📖📖📖📖📖📖
في لحظه قررت اني نحكي ل بآسم كل شي :-
أنآ كنت راقده قعمزت ورفعت اشعري فوق وخذيت نفس قوي:- بآسم نبي نحكيلك حآجه .
بآسم:-شنووو أحكي ان شاء الله خير.
انا:-مانقدرش نحكيها دردشه نبي نحكيها لك مكآلمه.
بآسم:-تمام ؛؛عطيني رقمك توا نكلمك توآ.
أنآ:-تمام 🙈
كتبتله رقمي ،،بعد اشوي رن علي،،
انا تنهدت بصوت عآلي ورديت عليه:-ايوااااا ❤
بآسم:-مرحبااااا.
انا:-مرحبتين.
بآسم:-احكي شغلتيني؟.
انا:-نبي نحكيلك موضوع ،بس مش عآرفه كيف نبدا ولا كيف نقوله ،
بآسم:-يآسآتر يآربي وشن الموضوع قولي؟
انا:-بس رجاء نبيك تسمعني للأخر ،نا نبي نحكيلك لأني ماعندي سند وماعندي حد يصبي معآي نبي حد يسآندني.
بآسم:-بإذن الله مانخيب ظنك ،،أحكي 😌
انا غمضت عيوني وعضيت علي فمي:-من شهر هكي تلآقينا نا والبنات عند مرآم ،، وكآن عندها بدآلي متاعات كيف نقولك 😭😭
بآسم:-بدآلي شنو ،
انا:-معش عرفت كيف نقولها له،،
بدآلي متاعات المصريات.
باسم:-اي بدالي 🤔
انا:-متاعات متاعات.
باسم :-🤔🤔🤔🤔
انا:-رقص😓😓😓😓😓
بآسم:-بآهي كملي.
انا:-خلآص المهم صورنآ بيهن ،،ودرنا مقطع ومش عارفه كيف درنا هكي صورناه ونحنا نتراقصو .
والله مش عارفه كيف صآرت 😭😭😭
وبعدين امس واحد خش علي ايميلي يهدد في بالمقطع.
مع انه وقسما بالله المقطع في تليفوني نا.
باسم:-هبه فيه المقطع 😳
انا:-لا مش فيه نا ومرام وملك.
باسم:-الله المستعآن.
انا:-عآرفتك شن تبي تقول علي عارفتك 😭😭💔والله اي بنات ايتلاقن ايديرن هكي .
بآسم:-بآهي المقطع من شهدره ؟وكيف طلع ؟
انا:-والله مآني عآرفه وقسما بالله حرت وقريب ننجن عقلي وقف 😭😭😭😭
بآسم:-المقطع عندكن كلكن ولا عندك انتي بس!!
انا:-عندي نآ بس 😓المشكله اني عمري ماخليت حآجه في تليفوني؟كل شي ننقل فيه في الاب متاعي 😓😓😓بس هذآ نسيته.
بآسم:-بآهي أذكري من خذاه منك تليفونك؟
انا:-نا تليفون ديمه نعطي فيه؟ننحرج لما وحده تقولي نبي تليفونك ؟نعطيه ع طول 😥
بآسم:-اااااخ ؟بآهي واللي يهدد فيك شن قآلك؟
أنآ نعظ ع فمي:-يبي يبي ؟
بآسم :-شن يبي 😡
انا:-يبي وحده منه تطلع معآه 😭😭😭😭
بآسم:-وان شاء الله طلعتن .
انا:-لا لا 😓اليوم درنا قرعه 😭
وطلع اسمي نا،باسم وراسك نبيك تنقذني 😭😭😭
بآسم:-المشكله نا مانقدرش ندخل توا مرات يبقي حد من هلك؟
انا:-يعني تبيش تسآعدني؟
بآسم:-لا توا نسآعدك بس 🤔انفكر كيف نبي ندير هذي قصه كبيره والله اعلم من وراها 😓😓😓
انا:-نعلي والله مقهوره وراسك ياباسم نا حياتي تنتهي كآن اشهدر المقطع والله حيآتي تعدي فيها اعمامي توا يقنعو امي بأني مش تمام وبنت شآرع والله نموت نآ😓😓😓
بآسم:-اسمعي انتي مشي معآه وخليه لنهآيه يمشي وقوليله انك تبي تطلعي معآه وبلغيني بكل حآجه يقولها لكي .
انا:-تمام 😢بس نخاف نا.
بآسم:-ماتخفيش انتي معآي.
انا:-والله ياباسم مقطع عآدي بنات فيما بينا مش خاطره علينا ايسير هكي.
بآسم:-عارف ومصدقك ،خلاص نا مصبي معآك، انتي وهبه صاحبات لا اليوم ولا امس من زمان وعآرفينك اكويس.
