Lapas Muka (lepas muka)
Guru: Anto ngana saban pagi terlambat trus!
Murid: iyo...nci...kita masih tidor...
Guru(geleng kapala) ngana kita hukum...angka tu kaki kong badiri di muka klas sini!
Murid: (dengan muka maskena Anto badiri di muka) ......
Samua depe tamang ada tatawa ba lia pa AntoGuru: badiam jo samua...so mo mulai ini pelajaran.
Murid: Izin nci...kita so rasa kincing!
Guru: ba kincing jo noh....!
Murid: ha...? Masa kita mo kincing di sini!?
Guru: Biongo ngana....pigi kincing jo noh di wce!
Murid: .....(Anto pe muka macam ada goso tai...malo minta ampung...apalagi de pe cewe Lisa ada lia senyum-senyum)Depe dalam hati....kalo boleh mo lapas ini muka...so mo lapas jo kong ganti....
_______________________________________
Onde-onde
Sore-sore Alo deng Utu dudu-dudu di serambi muka rumah....
Utu: Alo....ngana pe kukis kesukaan apa do...?
Alo: Oh...kita suka kukis onde-onde noh...
Utu: Kalo ngana Mince?
Mince: adoh kita nda talo suka ba camu...noh...ba diit kita ini so pe gode bodi so rupa tong aer!
Utu: Kita nda suka onde-onde noh...itu gigi baku malakat deng de pe ketan...hii dedeh!
Alo: jang ngana kira onde-onde nyanda sadap!
Mince: sadap noh...mar kalo di pesta mo makang hii....ba malakat di gigi...orang pe kira leh...tai gigi!Alo pe muka so maskena...dorang mince deng Utu so hina depe kukis kesukaan.
Alo: ngoni dua....jang makang noh kalo nyanda suka itu onde-onde....ba hina kita pe kukis!
Utu deng Mince so baku haga...baru dorang so senyum-senyum pa Alo.
Utu: jang ba marah Alo....cuma bagitu leh.
Mince: iyo....
Alo: kong ngana pe kukis apa dang Utu?
Utu: samua leh model kukis kita makang...asal jang onde-onde!___________________________________
Bahasa inggris
Guru: Utu....apa bahasa inggris satu?
Utu (garo kapala) : wan sto bu!
Guru: Biongo....one. Bukan wan!
Utu: iyo...tadi ada mo bilang bagitu...
Guru: Kalo tikus bahasa inggrisnya apa...coba Alo jawab!
Alo: adoh...so lupa bu...maar setau kita mowus!
Ibu: ngana le biongo! Mouse!
(Kage Utu tiba-tiba angka tangan)
Utu: bu....kalo tikus kita tau...depe bahasa inggris!
Guru: apa bahasa inggris tikus?
Utu: Udu!
Guru:???______________________________________
Kaweng
Mince: Alo sayang... kalo torang dua kaweng nyanda usah mewah... Kong di tampah mahal...beking jo sederhana kong ba undang jo torang pe sudara-sudara dekat.
Alo: Mantap komaling Mince...kalo ngana pe hati so bapikir bagitu...kita pe diri nyanda salah pilih mo kaweng deng ngana. Kong torang dua kalo mo kaweng ngana pe mau bagimana?Mince: Torang kalo tukar cincin di Israel, kong kaweng di Kana. Kong dia pe resepsi di Yerusalem. Kalo kita melahirkan di Betlehem. Bagimana Alo sayang??
Alo: Oh Tolong, Mince...! Kalo bagitu ngana kase singgah akang pa kita di bukit Golgota supaya kita mati deng tanang di sana!
______________________________________
KAMU SEDANG MEMBACA
Mati ta Tawa Ala Manado ~Humor Manado
HumorBuku berisi cerita pendek yang bakal bikin perutmu sakit. Humor orang Manado...bahasa dan logat Manado asli. Mari ta tawa 21+ humor orang Sulut.