بارت 12
ماريا: كلش فرحت من كلي انتي بدون مكياج حلوة وكلبي كام يدك 🙉 جفاف عاطفي
نزلت كتلة شلوني 😎كلي انطيج ١٠ من١٠ وغمزلي😉 وطلع طلعت ورا وصعدنا بالسيارة حسيت بملل كتلة للسايق شغللنا الراديو فتحة طلعت اغنية كاظم تناقضات (( ومابين حب وحب احبك انتي ومابين واحدة ودعتني وواحدة سوف تأتي افتش عنكي هنا وهنا لان الزمان الوحيد زمانك انتي .......)) اندمجت كلش وية الاغنية امير طول الاغنية صافن علية والصراحة اني هم كل شوية واندار على امير ضلينة على هاي الحالة الى ان خلصت الاغنية كلش حبيت هاي الاغنية رغم اول مرة اسمعها وصلنا للشركة كعدن بمكتبي ورة شوية اجتي اماني كلتلي الاستاذ امير واستاذ ادهم بقاعة الاجتماعات دينتظرون عدلت نفسي وكمت دخلت القاعة الاجتماعات سلمت على استاذ ادهم كتلة اعرفك بنفسي ماريا شريكة امير وبنت عمة بنفس الوقت
ادهم : جنت دااتناقش وية امير دخلت بنية تخبل طول وجسم وشكل كلشي حلوو دخلت عرفتني على نفسها بكل ثقة كتلها اسم حلو مثل صاحبتة واني ادهم مدير الشركة الي مقابيل شركتكم
ماريا : تشرفت بيك استاذ ادهم
ادهم : النة الشرف نتعرف بمديرة حلوة مثلج 😍
متت عليها
امير: صرت نار من كلام امير وياها تمنيت اموتة حتى لو مااحبها تبقة بنت عمي اضوج احد هيج يحجي وياها بقيت طول الاجتماع اراقب نظراتة عليها الى ان نهيت الاجتماع يلا لهنا وينتهي الاجتماع
ادهم: بس احنة بعدنة ممكملين
امير: نكملة بغير وقت دااحس نفسي تعبان اليوم ،، ردتة بس يروح
ماريا: ماشي نكملة بغير وقت
ادهم : يلا من رخصتكم ، وكلت الماريا اشوفج بخير ياحلوة
ماريا: شكرا استاذ ادهم كلك ذوق
امير: راح ادهم وبقيت على اعصابي حسيت نار بصدري معقولة اني اغار عليها بس طبيعي اغار عليها هي موبنت عمي
ادهم : طلعت سألت احد الموظفين على ماريا كتله متزوجة اوعدها حبيب حجولي كلشي عنها رجعت الامير
امير: جنت كاعد بمكتبي كلتلي السكرتيرة انو ادهم يريد يدخل كتلها خلي يتفضل دخل ادهم
ادهم : دخلت على امير وكتلة راح اكولك بدون لف ودوران اريد اتزوج ماريا وهيج اني اخذها وانت تستفاد نصير شركاء ونقوي اسم شركاتنا 😌
ادهم : دخلت على امير وكتلة راح اكولك بدون لف ودوران اريد اتزوج ماريا وهيج اني اخذها وانت تستفاد نصير شركاء ونقوي اسم شركاتنا 😌
امير: ضحكت بصوت عالي والغضب متملكني ادهم انت صدك تحجي ؟!
ادهم: ليش اكو شقة بهيج مواضيع اني سألت عليها وكالولي ماعدها احد غيرك لذلك كلت اخطبها منك
امير: ادهم اطلع برة 😡😡 ماريا مو للزواج شنو شايفني استخدم بنت عمي حتى اقوي اسم شركتنا
ادهم : لك انت تطردتي بسيطة امير اخذها اخذها وحسابك عندي
امير: طلع ادهم وسديت الباب ورا بديت اكسر كلشي اجتي ماريا
ماريا: امير بيك شي ؟
امير: وفوكاها تسالين انتي لما ضحكج واستهتارج يتجرأ هيج احد يحجي وياية بس انتي ممترباية ميتة ع الزواج وعلى الفلوس حقج مشايفة لاانتي ولا امج احجي عليها واني فاقد اعصابي الا ان ضربتني راشدي👋