انا:-فرحت 😍وعطآني أمل جديد 😍🙈
حكينا مع بعضنآ وقعد يوآسي في ،بعدهآ سكرت:-
**دزيت رسآله للغد المنتظر:-
انا:-تمام انا ح نطلع معآك ،بس وين المكآن وأمتى .
الغد المنتظر دزلي رساله ع طول.
انا:-متوفر طول الوقت انعن وجع ياخذه.
الغد المنتظر :-انسق وتوا نقولك يا...... 😁😁😁
انا:-مسكت تليفوني وعزقته حيووووان تاااافه حقيررر.
مشيت خشيت توضيت وطلعت قعدت نصلي ونبكي وندعي ل ربي اااه ياربي كون معاي يارب يارب 😭اااه وخلاص.
بعد صلاتي تريحت وخشيت لمرقدي،رقدت ...
**جاء ثآني يوم في الليل:-
انا فاتحه مذكرآتي ونقراء خشت علي امي،جآيبتلي حليب وسندوتش.
انا 😍😍😍:-ربي مايحرمني منك ياست الحبايب .
((ماتستغربن من دلع امي لي والله مش تحبني تموت فيا ماتحمل فيا حاجه حنها غريب علي تخآف علي موت ومكبده علي واي حاجه نطلبها ولبسي من اغلا الدبس لانها امي حآلتها المآديه متريحه وبآتي حتي هو؛ وفعلا الام هي اللي تربي مش اللي تحيب )).
امي:-اشربي حليبك وهو سآخن مش تسيبه نين يسقع ويلقع.
انا:-باهي وانتي شربتي ياامي .
امي قعمزت :-ماعندي شي نيه .
انا:-😏معناها حتي نا معنديش نيه .
امي:-هنيني ياابنيتي الله يربحك اشربي حليبك تغذي اكويس انتي تقري وعشان يبقي عندك جهد.
انا:-مش شآربه نين تشربي انتي بروحك تاخذي في دواء .
امي:-باهي توا نمشي نجيب.
انا:-لا لا خليك توا نصبي نجيبلك نآ.
خشيت للكوجينه ..وقعدت ندير لامي في حليب وسندويش.
مسكت تليفوني،لقيته جيتني رسآله من الغد المنتظر .
انا قلبي قعد يدلف وقعدت نرجف.
فحت ع الرساله:-بكره السآعه 8 ديري روحك ترجي في الحآفله ،وتجيك سيآره لانصر سودا امظلمه .
اركبي وانتي سآكته.
انا شهق حطيت يدي علي فمي وقعدن عيوني دمعن 😢😭 .
انامسحت دموعي وخذيت الحليب وخشيت ع امي
لقيت امي مآسكه مذكرآتي
امي:-مازالك وآجد ماكملتي ؟
انا ونا مرتبكه وقلبي يدق:-لا مازالي اشوي.
قعدت امي احذاي وبعدها سيبتني وخشت ارقدت .
انا:-قعدت نبكي ومعش مسكت روحي.
مسكت تليفوني ورنيت ع بآسم.
ونا نرتعد اااااااء اااااء.
بآسم:-ايوووووووا.
اناقعمزت ع المرقد وحطيت يدي ع رآسي :-نعلي ياباسم دزلي الراجل حي عليا خلاص نا مش عارفه شن نبي ندير.
بآسم:-اسكتي بس وهديلي روحك مش قتلك ماتخفيش نا معاك وأستحآله أنسيبك؟شن قآلك قوليلي.
انا:-قآلي قآلي 😭😭😭😭
بآسم:-اهدي واحكيلي بشواش.
انا نمسح في دموعي :-قآلي انه بكره في موعد حآفلتي يبي يجي يآخذني ،باسم وراسك شن اندير نا خايفه موت.
بآسم:-اسسسسس وماتبكي ومانبي صوت منك ...بكره عدي معاه ونا معآك.
انا:-لا لا مستحيا نمشي مستحيل نديرها.
بآسم:-لا الله يربحك بشواش بس ونا معاك ...اول ماتوعي رني علي بس .
انا:-نوعا شنو اصلا نا نرقد اليوم اصلا والله ماحيجيني نوم ولا تغمضلي عين اااه وخلاص 😭😭😭 ..
باسم:-توا بس نبيك ياعيوني تهديلي روحك ونبيك تطمني وتعتبري روحك كأنه مافي شي .
توا ارقدي وغمضيلي اعيونك وتخيلي بأنه القصه منحله ...والله ياعيوني نا ح نوقف معاك ومستحيل نسيبك لكن كان تميتي بشكل هذا تبكي مستحيل نقدرو نديرو حاجه ولا نحلو القصه ...،،،
انا:-شن اندير مش بيدي والله قريب نموت نا واعره راه.
