لاتتركني وترحل
الكاتبه*tabarak hasan
بارت 19
هدى:شبي صوتج مبحوح
مينا:مابي شي يمكن بدايه نشله
هدى:عندج العافيه حبببتي
مينا:الله يعافيج
ليان:يله خلي روح نصعد بلسياره
مينا:رحنه لسياره لكينه الكل واكف
هدى:وين راح نصعد
علي:البنات مينا ليان سرى هدى ويا سيف وابويه وامي ورقيه ويا اركان وحوراء وبنتي وياي
مينا:الكل صعد حسب تعاليم علي اني صعدت بلسياره من جهت الجامه موبره سيف حته مااباوعله هدى كلتلي كعدي لكدام ماردت ضل فارغ حشرت روحهه يمنه ضايقنه طفرت ليان وكعدت بلمقدمه شغلو السياره وبدت سولفهن وشقاهن سيف ميحجي ساكت حسيته ضايج من وجهه اني اخذت الهتفون وشغلت الغنيه وضليت اباوع لطريق حسيت واحد حجه وياي اول مادرت وجهي جرت المناضر هدى من عيوني
هدى:مينا شبيهن عيونج
مينا:من حجت رئستن سيف دار وجهه عليه ورجعه
هدى:شبيج مينا
مينا:موكتلج بدايه نشله ياعيني
هدى:ونشله هيج سوي
ليان:ايي شبيج هدى عوفيهه كلشي مابيهه
هدى:اوك راح اسكت
مينا:رجعت المناظر بس كلش ضجت من سوت هيج هدى ضليت ساكته بمكاني حدما وصلنه للمنتزه الكل نزل اجني البنات يمي ضلينه نمشي سوه الحد ماكعدنه بمكان ع حشيش صار مقابيلي سيف بس ابد ميباوع عليه كعدنه نسولف ونضحك وشقه بيناتنه وطكينه صور وعلي اخذ بنته لعبهه
ام سيف:مينا ماكو شمس ليش لابسه مناظر شنو موده
مينا:لبستهه كشكل
هدى:صدك ماما شوفي عيونهه خطيه مرمه
ام سيف:يايمه اسم الله شبيهن حبيبتي
مينا:خاله مابيهن شي هدى كبرت السالفه
ام سيف:نزعي المناضر خلي اشوفهن
مينا:نزعتهن وبعدت نضري عن سيف بس حسيته يباوعلي
ام سيف:ليش هيج عيونج شنو باجيه
مينا:لاخاله بدايه نشله عيوني تورم من انشل
ام سيف:ها عندج العافيه حبيبتي
مينا:الله يعافيج حسيته عرفت بس ماحبت تحرجني عفتهم وكمت اكو مرجوحه كعدت بيهه وضليت اصور بنفسي حته تروح ضوجه بره شويه اجتني ليان انطتني مي كلتلي شربي شربت وانطيتهيا
ليان:حبيبتي تره الشغله متسوه الزعل
مينا:ماادري سدي الموضوع راسي حيل يوجعني
ليان:اوكي بس تعاي كعدي يمنه
مينا:مااريد كتلج مصدعه وانتو تحجون
ليان:اوك ع راحتج
مينا:عافتني وراحت ضليت اكلب بلجهاز فتت ع ارقام لكيت رقم الي شفتهه بلميتم مااعرف ليش حبيت ادك عليهه دكيت وبره شويه ردت عليه
الكاتبه*tabarak hasan
مينا:هلاو خاله شلونج
رباب:هلا ببنيتي بخير انتي شلونج
مينا:زينه الحمدالله
رباب:شعجب دكيتي
مينا:ضايجه وكلت خلي ادك عليهه واطمن ع وضعهه
رباب:حبيبتي اني موجوده بكل وقت تحتاجيني بي
مينا:تسلمين خاله متقصرين
رباب:الله يسلمج سمعت بيج تبنوج صدك هذه الحجي
مينا:ايي صحيح اهل الشخص الي احبه
رباب:بلتوفيق حبيبتي شوفين كل خير ان شاء الله
