لك في مقامات الغلا دار و قصور و ما يسكن قصور الغلا غير غالي / لعاشقة السراب

الفصل الثانى

بعد شهر
في بيت بوعادل
شريفه الي حايسه بجهاز بنتها قالت بفخرلأماني:شوفي يمه ابيج تصكين على بنت سعادوه بجهازج
اماني بغرور:اكيديمه بصك عليها هم شعرفهم باخر صرعات الموضه حدهم الخياط الي تشتغل فيه امهم
ضحكت شريفه وقالت بفرح:ألا مادريتي دقت امينه اليوم وتبارك لج وتقول اتمنى اكون معاهابس ظروفي ماتسمح لان بيبدون رحلة العلاج بعداسبوع وتقول ادعولي
اماني برجا:الله يرزقها ان شالله
بيت بوسعد
سعدوعياله جو عشان موعد العرس قرب وبيت بوسعد محتاس بالعمال الي يجهزون شقق المعاريس
ام سعدجالسه مع جنتهامرت سعد
ام عبدالرحمن:اقول خالتي شلي طرا على حمدوخلاه يتزوج وشمعناحوربذات خطبتوها له
ام سعدالي عارفه ان مرت سعدكاشفتها لانهاتدري بكرهها لسعادومستحيل تفكربناتها ألا لهدف قالت بقهروهي تقوم بتروح غرفتها:النصيب وماحد ياخذألانصيبه وراحت
ام عبدالرحمن:صاجه محدياخذ ألانصيبه بس الله يسترعلى حور الي جابهانصيبها عندج
فوق بغرفة سعود
كان عنده بنات اخوه يهذرون على راسه
اسيل بتعجب:بصراحه ماتوقعت عمي حمديتزوج توقعدانه بيتم طول عمره عازب اشرت لسعود وقالت وانت متى ان شالله ناوي تزوج الي حل عقدة اخوك قادرعلى انه يحل عقدتك قامت ركض ونحاشت لان سعود لحقهابيطقها
قال بعصبيه:انامعقد هين يااسيلوه ان مانتفتج بس اصيدج التفت لهديل الي ماسكه ضحكتهاقال وهورايح صوبها:تضحكين عاجبك كلام اختج هاه مسك شعرهاوجرها للباب ودفهاوسكرباب غرفته
حس بقهرمن كلمهامعقوله انا معقدفي نظرهم لاني ماتزوجت بس انا ناوي اتزوج اذا لقيت البنت الي اتمناها وبالمواصفات الي احددهابعد
اليوم الثاني
عندحور
جهزت لها من ارقى المحلات والماركات بمساعدة رفيقاتها بالجامعه الي قالوالها عن اخر الموديلات من ثياب وساعات وافخم انواع العطور سعاد كانت فرحانه بجهازبنتهابس تمنت ان فرحتهاكملت وماخذها ولدعبدالرحمن ونور كان لهادور بالتجهيزلان حورتقتنع بذوقها في البس
كانوا عند محل بدل التفت حور وقالت وهي تأشرعلى بنطلون جنز اسود:نورشرايج حلو
نورالي موتها لبس البرمودات والبناطيل عكس حورتماما قالت :حلو
حوربضيق:بس ابي بدي يليق عليه ساعديني
نوراشرت على بدي فوشي علاق وفيه زخارف بالون الاسود:هاذا حلو
حور:مادري باخذه وامري لله
نوربضحكه: يالله ترا ماخلينا بالسوق شي شكلج بتفلسين حمد
حوربعصبيه:ماعلي منه خل يحمد ربه اني باخذه هالشايب

بعدشهر
العرس
في افخم الصالات واحسن انواع الخدمات
بوسعدكان يتوسط عياله حمد الي عن يمينه وسلطان شماله كانت فرحته ماتنوصف بزواج عياله
سلطان الدنيامو سايعته اخيرا بيجتمع مع حب طفولته اماني وشاق الحلج ببتسامه عريضه
حمديبتسم مجامله للمدعوين من اصدقاء وشخصيات مهمه معاه بالشغل
سعودواقف بالاستقبال ويرحب بالمعازيم
عندحوربالصالون
كانت أيه من الجمال في حسنها وزينهاالطاقي لدرجة ان امها قرت عليها لانهاخافت من عيون اهل الصالون من زباين وعاملات
نورالي ماتقل عن اختها بالجمال كانت لابسه ثوب كات بنفسجي قامج مشغول على الصدروضيق وفيه فتحه لي الركبه وشعرهامسويه فيه حركه بسيطه من قدام والباقي استشورته وخلته ينساب لي تحت ركبتها مع سواده الي يسحر
