لاتتركني وترحل
الكاتبه ؛tabarak hasan )تبارك حسن (
ج٩٥
مينا:صارت الساعه عشره اندك بابنه ابويه شافهم اهل سيف كال يله طلعو طلعنه رحت سلمت عليهم ورحت يم سيف
سيف:انتي منو
مينا:،بنت الجيران
سيف:يمه فدوه لج شنو هاي تخبلين بلحجاب بعد ابد لتنزعي
مينا:خجلتني😊
سيف:يمه فديتهه التخجل
مينا:وانته طالع حلو
سيف:،مواحلى منج حياتي
مينا:رحت ركبت بسياره وسرى راحت يم خطيبهه لئن متكفي ونطلقنه ٣سيارات الطريق اخذنا نصور تونسنه كلش حدما دخلنه الكربلاء خلو السيارات بلكراج ونزلنه الزلم لكدام واحنه نمشي براهم اخذولنه سياره وصعدنه بيهه ذبتنه يم تفتيش باوعت سيف كتله يفوتوني هيج
سيف:لا تعاي اشتريلج عبايه منا وقت زياره تلبسيهه
ابومينا:لاعمي اني اشتريلهن هسه اربعتهن
سيف:عمي عوفهن عليه
ابو مينا:من تعقد عود نوبه شتريد جيبلهه
اركان:خوش لعد عمي انته حجيتهه اني اشتري السرى
ابو مينا:شوف نسيت سرى عاقده لاعمي وحد عن خواتهه اني اشتري
مينا:ضلو واحد يكول لثاني اني اخر شي سيف اشترالي وحده واركان اشتره السرى وابويه ليان ونورس اباوع السيف الكاتبة تبارك حسن كلش فرحان بيه ومخليني براحتي امشي مومثل واني سافره عينه عليه
سيف:يربي لفلفتج وبعدج تخبلين شسويلج بعد البسج بوشه
مينا:لاعيني مكالو هيج
سيف:ههه عليج الله مينا مخاله مكياج
مينا:بس مسكاره
سيف:يمه سبحانك ربي هاذه القطن شنو
مينا:وانته هم ابيض معايز شي
سيف:اذا اوكف يمج اطلع ككو
مينا:واني اموت ع ككو يضحك دخلنه لتفتيش فتشنه صار مقابيلنه الامام(الحسين ع..)تحسين براحه نفسيه اباوع للقبه وعيوني تجري ياسيدي ومولاي انته تعرف بنيت الشخص وجيتك مواليه الك والاخوك ماريدك تردني خايبه اريدك تحفظلي اهلي وخطيبي وتنور طريقنه وصلنه وسلمنه للمانه ودخلنه بلتفتيش ازدحام والكل يصيح اللهم صل ع محمد وال محمد ومشه سرانه وفتشت وطلعت انتضرت البنات طلعن واجتي ام سيف خلت حجاب ابيض ع راسي ودخلنه اتلكتنه ريحه تخبل ومينشبع منهه بسنه الباب ونزلنه جانو منتضرينه كالو طبو زورو واحنه منتظرين هنا طبينه زرنه اباوع ضريحه يخبل كلش حلو مومثل مااجينه متغير ومسوين سره زرنه وبست شباجه وطلبت مرادي وخرت اخذت دعاء كعدت اقره واني اعرف شلون صلاه صليت وهديتهه للامام وطلعنه رحنه للمكان الكالو انتضرو بي كعدنه علما اجوي
ابو سيف:يله بنتي كومي خلي نعقدلكم
مينا:رحنه الغرفه ابويه وامي وسيف وابو وامه وليان والبقيه ضلو ينتضرون دخلنه وسلمنه ع سيد وابويه سوالفله ع وضعنه وبده سيد يقره واني وليان نردد برى شعور كلش حلوه تهيس انته بديت حياه جديده طاهره نقيه كمل سيد وكال بارك الله بيجن بناتي والله يحفظجن ويكثر من امثالجن خلص وطلعت ليان وبده يعقدلنه اني كاعده مسافه زغيره عنه وسيف بصفه