مينا:بعد روحي خاله مشكوره
رباب:مينا:اذا ضاك بيج الوكت بيتي مفتوح حبيبتي واعتبريني امج
مينا:ان شاء الله خاله يله اني اترخص
رباب:الله وياج حبيبتي
مينا:سديته منهه حسيت براحه نفسيه من حجيت وياهه مااعرف ليش اتوقع من طيبت كلبهه وتعاملهه وياي كمت من مكاني رحت كعدت يمهم البنات كامن يريدن يلعبن خليت الموبايل يم حوراء ورحت وياهن ركبنه كم لعبه ورجعنه والكل كام حته روح نتعشه ركبنه سيارات تعمدت اكعد بلمقدمه يم سيف صعدت ورجعت الكشن ليوره حته امدد جسمي عليه ودرت وجهي ع سيف وخليت هتفون بأذني وسندت راسي ع كشن وغمضت عيوني وبعد مدريت بروحي كعدت ع صوت سيف
سيف:مينا كعدي وصلنه
مينا:فتحت عيوني مرديت عليه عدلت ملابسي وشعري ونزلت دخلت للمطعم والكل كعد اتعشينه ورجعنه وطلعنه رحت اريد اركب لكيت رقيه كاعده بمكاني باوعت بوجه سيف
سيف:كومي رقيه هذه مكانهه
رقيه:شنو مسجل بأاسمهه
مينا:رقيه بدون مشاكل رجعي المكانج
رقيه:كعدي ليوره لواله هذه المكان
مينا:ماكو مجال ليوره البنات كاعدات
سيف:هدى روحي بسياره اركان
هدى :مااريد خلي ترجع رقيه بمكانهه
مينا:يعني هسه متكومين
رقيه:ايي
سيف:مينا روحي بسياره اركان
مينا:ليش هذه مومكاني
سيف: مينا بدون مشاكل
مينا: مااروح خلي تكوم اختك من مكاني
رقيه:مااكوم شتريدين سوي
مينا: زين عندي اقتراح حتلو نكعد سوه
رقيه:المكان ضيك
سيف:دني وحلي المشكله خلي تكعد
رقيه:افف تعاي صعدي
مينا:دنت وكعدت بصفهه وصارت كعدتهه ع الليلونه وتئذيهه
رقيه:تعاي انتي كعدي مكاني واني اكعد مكانج
مينا:اوكي نزلت وهيه نزلت كتلهه ابتعدي شويه حته اصعد صعدت وجريت الباب وقفلته وضليت اضحك عليهه احلى شعور هزمتهه اباوع الوجه سيف صافن عليه شلون اعيب الاخته
سيف:فتحيلهه الباب
مينا:شغل سياره وماافتحه خلي تروح المكانهه اشرلهه روحي وهيه راحت مسافه طريق وصلنه للبيت نزلت وطبيت كبت عيطه رقيه ضلت صيح وتغلط عليه مين جايبينه هيج نماذج عاوزنه بنات شوارع جان سيف بره بعده ماطاب ومحد ردهه صعدت الغرفتي امددت ونمت كعدت الساعه بل وحده الضهر غسلت وبدلت نزلت لكيت البنات موجودات بنات حضرن ملابسجن راح روح
ليان:وين روح
سرى:شبيج تخبلتي
مينا:بدون لغو زايده محد تفتح حلكهه جمعن غراضجن وغراضي من ارجع الكاجن جاهزات
سيف ضل يصيح برايه مرديت عليه عفته وطلعت لحكني
سيف:مينا تعاي وين رايح احجي صاير
مينا:كافي الخاطر الله جزعت روحي
سيف:كتلج اوكفي خلي احاجيج
مينا:احجي شرايد
سيف:شبيج تريدين تروحين صاير
مينا:روح شوف اختك شحجت عليه البارحه محد ردهه وكللهه عيب
سيف:انتضري هنا اني رايح اشوف شحجت عليج
مينا:ضليت منتضرته سمعت صوت الصياح بره شويه شفته يصيحني من بعيد رحت يمه
يتبع
