خيوط الامل

بارت الثامن

جمانه:اني واكفه وره الباب واسمع الحچي واتخبلت ممعقوله 😳
اني عندي اخ ما اصدك وكل هاي لسنين امي مگالت
بدون وعي طلعت وصحت بصوت عالي
يمممة😠
اذا خطيتي الباب ورحتيله اتبررره منچ
#

نور:ياربي اشون هسه حرت ابين ابني الصارلي 20 سنه مشايفته وبنتي التريد تتبراا مني

كيلان:عطت عليهه وگتلهه انتي شگاعد تحچين هاذه اخوچ  اذا انتي هسه ممتقبله الحقيقه
وشايفتهه اتاذيچ لعد هوه اشون متحمل هسه بين الحيات والموت 😠😠 #

جمانة:استغربت من كلامه من حچه وشفته اخذ امي وخالتي وطلع وامي ظلت اتباوع عليه بس مرجعت 😢

كيلان:اخذت ام عزوز وخالتهه وصعدنه بالسياره واباوع عليهه الطريق كله تبچي

وصلنه للمستشفى وطبينه عزوز چان نايم

نور:اول ما شفت ابني ظليت مصدومه ورحت ركض شبگتهه وابوس بي

عزوز:گعدت واباوع مره چبيره   حاضنتني واتبوس بيه انتي منو😕

نور:يمه عزوز اني امك فدوه اروحلك 😢

عزوز:اول مگالت امك حسيت راسي راح ينفجر ودفعتهه وظليت اعيط 😠

كيلان:عزوز ظل يعيط ويصيح اجوي الدكاتره انطو مهدئات وره ساعتين گعد ورحنه ركض عليه  عزوز اشون صرت

عزوز:گعدت وحسيت راسي راح ينفجر اباوع كيلان فوگ راسي ونسوان اثنين صاحلي كتله هاا كيلان ليش اني بالمستشفى ومنو هذوله

كيلان: 😳 عزوز عرفني وضليت صافن گتله يعني انته تعرفني

عزوز:😂  لعد اشون ما اعرفك عبسي

كيلان:كمت عليه شبكته
عزوز:هاي اشبيك هلگد اتحبني 😉
كيلان:انته تدري اسويت بينه
عزوز:ليش شكو وشعندي بالمستشفى؟؟
كيلان:گعدت حچيتله كلشي وگتله هاي امك ولوما هيه چان مرجعتلك الذاكره

عزوز:انصدمت گلت معقوله صارلي 4 سنوات امضيعهه من عمري بالمستشفى وكانو شخص ثاني وشفت امي الي چنت كل هاي المده اتمنه شوفتهه

نور:عزوز رجعله وعيه وظليت گاعده واباوع عليه واتلمح بشكله  وطوله وابچي 😢

عزوز:انداريت عليهه ولكيتهه تبچي انعصر گلبي

ييمه ارجوچ فدوه أوكافي الدموع
ولا تبچين يمه أبصوت مسموع

نور: ربيتك ييمه وصارلي أسنين
اتاني أبيوم 😢اشوفك تملي العين

عزوز:دمعاتچ ييمه افديها بالروح
تركتچ گلبي يمه اعليچ مجـروح
وكثر دمعاتي يمه أتفيض الكـون

نور:ييمه انته حياتي وعمري وعضاي
عفتني أشلون بيه أتشمت اعداي

عزوز:گمت عليهه ابوس بيهه واشمهه واحس الدنيه ما وسعتني من الفرحه 😍

كيلان:يله كافي بچي مو طگت روحنه خلي اشويه نفرح يله گوم عااد لزگت اكل ونوم
يله گوم خلنطلع

عزوز:لازم ضجت مني 😐
كيلان:😲 ولك اثول اشون اضوج منك
اجه ابويه يركض عليه وشبگني بس ظليت اتلفت ملگيت امي مريم
يابه
ابوعزوز: عيوني

عزوز:لعد امي مريم وين

ابوعزوز:ابني مريم من سمعت بالخبر فرحت حيل بس من سمعت لگيت امك مقبلت تجي وگالت اكيد عزوز ميريدني بعد بس وصلتلك سلام

عزوز:احس گلبي انعصر لانه مهما يكون ما انسى فضلهه نهائيا

ابوكيلان:الحمدلله على السلامه عزوز
عزوز:الله يسلمك

ابوكيلان:اليوم على حسابك مسوي عزيمه

عزوز:عمي خاف هم ضاملي مفاجئه😂😂

ابوكيلان:لا هالمره لتخاف ماكو شي😂😁

عزوز:اخذت امي وخالتي ورحنه لبيت عمي ابويه وعمي ذبحو ذبايح مال سلامتي
كاعد وصحت لكرارر

كيلان:هاا

عزوز: انطيني مفتاح سيارتك

كيلان:شسوي بي😐 

عزوز:دنطينياا هسه اجي

كيلان:والله ما انطي احنه مصدگنه گمت بالسلامه

عزوز:اريد ارؤؤؤح لامي مريم

كيلان:اني ارروح وياك اسوق

عزوز:ديله بس امشي

كيلان:رحت اني وعزوز عرفت انو هوه زعلان لان مجتي

عزوز:نزلت وكتله لكيلان انتظرني بالسياره طبيت لبيتنه واباوع صارلي اشگد مشايف بيتنه معقوله ضيعت4 سنين من عمري بالمستشفى ليهسه ممصدگ طبيت ولگيت امي گاعده تبچي خطيه اكيد عبالهه بعد ما ارجعلهه😥

مريم:من سمعت عزوز رجع وعيه طرت من الفرح بس من گالو لگاا امه نقهرت وگلت اكيد بعد ميريدني وراح ينساني ضليت ابچي واذكره لان تعلمت عليه
عزوز:يوووومه😀

مريم:😓 اشبيه تخبلت گمت حته صوته اسمعه بالبيت

عزوز:يمه

مريم:اشبيچ مريم تخبلتي😧

عزوز:رحت عليهه وشبكتهه من وره ظهرهه

مريم:حسيت واحد شبگني من ظهري كمزت وگلت ياستار اعوذ بالله من الشيطان الرجيم

عزوز:😂😂 هاي اشبيچ يوم شفتي جني

مريم:😀 عزوز هاي انته وليدي عزوز ظليت اتلمس بوجههه معقوله عزوز اجاني لو دتخيلن عزوز:اي يمه عزوز شنو نسيتيني

مريم:لايومه اشون انساك 😢

عزوز:كافي بچي يوم مو وكتهه يله لبسي عباتچ وامشي

مريم:وين ارؤح شنو يمه حطردني من البيت😟

عزوز:😂هاي شگاعد تحچين امشي انروح لبيت عمي مسوين عزيمه على حساب سلامتي

مريم:هاا والله حسبالي حتطردني😳

عزوز:اشون اطردچ گلنة فقدت ذاكرتي بس متخبلت😁

مريم:اويلي منك ومن سوالفك هسه اجي 5 دقايق

عزوز:يله بساع راحت واني ظليت افترر بالبيت ما اشوف الا كيلان اجه يركض
ويصيح

كيلان:عزوز عزوز😨

عزوز:شكو شكو اشبيك؟؟؟