باسم:- بعيد السو عليك من الموت،،،ماااااقتلكككك نااااا معاك تي راكي تنجلطيلي هنا ،،،
انا:-😭😭😭😭😭😭😭😭😭.
بآسم:-عيووووني ؟؟؟؟؟
انا بصوت وآطي:-نعمممممم.
بآسم:-نحبككككككككك.
انا عضيت ع فمي ومش عآرفه ليش حسيت بالأمان :-🙈🙈🙈
بآسم:-كنك سكتي؟
انا:-كنيش ☺☺☺.
بآسم:-نجيهاااا اللي متحشمه والله نموت فيك مكبد فيك موت كان ماحكيت معآي راني متت .
انا:-🙈🙈🙈🙈
بآسم:-لمآ نشوفك في الجآمعه ننجن ونتمني روحي قريب منك نحكي معاك ونقعد جنبك .
انا:-ساكته وقلبي قعد نار.
بآسم:-عيوني نبي نحكي مع امي باهي.
انا:-في شنوووو ☺☺😍
بآسم:-عشان نخبطك وتكوني لي .
انا:-بس هي مش اموافقه 😭💔
بآسم:-وانتي ع سبله تبي تبكي وخلاص،،،اعيوني دموعك غاليات علي معش تبكي ،،،امي ماعليك فيها اطمني ح نخليها توافق بطريقتي .
انا:-باهي ليش مادرت طريقتك من قبل ماتحكي معاي.
بآسم ارتبك من سؤالي وقعد يكح :-لا من قبل كنت نراجي في روحي نوصل لأخر سنه في الجآمعه.
انا:-ابتسمت وطمني كلآمه وقعدت نحكي معآه لعند الصبح وهو واعي معاي انا ماجاني نوم وماقدرت نرقد وهو قعد معآي.
ع السآعه 7:00
بآسم:-عدي جهزي روحك بآهي .
انا:-😭😭😭😓
بآسم:-شن قلنآ نحنا 😔😌
انا:-موعرها علياااا والله واعره.
باسم:-طول الليل ونا معاك ماسيبتك يعني توا نبي نسيبك .
انا:-باهي نركب معاه قصدك؟
بآسم:-اركبي اها ،،ونا ورآك في السيآره.
انا تنهدت بصوت عآلي :-تمام 😥😥😥
مشيت خشيت للحمام وغيرت ادبشي وعت امي وتتلي الفطور كآلعاده.
امي حطت السفره:-اروينه اروينه.
انا:-نعم يامي 🙈
امي:-تعالي هيا افطري قريب حافلتك تجي.
انا:-انغصيت 😔😔اه يامي الغافله كان تعلمي شن صاير بيا.
انا جيت قربت من السفره ويدوبني ناكل مسكت تليفوني ودزيت رساله ل ملك..
انا:-ملك قولي للحافله ماتجينش باهي.
قعدت نفطر ونا معلوله ومقهوره.
رنت علي ملك..صبيت من مكاني.
ملك:-كنك غلاي مش ماشيه.
انا:-لا توا نحكيلك قصه طويله وتوا ماعنديش وقت 😢
ملك:-تمام عيوني انراجي في مكالمتك بآهي.
انا:-تمام 😢😢😢😢
سكرت منهااا ...
جت رساله من الغد المنتظر:-يا.............. شوي ونجي ارجي برا.
انا حطيت يدي ع فمي وقعدت نبكي
مسحت ادموعي وسقمت ادبشي وطلعت ع أمي ...
امي:-كنك يامي وجهك اصفر راكي تبقي مازالتي مريضه ،،كانك مريضه ارقدي.
انا:-لا مش مريضه يامي 😥😥😥في عقلي اااه يامي وخلاص .
حبيت ع يدها وطلعت قدام الباب .
شفت سياره من بعيد قلبي يقعد يدق..
بآسم :-رفع روشن السياره 🙈
انا:-اطمنت وضحكتله .
الغد المنتظر :-دز رساله ...نبي نجيك في حآفله فيتو بيضاء امظلمة راه غيرت السياره .
انا:-الله يلعنك حقير حيووووان كلب 😭😭😭😭
بحتت في بآسم ونا مرتبكه وقلبي ناااار.
باسم مسكت التليفون ورن علي
انا:-الوووو
باسم:-اعيوني نا نبي نتباعد شوي عشان مايشكش .
انا:-تمام بس يبي يجيني في حافله فيتو بيضاء.
باسم:-تمام عيوني ...هديلي روحك بآهي .