سعادلابسه ثوب اسود مشغول وبارزبياضهاوالمكياج ماثقلته مثل البنات نادت سعاد نور وقالت :نور تعالي عشان تروحين معاي بنودي اغراض اختج الي ماتحتاجهم لشقتها بيت عمج
نور:خاف نتاخرعلى الزفه
سعاد:لاماحنامتاخرين وعشان مانضطرنطب بيت عمج مره ثانيه فخليني اودي اغراض بنتي دامهم مشغولين بالعرس
نور:الي تشوفينه دقيقه بجيب عباتي
سعادقالت لحورانها بتروح مشوار وتجي بسرعه اركبت مع سيارة اجره هي وبنتها مرو البيت خذوا الاغراض وراحوا للعنوان الي اخذته من بوعادل
في عرس الرجال
حمدتعب من كثرالمجامله التفت لسلطان الي مازال يبتسم حمد تنهد والله حاله بكره بس تقثك بزنهاوطلباتها تكره الساعه الي ابتسمت فيها
سعودالي تعب من الوقوف لف بسرعه بيجلس على كرسي مانتبهه للعصيرالي مع رفيقه الي صدمه وانكت عليه واعدم ثوبه خصوصاوانه عصيرفراوله
سعودتفشل من الي صار واعتذر منه واستاذن من ابوه عشان يروح يبدل ويجي بسرعه طلع وصل البيت باقصى سرعه نزل من سيارته استغرب وجود تاكسي عندبيتهم سأل السايق وقاله انه تبع اهل العروس دخل بسرعه وركض لغرفته يبدل
عندنور
نورالي من دخلت البيت وهي منبهره بكبرحجمه وفخامته طفشت من الترتيب وكان ودها تستكشف لوجزء من البيت تسحبت بشويش وطلعت برا الجناح شافت الصاله الكبيرالي بين الشقق وغرف النوم فوق ابتسمت وهي تشوف افخم الاثاث وتحف قالت بستهزاء وبصوت مسموع :والله ابونا العزيزواخوه عايشين بنعيم اذا بيت اخوه جذي فاكيدهومايقل عن مستواه اضحكت بسخريه وزادجمالهااسنانها الي بانت دارت على نفسهاودار معاها شعرهاكانت تحس ان كل هالعزالي هم فيه مايجي ظفر من ظفورامها الي ضحت عشانهم وهي بلحظة انسجام قطع عليها صوت
امهاسعاد الي خافت من اختفاء نورراحت تشوفهاويوم لقتهاقالت بصوت اقرب لصراخ:نورشتسوين انهبلتي
نوربضحكه:اكيدبنهبل شوفي ابوناواخوه شلون عايشين وحنا شلون عايشين وضحكت بسخريه
سعادبعصبيه:ماتوقعت انج يانوربتغرج هالمظاهروتنسيج سواتهم فينا
نوربتنهد:لايالغاليه لايمكن انجذب لهالأمور انابس حبيت القي نظره على البيت بمااني مراح اطبه مره ثانيه
سعادارتاحت لكلام نورقالت:يالله تعالي البسي عباتج بنطلع مابقى شي على الزفه
نور:ان شالله اتركت المكان وهي ماتدري بسهامها الي رمت فيهن اعيون
سعودبعد مااخذشاوروبدل فتح باب غرفته بيطلع انصدم بالي شافه توقع انهاخيال موصج لين سمع كلامهاعن ابوه وعمه شافهااشلون تضحك وهي دور على نفسهاوشعرها يدورمعها كان شكلهاقمه في الانوثه والجمال صحى من سرحانه فيهاونصدم يوم احدنادها بنور
سندظهره على باب غرفته وهو حاس بقلبه يضرب طبول غمض عيونه بيمحي شكلها بس خيالهاتم عالق سعود بذهول:هاذي نور معقوله عندي بنت عم بهذا الجمال ياربي صج ماستحي خزيت البنت خزهذا وهي بنت عمك ومايجوزابتسم وقال: بس ان شالله بيجوز لاني بعتبرنفسي مغفل اذا طارت من يدي والله بتصير مصخره عندسلطان هذا وانت حالف ماتاخذها بس البنت شتت تفكيرك حس بضيق يوم سمعاهاتقول مراح اطب هالبيت مره ثانيه قال بفرح لابطبينه يانوروقولي سعود ماقال خرب عليه صوت تلفونه ونصدم ابوه لانه تاخرعليهم حيل