سيد:هل تقبلين الزواج من سيف....... زوج لكي ع سنه الله ورسوله بمهر مقدما ١٠ومأخره ٢٠اذا قبلتي قولي نعم وكلتك نفسي
مينا:نعم وكلتك نفسي نوبه راح يسولف ويا سيف مااسمعه شنو يكول وافق وبدت الهلاهل والجكليت باركولي الكاتبة تبارك حسن وبوستهم واجه سياره باركلي وباسني براسي وطلعنه براكولي البقيه كلش فرحانه وسيف الفرحه بعيونه كعدنه شويه وسيف عيونه مشالهه وتلمع كعد بصفي حبيبي شنو كلك الشيخ
سيف:كلي تقبل ازوجك هاي الكمر كتله ايي
مينا:هههه لوتي
سيف:صرتي حلالي وملكي الي وحدي
مينا:ايي يروحي اني من انولدت الك مكتوبه بااسمك
سيف:تذكرين من تخربطتي من شفتيني
مينا:ايي مناسيتهه قبل لاتعرفني اني واكعه بحبك
سيف:وين شفتيني
مينا:والله اذا اكلك تضحك عليه
سيف:لااحجي
مينا:اني من نوع اقره قصص كلش احبهن فاقريت قصه وخالين عليهه صورتك كلت جكد حلوه ومرت الايام وجاي اكلب بحسابي وشفتك كبالي ومن ذيج الساعه اني احبك
سيف:يمه فدوه العشك المخابيل
مينا:هوه حبك خبلني
سيف:يله حبيبتي خلي نكوم نكمل زياره
مينا:طلعنه و من الحضره رحنه للمام العباس ع وزرنه وقرينه دعاء وصلينه صلاه الضهر والعصر وانجمعنه بمكان واحد وكعدنه نسولف والي يقره قرءان والي متمدد حدما صار وقت الغده طلعنه اني امشي ويا سيف
مينا:سيفو اني قصيره لو انته طويل
سيف:هههههه ماعرف بس طولج حلو عاجبني
مينا:صايرين مثل رقم ١٠
سيف:لايمعود موهيج طولج موالم ويا طولي
مينا:هههه قنعني
سيف:اروح فدوه لهلعيون
مينا:احنه بشارع لتنسه😁
سيف:لاماناسي وصدك مينا منعطل زواجنه
مينا:ايي حبيبي عادي
سيف:خوش لعد باجر الج استراحه ومن بعدهه نجهز ونعقد محكمه
مينا:هيج مستعجل
سيف:صارلي سنتين اتلوع ع فراكج قبل لانتعارك خلي نزوج
مينا:لا منعارك بعد بس تاني شعري يطول
سيف:خلي ام صالون ترهمه
مينا:اوك مثل متريد وصلنه للمطعم دخلنه صعدنه طابق للعوائل طلبنه غده وتغدينه وطلعنه ضلينه نفتر ونشتري اليعجبنه واكلنه موطه ام الكلاص مشكله سيف يكلي ديري وجهج واكلي لوذبيهه بعناده شمرتهه وبعدني مماكله منهه شي هوه خزرني راح جابلي ثانيه كتله انسدت نفسي كال براحتج رحنه للكراج كل واحد ركب بسيارته ورجعنه للبيت صعدت الغرفتي نزعت اباوع الوجهي احمر من شمس طبيت سبحت وشمرت روحي بفراشي ونمت
سيف:رجعت للبيت مكسر من تعب صعدت ارتاح ونام وخابر مينا
مينا:كعدتني امي ع عشه غسلت ونزلت لئن كلش جوعانه ونفسيتي مرتاحه والبنات يمي كملنه وطلعنه بلحديقه نلعب طوبه نغير جو لشوي وامي جابت الفون كالت سيف يدك عليج
