صار اليل خابرت سجاد
زهرة: الو خويه شونك
سجاد: هلا يبعد اخوج الحمد الله
زهرة : ابد موزينة ابد موبخير يومية اشوف الموت بعيوني
سجاد: ليش خيتي شبيج
زهرة : سجاد بعدين اسولفلك ليوم لفجر تعالي للبصرة
وخلصني من المايخافون الله اروحلك فدوة
سجاد: شنو يعني تشردين
زهرة: اي
سجاد : يختي سمعة ابوج
زهرة: سمعة ابوي ما تبقى بخير من اذبح روحي ولا تفيده
سمعة من تموت بنتة
سجاد : لهل درجة متأذية
زهرة : من تجي تفهم كولشي
سجاد : ماشي حضري الجنطة مالتج ولا تحسسين احد
زهرة : انتضرك مع سلامة
💔💔💔💔💔💔
اجاني سجاد الفجر ورمشلي طلعت ورجعنا لنجف فتت للبيت
واجت امي تخبلت شجابني وحدي
زهرة : يمه فوتي كعدلي ابويه
ام سجاد : صخام الصخمني شجابج وشكعدلج تردي يذبحج
زهرة : احسن ما يذبحوني اهلج
ام سجاد : احجي شنو السالفة
الشيخ مهدي : هاي شكو زهرة!! شجابج بويه
زهرة : جايتك واريدك تحمي بتك لوحيدة
الشيخ: احجي
زهرة: بويه يكتلون بيه يملخون بشعري يجون ادية يكطعون
الحزام على راسي ابني سقطتة من وره جوعهم وذلهم
وكتلهم
الشيخ: شنووو
زهرة: يابه اني اجيتك لو تطلكني منهم لو تدفني بكبور
النجف
الشيخ : سمعتنا يا بنتي
زهرة: يابه بنتك لوحيدة اني هيج تخلي لناس تذلني
الشيخ : ما عاش الي يذل بت الشيخ باجر من يجون اطلكج
منهم بابا فوتي نامي ورتاحي
_______♡♥♡♥_____
زهرة : بابا صار لصبح محد اجة اريد اروح لبو لحسن
الشيخ : ديري بالج الله وياج
رحت للامام وفتت تنفست بقوة اشتميت عطر لحضرة بجيت
الى ان نشفن كل الدموع وصوتي ختفة كملت الزيارة ورحت
للمكان الي يكعد يمه ضياء قريب على المنبر (اني سميتة
منبر العشاق😍) رحت صليت بنفس لمكان وبجيت وبست
الارض الي يصلي عليها ولف قلبي وكمت وشفت ملاك جاي
من بعيد ضليت واكفة بمكاني
ضياء : شفتها كاعدة بمكاني رحتلها بسرعة ..السلام عليكم
زهرة : عليكم السلام
ضياء : شلونج مولاتي
زهرة : مابيني وبينك حديث حديثك وي الامام روح عندة عتب وياك
ضياء: اني اعتذر كلش منج بس ..
زهرة : لا تكمل ماريد اسمع بس اريد من الامام يعمي عيوني
ويموت كلبي لان اني انتهيت صرت رماد
ضياء : بس خل اكلج شنو الي صار ذاك ليوم ( رجعت للبيت
لكيت امي ومرتي متعاركات وابني طايح من الدرج و راسه
كلة دم اني اخذت لطفل وركضت بي زوج عمتي خيطلي
راسه وبقيت لصبح يم لولد ما غمضتلي عين ابني صار عندة
ارتجاج بدماغ ورجعت للبيت تعاركت وياهن واخذت ملابسي
وملابس ابني ورحت لبيت جدي علما اهدأ ورى اسبوع اجيت
اريد اتقدم قنعت امي واجينة درينة نخطبتي وبعد ثلث
اسابيع لزواج )
زهرة : 😳 اووف عشت اربع سنوات وي هذاك لضالم تمنيت
بيها لموت كل دمعة بيها الف وجع وسم كل لكمه وراها الف
دعوة انتضرتك تجيني بس انته ما تحبني بكد ما اني متلوعة
بهل عذاب
ضياء : لو يبقى اخر يوم بحياتي اجي بي والبسج لحلقة
زهرة : توعدني ما تخذلني
ضياء : وعد ما اخذلج
زهرة : مهما صار وياك مهما واجهتك ضروف ؟
ضياء: مهما يصير ما اعوفج
............
رجعت للبيت سمعت صياح فتت للبيت ركضت عليه ام كرار
و حبت راسي
ام كرار : ييمه تسودنت عليج من كعدت لصبح وما لكيتج
كرار: زهورة يرويحتي شون هيج تعوفيني وحدي
الشيخ : بويه بتكم وغلطت اخذوها ردوها
زهرة: لالا بويه جذابين والله لاا تردني لااا
.
..
رجعنا للبيت غصب عليه اول ما فتت ضربني كرار كسر
خشمي صارت لدنيا سودة بعيوني