في العرس
شريفه الي بتاكل سعادوبناتها بعيونها وزاد قهرهانور الي خاطفه لانظارفي العرس
جاوقت الزفه وبيدخل حمد
حور حست بخوف فضيع لان المعركه الي بتخوضها بدت شافت بنت عمها واشرت لنوروقالت شيما:غطي العروس لان خواني بيدخلون مع حمد
نوربكبر:زين
شيمابضيق:ترا اخوج بيدخل وده يسلم عليكم
نوربقهر:ماعندي غيراخت وحده
والي تكلمين عنه ماهوألا ولد ابوي الي حتى مااعتبره ابو ولفت بتمشي وقفها صوت شيمابضيق:عيب وحرام يانورهالكلام
نوربسخريه:ياحليلج يابنت ع عفوايابنت اخو ابونا تعلميني العيب والحرام جان علمتي ابوج اول ومشت وتركتها
شيماانصدمت من كلامها وحست بذنب لان سبب تمرد نورهو احساسهابالنبذمن اهل ابوها من قبل لاتطلع لهالدنيا
دخل حمد وهو متوسط ابوه وعمه مافكريلتفت ويشوف العروس كان يمشي بثقه وبغرور
نورانتبهت لخوف اختها من رجفة يدينها قالت بتلطف الجو:حور شحلاته والله انه شباب شوفي طوله كله هيبه ورزه
حورارفعت راسهاولمحت هيبته وطوله العذاب ماقدرت تركز بملامحه من الربكه لما قرب لها
حمدالي من دخل اشغل نفسه وقام يطالع بنات اخوه واخته الي يسلمون عليه ومالتفت للكوشه اول ماقرب لها سلم وجلس ومافتح الطرحه ينطر اخوانه يطلعون
سعود وعيونه تدور على ملاكه كان وده يشوفها لولمحه بس
شد انتباهه الي واقفه جنب العروس قلبه قاله انهاهي قعد يخزها وتاكدانها هي يوم شاف خاتمها البنفسجي كان بارز بياض يدها وصغرحجمها انصدم باليد الي اخبطته
سعدبغضب:اشفيك ساعه اقولك امش الي يشوفك يقول متشفح على الزواج وانت كل مافتحت امي سيرته انحشت
سعودبخوف:هاه ماانتبهت اعذرني ياخوي وطلع معه وباله في الي سرقت قلبه وعقله
اول ماطلعوا التفت حمد عليها يرفع الطرحه
فتحها وانبهربالي شافه هي عيون هوخدود وشفايف كانت منزله راسهابخوف رفع راسها عشان تشوفه انصدم بالي يشوفه هم قالوا له عمرها بالعشرين والي اشوفه طفله ماتعدت الثمنتعش
حورلمارفع راسها حست برجفه من لمسته طالعت بشكله ماتوقعت انه حلو جذي وجذاب مع انه عمره كبيرألا انه كأنه شاب بالعشرينات زادت رجفتها لما باس جبينها وقال ببتسامه:مبروك
حورماقدرت ترد وحمدنقد على عمره صارله فتره مادالبوز بس شافها شق الحلق وقام يبتسم
سعاد اعيونهاعلى ضناهاالي بتفارقهامن الليله ماقدرت تحبس دموعها وصاحت بهمس
حست بيدتمسكها التفت شافت نورتشدعليها وهي تكابر دموعها قالت:يمه شوفي ولد عبدالرحمن اشلون انصدم بجمال اختي كانت تبي تضحك امهاوتبعد الحزن عنها انتبهت لابوهاوخوها بيسلمون على حور قالت بخاطرها خل اكون مع حور اكيد تحتاجني وراحت صوبها @@
انهوالزفه وزفوا المعاريس للفندق
عندسلطان واماني
اول مادخلوا جلست على الكنبه جلس جنبها سلطان وهو يتامل حب طفولة وقال بهمس:مبروك
اماني بخجل:الله يبارك فيك
سلطان ببتسامه:الحمدالله يارب اخيرتحققت امنيتي واخذت حبيبتي اماني
اماني غاصت بثوبهامن الخجل ونزلت راسها
___
عندحمدوحور
من دخلوا وهوسيده دخل الغرفه وهي قعدت على كنب الصاله نزل بشته وشماغه وهو في صدمته من جمالهاياويلك ياحمدسلوى الي ماتجي ربع جمالهاكانت تقدرتسيطرعليك بكلمه حلوه بس هاذي اشلون يكفي عيونهاالذباحه بس انا وعدت نفسي اشدعليهالان سلوى دلعتهاولبيت كل طلباتها وكان نتيجته طلاقي فخلني اشد احسن طلع يشوفها
