خيوط الامل

بارت العاشر والاخير

نور:دخلو عزوز للعمليات وراهاا دخلو كيلاان وگاعدة وادعي ابني يرجع بالسلامة مرت 5

ساعات واي خبر مااكو وگلبي ناار علية  وخايفه علية
ورراهه طلع الدكتور
الدكتور: عندي بشارتين الكم الحمدلله نجحت العملية وكيلان رجع لوعية بس عزوز راح يبقى بلعناية المركزة حتى تستقرر حالتة

نور:الگاع ما وسعتني من الفرحه لان عزوز ما صارله شي بس بعدني خايفه علية دكتورر دخيلك اگدر اشوفه

الدكتور:حضرتچ امه

نور:اي دكتور اني امه

الدكتور:بس 10 دقايق لا اكثر

نور:تسلم دكتور طبيت ولگيت عزوز نايم والاجهزه بجسمه 😢

(عزوز عيون امك اگعد وشوفني طولك ظليت ابوس بي واشمه) ومحسي بالوگت

الممرضة:خاله خلص موعد الزيارة

نور:بس شويه فدوة

الممرضة:والله خاله موبيدي الدكتور ميرضى

نور:بستة من راسه وطلعت لگيت ابو عزوز

واگف بالباب رحت علية ( كله من ورااك انته حرمتني من ابني وخليته يوصل لهاي الحاله يا حقير يا اناني )😠

ابوعزوز:تررة اني محروگ گلبي على ابني موبس انتي 😡

نور:لاوالله لو صدگ تحبة چان محرمته من امه 😠

ابو كيلان: ام عزوز هسه مو وكتهه ادعوله يگوم بالسلامه تره العرااك والبچي ميرجع بني آدم

نور: واصلن اني على شنو انگس نفسي وياا واحد مثلك 😏

ابو عزوز: لا اجاوزتي حدچ ✋

نور:ديضربني ولزمت ايده وگتله اني مو نور الچانت مكفخه عندك افتهمت لو لا

عفته ورحت يم كيلان لان گالو رجع وعيه وصار زين الحمدلله عل سلامه
قصص وروايات عراقية
كيلان:كعدت ولگيت امي وابويه فوگايه وگالولي عزوز تبرع بكليته يمه مليگوتو غير عزوز

ام كيلان: يومه الدكتور گال لازم واحد يتبرعلك
چان رحت بيهه وعزوز اصرر يتبرع بكليته
كيلان: وهسه اشون صارر

ام كيلان:بعده بالعنايه المركزة تستقر حالته ويطلعوو

كيلان:اوف منك عزوز😧

الممرضة : مرت ساعتين و عزوز استقرت حالته وفتح عينه
نور:رحت ركض عليه (يمة وليدي اشون صرت )

عزوز:الحمدللة يمه (بتثاقل)

نور:الله يديمك يابعد گلبي

عزوز:اجتي امي وابويه عليه وراهه اجتي امي مريم

مريم:اشونك يابعد امك 😢

عزوز:الحمدلله يمه انتي اشونچ

نور:😏 مسويه روحهه زينه

عزوز اباوع على امي ضاجت من شافت مريم
وغيرت الموضوع (ااااي كيلان اشونه)

نور:الحمدلله زين

عزوز:الحمدلله ربي
مرت 5 ايام وطلعنه اني وكيلان من المستشفى

كيلان:اويلي منك الله يساعد گلبك وما اعرف اشون ارد فضلك

عزوز:انته رديت فضلك قبلي وما انساا لحد ما اموت 😍😍وحضنته

كيلان:حبيبي الله يديمك اليه اخويه موگفلي مثلك😍

عزوز:امي اطلگت من رجلهه وعرفت عندي اخت وفرحت حيل ورجل امي انحبس بجريمه قتل  و اجرت بيت صغير وگعدت امي واختي بي وگمت اشتغل وادرس خلصت

الكلية ودخلت قانون وصرت محامي واشتريت بيت لاهلي ازوجت اماني اخت كيلان وحبيتهه حيل 😍

وكيلان ازوج اختي وهسه عندي ولد اثنين👦👦 وبنيه👧 واخاف عليهم وعلى امهم ليصير بيهم مثل مصار بيه وكيلان صار مهندس وعنده ولد

اثنين وبنات اثنين اما بالنسبة لابويه وامي مريم كل اسبوع اروح اشوفهم  ومگطعت منهم مهما يكون همه اهلي
واني وامي كل مده اسفرهه لمكان ووديتهه للحج ومخليت شي بنفسهه حبيت اعوضهه عن الايام الراحت

وهاي العبره الثانيه. ..
ا الصديق طبعا مو الا اقرباء او اخ(ربي اخً لم تلده لك امك بل ولدته لك الايام) بس اهم شي المواقف الحلوه اليوگفهه ويااك والدنيا ( دواراا يومأ علينا ويومأ عليكم)

ان کـــــان اجمــل مـا فــي الـوردالـرحـيق    

فـأن اجـمـل مـا فـي الدنيـا الصـ♥ـديق

اتمنالكم قراءة ممتعة والقاكم بقصة جديدة احبكم 
missroro17