .
محمود قعد يهد علي :-احسابنا مازال لاقدآم قولي حاجه لامي بآهي 😡والله نأدبك تأديبه عمرك ماحقيتيها.
البآب قعد يزيد.
مصطفى عدا شور البآب:-خلآص خلوني نفتح وروان ماتكلمش .
يونس رفعلي حاجبه :-ماعندي لك الا قطع ارقبتك .
بحتت في فوزيه تفنص في بعيونها.
انا:-مآنيش ماتكلمه والله مآني متكلمه.
انا سقمت ادبشي ودمعتي تبي تنزل.
فوزيه وهي عاظه علي فمهآ:- فكيني من ادموع التماسيح 😡
انا رديت دمعتي وبخوف:-به حآضر.
فوزيه مسكتني :-هيا خشي جوا عاد اروحك اتسهري مع البنآت.
انا:-مشيت معآهآ 😓😓😓
فتح مصطفي البآب.
امي 😡😡😡😡😡:-سآعه عشآن تحلو البآب،خير ان شاء الله كنكم ملتمين من ورآي بسم الله.
مصطفي حط ايده ع لحيته:-اااااااء ااااء ؟
يونس انشغلنا عليك يمي انطقو عليك مابيتش اتحلي.
امي مشيت ل عمتك نوريه في الصبح😏 لكن من ساعه 1 ونا ماده وجهي .
يونس :-توا قبل نبي ننزلك نبوك تجي اتغدي معانا.
امي 😏:-انشغلت علي روان طولت قلت انجيكم اترنولي عليها.
فوزيه :-هه يامي ،ربطآنلهآ قدآم الحوش وجبنآها عشان اتغداء هنا ،،وتوا قبل نبو ننزللوك.
**انا قآعده في الدآر مع البنآت .
خشت علي امي:-اروينه يامي طمنيني عليك ايش درتي في الجآمعه اليوم؟
انا جيتها وقعدت نبوس في يدها :-الحمدلله يآمي ؛؛في عقلي ربي مآيعوزني فيك ولا يحرمني منك.
تغدينا معآهم نآ وأمي ولميت معآهن الحوسه ؛؛ونزلت لوطه مع امي .
امي قعدت تضغط عليآ وتقولي دارولك حآجه نآ نكرت كل شي وماقتلهآ شي.
خشيت لدآري ،نبي نرقد شوي.
ع السآعه 3:00 بضبط:-
مسكت تليفوني .
انا:-هبه ران عليآ 7 مكآلمآت :-ازعمآ شن تبي 🤔بدري كنت معآها ؟
رنيت عليهآ:-
هبه ردت:-ايوا وينك؟
انآ:-نعم يابت كنك ؟
هبه:-قتلك تعآليلي في العشيه جيتاني ملك ومرام.
انا:-تمام توا نجيك نقولهآ لأمي بس . عشان نحكيلكن شن صآر معآي ؟
هبه:-شن صآر يابت احكيلي شغلتيني؟
أنآ:-لا لا مانقدرش نحكيلك ع تليفون توا نحكيلكن بعدين؟
هبه:-ماتطوليش بآهي مش ترقدي وتريح عليك رقده .
انا:-لا ضروري منها الغفوه بس مش امطوله اشوي بس؟
هبه :-بآهي به.
انا طلعت علي امي :-يامي قتلك؟
امي:-كنك يااروينه.
انا:-كلمتني هبه وتبيني نجيها عشان نبو نقرو .
امي:-بآهي المشكله في السياره بس.
انا:-😢
امي:-خلآص توا نكلم منصف يجي يآخذك ونمشي معآكم نآ أنوصلك؟
انا:-😍😍ربي مايحرمني منك يآمي .
خشيت لدآري رقدت وعتني امي علي 4 جهزت روحي .
ولبست علي 5 جآنآ منصف .
وصلنآ عند حوش هبه
امي :- السآعه كم انجوك؟
انا :-ع 8 تمام.
امي:-تمام مربوحه .
جيت نبي انطق البآب .
انفتح البآب جت وجهي في وجه بآسم خو هبه.
نعرفكن بآسم:-
بآسم مواليد 1990 اخر سنه في الجامعه تخصصه هندسه وعنده محل تليفونآت وشقه بروحه فوق من هله جآهز وهو معجب بي من زمان ويبني نوآفق عليه بس امه رآفضه وقالتله لأ،، هبه عندها اخ واحد باسم و4خوات .
