Alo isi pulsa
Alo: slamat siang omaa....
Oma: ( so pongoh nyanda jawab) kiapa Alo...bli apa kang?
Alo: mo bli pulsa oma....yang lima joh..
Lantarang oma so pongoh jadi laeng di bli laeng oma kase.
Oma: ooh...mo bli sabun ngana...napa lima ribu satu bungkus ee
Alo: Bukan sabun kwa oma....pulsa!
Oma: iyo noh...bagabu...nyanda mungkin nda ba gabu ini sabong pe bagus! Oma jaga pake ini sabung!
Alo jadi bingo...tapi Alo bakuat...basuara basar.
Alo: kita bukan mo bli sabong...mar bli pulsa kwa lima ribu!
Karena marah Oma leh batariak pa Alo pe telinga
Oma: iyo noh lima ribu depe harga kwa ngana kira kita pongoh soh!?
Alo: Astagaaa Omaaa....kita bli pulsa...P.U.L.S.A...pulsa oma...bukang sabong!!
Oma: Kita so bilang ini sabong bagabu...ngana nda percaya...sini kita kase lia kalo nda ba gabu, gratis jo nyanda usah bli!
Alo jadi stress deng oma yang pongoh minta ampung! Barapa lama Alo badiri di sei oma...kong ba teriak di talinga...pa oma!
Alo: OMA...KITA...BLI...PULSA! PULSA!PULSA!
Oma: iyo...iyo kita so dengar.....ngana bilang!
Alo sanang oma so dapa dengar jelas...mar oma bilang bagini....
Oma: Eh Alo...laeng kali bilang kwa kase basar....dari tadi ngana cuma ba badiam. Kalo ngana mo bli pulsa!
Alo: ADOH EEEh omaaa dari tadi kita so batariak ini...mar oma nda dengar noh...pulsa lima oma!
Oma: Pulsa brapa ngana mo bli?
Alo so ilang kesabaran!!
Alo: pulsa lima ribu oma....lima ribu!!
Oma: Kalo ngana bilang dari tadi tre....mo bli pulsa lima ribu!
Alo: Adoh eeeh oma...dari tadi mo bli pulsa lima ribu maar oma nyanda dengar!
Oma: Alo....bilang yang butul kwa...ngana mo bli pulsa ato sabong?
Alo: (nae darah....langsung pigi)
Oma:Alo....woi.....so nyanda jadi??
KAMU SEDANG MEMBACA
Mati ta Tawa Ala Manado ~Humor Manado
UmorismoBuku berisi cerita pendek yang bakal bikin perutmu sakit. Humor orang Manado...bahasa dan logat Manado asli. Mari ta tawa 21+ humor orang Sulut.
