ضياء :السلام عليكم اسمي ضياء جواد كاظم طالب حوزة شيخ
معمم الابن الوحيد ل امي وابويه اعيش ببيت بل حويش احد
اسواق النجف الاشرف التراثية حافل بلمكتبات والكتب
الدينيه والثقافيه والروايات وغيرها موصفاتي (ابيض عيوني
عسليات ملتحي طولي170 وزني67)
زهرة:السلام عليكم اسمي زهرة بنت الشيخ مهدي الحلواجي
عندي 2اخوان سجاد وفضل اعيش وي امي وابويه ببيت
بسوك الحويش قريب عن الامام علي عليه السلام
مواصفاتي (سمرة عيوني خضر شعري طويل😍
طولي160 وزني54)
♡♡♡♡♡♡♡
بيوم من الايام كلت ل امي رايحه ازور واروح اشتري كتب
وقبلت رحت زرت ودخلت لمكتبه لكيت بيها شيخ معمم
يتناقش وي صاحب المكتبة (حجي خضر) طلع لشيخ وبلغلط
وكع كتبي استحى مني وكعد شالهن وانطاهن الي وراح اني
اخذتهن واشتريت الكتاب الي اريده ورجعت افكر بل شيخ
وشكد مؤدب ومهذب نضفت البيت ونمت شويه وكعدت فتحت
لشباك شفت نفس الشيخ واكف بل محله ويحجي وي روحه
اني استغربت الوضع شبي لازم كتاب ويتكلم وي الكتاب 😕
ضياء: اليوم راح اسهر سهرة طويله علمود ادرس هذا الكتاب
وافسرة وافتهمة 😍 طبعا كل ونستي هيج ومشيت شفت
نفس لبنت وكفة مشيت سريع ورحت وفكرت بيها بعدها
شغل فكري الكتاب
ام ضياء : ابني حبيبي
ضياء: بأمرج اميمتي تفضلي
ام ضياء: ابني لازم تزوج اريد اخطبلك بنت الحلال ميصير تضل هيج
ضياء : امي بس اني اريد اتزوج البنت الي يختارها الي الامام
الحسين الي يجمعني بيها هوة عن طريق الصدفة ماكدر اتزوج بنت اين كان
ام ضياء:خل ازوجك ومن تحب اتزوج هم ترى اغضب عليك
واني شايفتلك خوش بنت تريح قلبك
ضياء :امي الي تشوفي صح سوي اهم شي رضاج
ام ضياء؛ بعد امك يمه يلله رايحه اخطبلك
ضياء:ان شالله خير يجوز هاي البنت الي مختارها الي الامام
ماعرف الله يقدم الي بي الخير
♥♥♥♥♥
زهرة : الشيخ الي ماعرفه ولا اعرف حتى اسمه شغل
تفكيري واشوفه بكل مكان بل بيت ماعرف شنو هذا اول
مرة اشعر بي ألمن أسال منو يجاوب اذا اسال امي يكتلوني
الحب ممنوع عدنا 😦
♥♥♥♥♥
ام ضياء:سلام عليكم ام رنا حبيبتي شلونج
ام رنا:الحمد الله عيوني نتي شونج شخبارج
ام ضياء ام رناوي حبيبة جايتج بشغلة
ام رنا:خيرج ام ضياء اتفضلي
ام ضياء :حبيبتي اريد رنا لضياء وليدي
ام رنا :وهي لضياء يعيوني انتي وين نلكه احسن منكم
ام ضياء:يعني اجي لعصر اخطب
ام رنا :اهلا وسهلا بيكم بكل وقت حبيبة
ام ضياء :يلله مع سلامه خيه
♡♡♡♡♡♡
صار العصر رحت اني وامي وابويه وصارت لخطوبه وعقد
القرآن وحددنا موعد الزواج شهر تقريبآ
ضياء:ان شالله راضيه اميمتي
ام ضياء:يمه انته منو مثلك الله يحفضك ويرعاك راضية عليك دنيا واخرة
♥♥♥♥♥
ام سجاد:زهرة يمه تعالي خل نوزع الثواب
زهرة اي يمه بس البس عبايتي
ام سجاد هاج يمه هذا الماعون لبيت ام ياسر وهذا لبيت ام
احمد وهذا لبيت ام ضياء وهذا لبيت ام حنين والاخير لبيت ام رنا
زهرة يمه واني منين اعرفهن
ام سجاد ولج انتي روحي لبيت ام ياسر وساليها عن الباقين
زهرة ان شالله
♥♥♥♡♡♥♥♥
زهرة رحت اوزع لثواب دكيت لباب طلعلي ذاك لشيخ 😳
تخربطت كل اموري معرفت احجي كتلها تفضل لثواب وشردت 😅
ضياء:اخذت منها ثواب وكلت هاي ثالث مرة تصير صدفه
واشوف هاي لبنيه معقولة هاي الي اختارليها الامام؟ لالا
بعد اني خطبت وراح اتزوج
........
زهرة مرت الايام وضليت اشوفة بصدف حبيبته سكن قلبي
ماكدر يمر يوم وما اشوفة واحسه يبادلني شويه حب بس
يجوز اوهام مني لحد ما يوم سمعت هلاهل بل محلة لبست
عبايتي وطلعت شفت الزفة طبت لبيت الشيخ رحت شفت
العرس لشيخ انكسر كلبي ورجعت بس ابجي للبيت .......
#زهراء السهلاني✏