انفتح البآب جت وجهي في وجه بآسم لما شآفني ،ماتكلم ولا كلمه ارتبك وخش في بعضه ونا شر منه ارتبكت وقلبي قعد يدلف بسرعه لاني حتي نا معجبه بيه موت .
بآسم انحرج وفتحلي البآب:-تفضلي تفضلي؟
انا:-منزله رآسي وماقدرت نرفعه.
بآسم:-هبه هبه ،،خشيلهآ جوآ ؛؛وطلع من عند البآب .
وانا مرتبكه ونرجف .
هبه بحتت في :-كنك ياهمي ماخشيتي .
انا :-ماكنيش 😁😁😁خوك فجعني بس .
هبه:-بآسم😒
انا:-اها،،كيف كم عندك اخ ههههه،،،
هبه:-نعلي منك خشي .
انا:-واللهِ فجعني ،،هو طآلع ونا نبي نطق البآب انفجعت منه القيت في وجهي.
هبه:-خشي خشي وانتي ديمه مفجوعه؛؛بس هذي مش فجعه هذا تكبيد راهو ههههه.
انا:-بلآ سمآطه؛؛خشيت ولقيت بآقي صحبآتي .
عدآ الجو وحكيتلهن اللي في خاطري واللي صار معاي كنت نحكيلهن ونا متريحه لأنهن خواتي اللي طلعت بيهن من الدنيا.
روحت في الليل.
قعدنا نا وامي نهدرزو لعند 12 .
وبعدها خشيت لمرقدي وفتحت النت؛طبعآ عندي دي سي ال .
جتني رسآله .
انا :-بحتلهااا .😳،،قعدت نبكي ونرجف 😭
رنيت علي ملك.
انا:-الو ملك؟
ملك:-كنك ياهمي.؟
انا:-حي عليك الحقيني ؟
ملك:-تي شنو وانتي ديمه كوآرث وحآصله في روحك؟
انا:-في وآحد دزلي ع الفيس المقطع متآعنآ .
ملك:-تكذبي!!!!
انا:-وقسمآ بالله مانكذب😭😭😭😭
ملك:-اشهقت طيح اسعدك،من هو هذا وشن اسم ايميله 😳.
انا:-اسم الإيميل الغد المنتظر وبآين فيه وهمي😭😭😭.
ملك؛-قلتيها ل بآقي البنآت .
انا:-لا لا انتي اول وحده 😭
ملك:-توا نكلمهن توا ''يانعلي عليك كآرثه 😨"
انا:-حي عليا كان يسمعوها اعمامي هم علي سبله من غآدي 😭😔توا يملو راس امي علي .
ملك:-ايش تقولي علي حآلي أحرف من حآلك.ياريت عندي ام اتدافع علي؛؛؛ خوتي وصباياهم علي سبله من غآدي .هالمره حيقتلوني .
انا :-😭😭😭😭😭😭😭😭
سكرت ملك مني وكلمت البنآت وحكتلهن ''ونا في مرقدي ونرجف يانعلي ياربي ؛؛من اللي دآر هكي في ،،حي عليا ،،اه ياربي.
وقعدت ندز فلي دزلي المقطع وهو مسكر وبعدها .
الغد المنتظر:-وآو شكلك سكآنه شنو عرم الرسآئل هذني.
انا:-ندخيلتك من وين تعرفني ورآسك قولي.من وين جبت المقطع هذآ كيف وصلك.
الغد المنتظر:-والله انتي ع أساس هآمك انتي بنت .....😁
انا:-آحترم نفسك يآتآفه .
الغد المنتظر:-ايش قلتي؟!!!!
انا:-😭😭😭😭سامحني قولي من وين جبت المقطع وراسك كان عندك خوات ماتنشره!!
الغد المنتظر:-مش عآرفه كيف بنآت محترمآت يصورن مقطع زي هذآ!!
انا:-والله ابصآره ومش قصدنآ بيه شي بنات في بعضنا والبنات لما يتلاقن يديرن شر من هكي.
الغد المنتظر:-ابصآره يآعآهرآت وأنتن اتراقصن بي بدالي رقص شكلهم معآكن رجاله يا.........
انا:-😭😭😭😭😭شنو المطلوب توا؟
الغد المنتظر:-مطلوبي سآهل!نبي وحده من العآهرآت منكن تطلع معآي -!
انانقزت من مرقدي ونبكي نخآف امي تسمعني:-مستحيل هذي ماتحلمش بيهآ.
الغد المنتظر:-ههههه مثلا تمثلي في دور البراءه،،، لوكان ماتبنش تطلعن،، اليوم يشهدر المقطه😊😋وتصبحي ع خير يا........