حوراستغربت من تطنيشه لها ودخوله للغرفه عصبت مالت عليه الشايب طنشني وراح خل اقعدلين يخمد وروح اخذي لبس و
ماكملت كلمتها ألاوحمدجاي صوبها بجمود جلس جنبها ومسك يدينها يهدي من رجفتهن قال :مبروك حور
حوربغصه:الله يبارك فيك
حمدوهويتحسس نعومة اصابعهاوصغرحجمهن مع يده قال برودوهويتفحصهابنظراته من راسهالي اسفل قدمها :ماودج تبدلين قبل يجي العشا
حوربخجل:ألا وقامت راحت للغرفه
حمدتسندعلى الكنبه ومسح شعره يبعدعنه التوتر الي يحسه لي شاف عيونها
حورادخلت الغرفه واخذت لها قميص ابيض طويل بدون اكموم فكت تسريحتها بعد تعب ودخلت تاخذلهاشاوربعدمده طلعت وهي تحس بنتعاش قامت تنشف شعرهاعند التسريحه فدخل بهالحظه حمد عشان يعلمهابوصول العشا بس بعد ماشافهاانطرم وبق عيونه
حورالي تفشلت من نظراته وتوترت وزاد توترها الروب حق القميص نست تطلعه لفت لشنطتهاوبحركه سريعه من توترهاقامت تفتش عن الروب
حمدتفهم لخجلها وابتسم قال ببتسامه:العشاوصل
حوربرتباك:ان شالله جايه
طلع وهوحاس بشعورغريب شعورحب على فرح طرت عليه سالفة رفضه لزواج منهاوان سعودكان ممكن ياخذها عشان خاطره عصب من هسيره قال والله اني مهبول لو مااخذتها شافهاجايه صوبه بعدمالبست الروب الي بتخفي فيه بعض مفاتنها ابتسم لها واشرلهاتجلس جنبه
حورالي الخجل كاسيها وخدودها مولعه ورموشها تحرك بسرعه من التوتر جلست عنده
عندشريفه
بعدمااخذت لهاشاوريزيح عنها تعب العرس شافت بوعادل منسدح بينام قالت بفرحه وهي دهن يدينهابلوشن:ياقلبي ياأماني قمرسم الله عليها تصدق مومصدقه ان بنتي امونه الجاهل تزوجت احسهابعدها صغيره
بوعادل بهدوء:الله يوفقها هي واختها وبعدين موصغارحريم
شريفه بغضب:اللهم امين يوفق بنتي وشدت عليهاتقهره
سعدكضم غيضه وسكت وبداخله نيران تسعره بسبب اهماله لبناته بسببهاوتركه لسعاد الي بعمرهامازعلته بكلمه وهوجازاهابالجحود والظلم حس بروحه بتطلع وهو يشوف بناتها اشلون ينظرن له بحقران وبرود بالعرس كان وده يطول وهو حاضن حور بزفتهابس حس بجفاف من نظراتهاله وجت نور وقالت له برود:انتبه لاتخرب زينت اختي وخل عنك التمثيل قدام المعازيم الكل داري وعارف بنبذك لنا ووقفت تعدل طرحة اختهاوهو واقف منصدم كلام نورالجاهل للحين يتردد على مسامعه نورالي من فتحت عيونهاوهي منبوذه والي المفروض تكون قعدته و دلوعته مسح دموع قهروزاد من ضغطه على المخده
عندحمدوحور
بعدماخلصوا عشا وقف حمد ومديده لهاعشان تقوم
حوربدهشه بقت عيونها فيه
حمدببتسامه:منتي مغسله قومي خل نغسل وقال بخبث :ونام لان بكره ورانا مشاويرطويله
حورماتحركت من الخجل ونصدمت بحمديوم مسك يدها وسحبها معاه
اليوم الثاني ببيت بوسعد
الساعه وحده ظهرفي غرفة سعود الي من امس مانام من كثرمايفكر بنورالي غزت مخه وعقله وشتت تفكيره سعود بتنهد:ياربي شفيني بس اتخيلها حسبي الله على بليسك سلطانوه شكله دعاعلي مثل حمد اهاه ياقلبي اناشلون بروح الشغل وانابهالحال بس لحظه هي كم عمرها الي سمعته من سلطان ان عمي يوم طلقهاامها كانت معهاحورثلاث سنوات وهي اصغرمن حورانا مالي ألا أسأل سلطان هوالي مهتم بخبارهم