انا:-به تمام 😔
***بعد ربع سآعه ...جت الحآفله البيضآء مظلمه...
انا قلبي يدلف وحالتي حاله ...
معش عرفت انتوازن ...وقفت الحآفله...
انا:-قربت وفتحت البآب ...بحتت في الراجل ...بحت في اول مره نشوفه ...كان منظره يخوف...رفعلي حآجبه:-أركبي 🙂
انا:-ركبت ونا نار في وقلبي خلاص .
الراجل:-سآكت وماتكلم ولا كلمه غير ايفنص فيا وخلاص .
وانا كل مانبحت فيه وهو يفنص فيآ ...
انا:-نبحت فيه ودموعي ينزلن ونرجف.
رن تليفوني ...بحتت فيه ...
مدلي يده ..نا خفت ومعش عرفت شن يبي مني ...
مده ايده ...انا نبحت فيه زين....
الراجل فنص فيا:-هيت التليفون .
انا نرتعد واصله حدي:-مديته له 😭.
الراجل حط اصبعي فمه :-اسكتي ماتصدعينيش🙂😌
لمافطنت الشي الطريق في عيني مظلمه مشينا مع طريق طويله وصل بينا عند مقهي لما وصل نزل وركب معاي في الكرسي اللي جنبي .
انا:-قعدت نبكي اااااء اااااء ...
الراجل رفع في وجهي مسدس :-تسكتي ولا طلقه في راسك.
انا:-اااااء .
الراجل طلع خرقه من جيبه ،،،ومسكني من عند يدي ..،،،ربط ايدي ...؛؛وربطلي عيوني بالخرقه؛؛؛
انا:-نبكي ونا منخنقه 😭😭😭😭
ربطني ودفني 😡...شكلك متعبه انتي يا.......
انا:-حيوووووان تافه ونا مغصوصه ومش قادره نتكلم .
الراجل:-وينك ياباشا الأمانه جآهزه رآه وصلنا المكآن اللي قتلي عليه .
انا:-حي علياااا من اخرا يبي يجي... طاح اسعدي وينك ياباسم ادخل وراسك حي علياااا نا شن اندير ازعما يلحق فيا ازعما وراي ااااه ياربي يارب كون لي عون يارب 😭😭😭😭
***بعد اشوي:-
ركب واحد...حسيت بيه ركب بصوت واطي ...
الراجل 1 :-وينك طولت ياثلب ...
الراجل 2 :-ماباش يحكي ولآ كلمه سآكت قرب مني ومسكني مع يدي اللي مكتفات ...
انا وخرت وقعدت نبكي ....
₩₩₩بعد نص سآعه:-
وقف السيآره ...فتح البآب...مسكني مع ايدي وشالني ونا نبكي وصوتي مكموت جوا ...ااااااااء ااااء ونخبط بكرعي ونتخبط نين انفسي قريب ينقطع ...
خشوني جوا ...وعزقوني علي الأرض ...ونا منهاره ...ياباسم الحقتي ورسك ياباسم وينك ...
ياباسم قريب نموت نا اااااااء 😭😭😭😭،،،،
الرآجل 1:-خش علي ورفعني ...وفك ايدي ...وفك أعيوني ...
انا قعدت نبحت في الرآجل ونا عيوني يدمعن ومش قادره انتنفس قعدت نكح ...
الراجل 1:-جآبلي اميه وقعد يشرب فياااا ...
ونا انكححح...بعدها خش الراجل لاخر ونا مطبس راسي ...الراجل 2:-امصبي فوق مني :-
ارفعها ...!!!
انا الصوت مش غريب علي لا لا ياربي ان شاء الله نطلع تهيالي ان شاء الله نطلع نا غلاطانه يارب .
الراجل 2:-امصبي فوق مني :-
ارفعها ...!!!
انا الصوت مش غريب علي لا لا ياربي ان شاء الله نطلع تهيالي ان شاء الله نطلع نكذب يارب .
الراجل 1:-رفعني وحطني علي الصآلون...
انا:-قعدت نزمط في ارياقي ...بحتت في الراجل لا يانعلي ااااه 😭😭😭قعدت نبكي بصوت عآلي مش امصدقه .
انا:--نعلي باسم معقوله انتي ونا عابيه عليك ااااء وقعدت نعيط بصوت عالي .
قرب مني مسكني مع شعري اسكتي يا........😡😡😡😡😡
انا:-ايش درتلك يابآسم ايش تبي مني شنو اللي تبيه مني بس حرام عليك شن ديرتلك نا.
بآسم طلع ورقه وبنينه:-وقعيلي هنا هذا اللي نبيه منك 😉
انا:-بحتت في الورقه وكانت هنا صدمتي ........
