بارت 4
ماريا :: ماشي ماما اطمئني انتي اني ارتب كلشي هناك وميصير الة الي نريدة وعدتج اني😘😘
نور: شوكت تروحين الاربيل
ماريا : اليوم الفجر ان شاء الله
نور : شعندج هيج مستعجلة 😔
ماريا :- لاماما اصلا تاخرت هواية 😢😢
وحضرت ملابسي لبست تنورة وتشيرت عريض بااعتبار رايحة الاربيل مشايفتها ابد اني مااعرف شلون عايشين ولبسهم شلونة يلا خلي اروح واشوف
نور؛ انتظري انتي تعرفين عنوانهم
ماريا :: اروح اسال عليهم هناك همة اكيد معروفين
نور : هاج اخذي هذا الفايل بي عنوانهم وكلشي متعلق عنهم جدج جان دائما يتبع اخبارهم ويجمعها بهذا الملف
ماريا: ماشي ماما واخذت الفايل وكتلها ادعيلي ماما ❤️
نور : الله يوفقج ويحميج يابنتي ديري بالج ع نفسج
ماريا: من دااطلع اجة احمد اوودعني . كتلة ديربالك على امي
احمد: امج بعيوني تروحين وترجعيلنا بالسلامة
رحت الاربيل بالطيارة علمود الاقامة اول مرة بحياتي اصعد طيارة اباوع ع الناس ولبسهم منبهرة بجمالهم هاي الي لازمة ايد حبيبها هاي الي وية عائلتها ضليت مبتسمة واني اباوع عليهم وفرحانة احس بنفسي لاول مرة اشوف الحياة 😅
وصلت الاربيل حجزت بفندق واني اباوع على اربيل وبنائها وتصميمها حسيتها قطعة من الجنة شخص مثلي كلشي مشايف اكيد هيج يفكر ☺️☺️
ارتاحيت بالفندق واني اتمنى اعيش بي طول عمري من جمالة 😍😍
نمت وكعدت العصر لبست نفس ملابسي وانطيت للتكسي العنوان ورحت اباوع قصر معقولة هذا بيت عمي ضليت صافنة ومصدومة صحيت من الصدمة لمن سالني حارس واكف ع الباب
الحارس: اختي روحي منا ممحتاجين خدامة 😊
ماريا: ومنو كلك اني خدامة هذا البيت بيت عمي والاملاك كلها راجعة الي 😎
الحارس : يلا روحي منا نصابة انتي
ماريا : روح كول للسيد مالتك الي مااعرف اسمة كلة ماريا بت عمك بالباب 😒
الحارس : رحت على سيد امير
سيدي ممكن دقيقة
امير: خير ياسر اكو شي
سيدي اكو بنية تكول اني بنت عمك اسمها ماريا
امير : جنت اشرب القهوة غصيت بيها هاي شذكرها بينة هسة كوللها ماكو احد
لاانتظر خلي تدخل
شجابها بعد كل هاي السنوات اخاف اكول مموجود وتسويلنا مشكلة
