لاتتركني وترحل
الكاتبه*tabarak hasan
البارت 15
ابو سيف:خلص لعد اعتبرهه طايحه
سيف:مشكور يابه بس اريدك تسمحلي اجيب مينا عدنه
ام سيف:شنو اني مالي كلمه بهذه البيت احنه شمعرفني بلبنيه حته جيبهه للبيت هيه اجتي يوم واحد
سيف:يمه يكفي اني اعرفهه وراح اجيبهه وتعرفو عليهه
ام سيف:يعني انته تريد تخلينه كدام امر الواقع انته مخلص كلشي
سيف:يمه لسويهه عظيمه كتلج الابنيه احبهه ورايدهه
ابو سيف:شوف ابني الاشي الي يعجبك سوي مادام تحب الابنيه روح جيبهه خلينه نتعرف عليهه
سيف:صار يبه اني باجر احاجيهه واجيبهه
ام يوسف:ضاهر حجيي ميفيد الي تريده سوي
سيف:لا يمه بس اريدج سانديني وتفرحيلي
ام يوسف:خلص يمه الله يهنيك سوي الي تريده
سيف:كمت بست ايد امي وابويه وترخصت منهم وصعدت خابرت مينا
سيف:هلاو حبيبتي
مينا:هلاو بيك يعمري شلونك
سيف:بخير اذا حياتي بخير
مينا:دومك حبيبي
سيف:روحي اليوم اريد اشوفج
مينا:صعب حبيبي تكدر تئجلهه ع باجر
سيف:ليش حبي
مينا:اليوم عندي درس رسم
سيف:اوك حبيبتي
مينا:يله حبي اروح احضر نفسي
سيف:انتبهي ع نفسج
مينا:اوك حبي سديته منه غيرت ملابسي وطلعت اخذت تكسي وصلنه للمكان الي اريده دفعت الحساب ونزلت للمبنه لكيت الكل متواجد سلمت عليهم وكعدت بمكانه اجه الاستاذ انطه ارشادات وبدينه نطبقهن وبديت اتقن الرسم اول انجاز حققته بقيت حوالي ساعتين ورجعت للدار
لكيت البنات كأعدات كعدت يمهن اخذت الفون كلبت بي دزيت رساله السيف بره شويه جاوب ضلينه ندردش حدما صار العشاء ترخصت منه ورحت اتعشه كملنه طلعنه كعدنه بلحديقه نغير جو كضيناهه سولف وضحك
سرى:مينا سيف ماجاب طاري اركان
مينا:لاوالله ليش انته ماحاجيتي
سرى:لايوم احاجي غير هوه يبادر خومواني
مينا:ايي حبي صبري هوه يجيج بلئخير
ليان:اكلجن اشو مينا حبت سيف وسرى اركان وراح تكعدن بيت واحد اني وين اروح
سرى:انتي ويا جبير
مينا:لامزوج الولد وعنده بنيه
ليان:لاقابل اخرب بيتهم
مينا:ايي حبيبتي مالج شغله بسرى
سرى:هاي شبيج جاي نشاقه قابل صدك
مينا:ايي خاف الجن نيه ممنوع
ليان:يمه يمه من هسه دافع المره حماهه
مينا:لاموقصت ادافع هسه انتي اذا زوجتي تقبلين تجي.وحده تاخذ رجلج ع حاضر
الكاتبه*tabarak hasan
ليان:طبعن لا
سرى:غير اموتهه
مينا:خلص لعد سكتن
سرى:اكلج محاجاج ع روحه البيتهم سيف
مينا:لامافتح وياي الموضوع
ليان:صعبه علينه نكعد بيتهم خلينه هنا معززين
مينا:اني هم معاجبتني روحه بس ماريد اكسر بسيف
سرى:ايي خطيه سيف نشلع كلبه
مينا:اني اشوف الوضع هناك اذا ماعجبني ارجع
ليان:اوك
مينا:بنات يله خلي ندخل صار دنيا ليل ميصير نبقه
سرى:ايي يله اني نعست
ليان:واني هم
مينا:دخلنه كل وحده راحت السريرهه ترتاح اني خليت راسي ع مخده وغفيت من تعب
سيف:حجيت ويا مينا واعتذرت مني ماكدرت تجي اتمددت شويه صار العصر غيرت ملابسي وطلعت يم جماعتي كضيت وقت وياهم وتراسلت ويا مينا وتعشيت بره البيت ورجعت وقت متئخر كبل الغرفتي غيرت ملابسي ونمت
مينا:كعدت الصبح غيرت ملابسي وتريكت وطلعت كعدت بلحديقه شويه بردت ودخلت بره ساعه رحت لدرس البالي دربونه ع رقصات جديده وكملنه ورجعت للدار مرت ساعاتي عاديه للعصر خابرني سيف حته التقي ويا جهزت نفسي ورحت المطعم قريب ع دار بره شويه اجه
سيف:هلاو حبيبتي شلونج
مينا:اذا انته بخير اني بخير
سيف:دومج حبيبتي
مينا:كعدنه اني ويا طلب اكل وكعدنه ناكل وخلصنه
سيف:مينا اني فتحت الموضوع ويا اهلي بخصوص جيتج
مينا:ايي وشنو جان ردهم
سيف:قبلو تجين انتي وخواتج
مينا:سيف متأكد يقبلون ماضغطت عليهم
سيف:لا ابد استقبلو جيتج برحابه صدر
مينا:ماشي اهم شي راحتك
سيف:خلص لعد من ترجعين جهي نفسج والبنات هم وانجي ناخذج
مينا:شلون اجهز نفسي وانته محاجي ويا مسؤوله الميتم
سيف:اني باجر اجيب اهلي هم يحاجوهه وهم اخذج وياي للبيت
مينا:اوك ضلينه كاعدين شويه وكمنه اني ماكدر اتأخر هواي خارج الميتم فاوصلني للدار وهوه راح البيته دخلت للبنات حجيتلهن الصار فرحن ع فرحي بدينه انجهز بغراضنه وجمعنه كلشي يخصنه
سيف:وصلت مينا للدار وطلعت المحل غرف النوم واشتريت تلاث اسره وميز مرايه وجهزتلهن غرفه كامله واجرت سياره جبيره حته تنقلهن واخذتهم وياي للبيت دخلت الاهلي سلمت عليهم وكتلهم سوو طريق
ام سيف:ع شنو طريق منو الاجه
سيف:رجال يريد يفوت ينصب الغرفه للبنات
رقيه:غرف المن جايب متعرف ست الحسن تنام بلكاع
سيف:انتي ميخصج فوتي جوه (بصياح)
ام سيف:مالك شغله بيهه هسه نفوت
سيف:صحت ع اركان وعلي حته يجون يساعدوني نقلنه الغراض لطابق الثاني وبدينه ودخلناهن للغرفه وشديناهن ورتبنه كلشي ونزلنه صارت كلش حلوه اهم شي اوفر كلشي الاميرتي ومااخليهه ناقصه شي وصلت الرجال للباب وانطيته اجرته ورجعت كعدنه كلنه بلصاله
هدى:سيف اكدر اشوف الغرفه
يتبع
