زهرة : مرت اسابيع واني بس ابجي ومختنكة وما اشوف
طلعت اغير جو شفت نسوان المحلة واكفات يسولفن وكفت
اسمع شيحجن سمعتهن واكفات يم ام ضياء ويباركنلها
ام ضياء :الحمد الله يوم لويلادجن
ام ياسر : خطيه لا تتحرك علما تكمل التسع شهور وتكوم بسلامه
ام ضياء: ان شالله
💔💔💔💔
زهرة :عرفت انو ضياء حيصير اب قررت انسا 😔 ورى فترة
اجوني خطابة بس ما تراهمو وي ابويه وضليت التقي بضياء
بصدف قررت ما اطلع بعد صارت امي تدزني لبيتهم طكت روحي
زهرة :يمه وينج
ام سجاد:ها زهرة هنا يمه تعالي
زهرة :يمه اني اريد انتقل اعيش وي بيبتي
ام سجاد:ليش يمه
زهرة:هيج ضجت
ام سجاد : ماشي يمه خل يجي فضل ويوديج
♡♡♡♡♡♡♡♡♡
رحت لبيت جدي بشارع الرسول نقلت غراضي في سبيل
انسه ضياء صار العصر طلعت وي خالي للولايه اشتري
شغلات وشفت ضياء يصلي بل حضرة تباوعتله نترست
عيوني دموع ردت اروح احجي ويا اكله اعشك طاريك اتنفس
هواك ذابحني الشوق والخنكة والعبرة ردت اكمشه من ياخته
واصيح وافرغ العذاب الي بنص كلبي بس يوكفني هواي
اشياء منها اني من النجف وهل شي ميصير ماكو حب الا بل
ارتباط وثاني شي هو مزوج عفته ورجعت مكسورة للبيت
صار الصبح كتبت رسالة بل ورقة وكتبت كلشي لضياء
خذت رسالة واستأذنت من خالي وطلعت رحت للحضرة دورت
على ضياء ماموجود رجعت للبيت وضليت اسبوع اروح وارجع
ماكو ما موجود رحت لبيت اهلي واني جاي امشي شفت
ضياء كاعد بلزويه بسوك ويكتب غطيت وجهي وشمرت
الورقة عليه ورحت ركض صاح وراي
ضياء:جنت اكتب واجت بنيه شمرت ورقة وشردت اني خفت
رحت وراها صحت مولاتي مولاتي ماردت اختفت عن نضري
فتحت الورقة مكتوب بيها
لو تعلم كم احبك وكم اغار عليك.
اغار عليك من احلامي
من لهفتي واشتياقي ونبضات قلبي
اغار عليك من لحظه صمت بيننا
قد تبعدك بافكار عني
اغار عليك من لفتة نداء
قد تبعد عينيك عن عيوني
اغار عليك من كل كلمه تقولها
إذ لم اكن حرفها وابجديتها
اغار عليك من اصابع الناس
إذ التقت في سلام عابر
اغار عليك من فكره تخطر في بالك
من حلم لا اكون انا فيه
اغار عليك لاني...#احبك.
ضياء: استغربت وحرت منو هاي العاشقة منو يا ترى الحل
الوحيد ادور عليها رحت لميت غراضي ومشيت رجعت للبيت
رنا: ضياء امك تريدني اشتغل واني حامل وتعبانة شهل عيشة هف
ضياء : ليش تكولين هف مهما يكون امي تحبج
رنا: اهووو شسوي بل حب اريد ارتاح وديني لهلي
ضياء:ماشي يلله اخذي كم غرض
رنا : ان شالله
------------♡♡-----------
زهرة : رجعت للبيت وفرحانة وخايفة بنفس لوقت
اخذت كم شغلة سلمت على ماما ورحت لبيت جدي
شفت ضياء ومرتة بطريق انقهرت وضجت ورحت امشي سريع
شافني ضياء عرف اني نفسها ام الورقة بس مشاف وجهي
اخذ مرتة وداها ورجع ما لكاني
*************
ضياء رجعت دورت على البنيه الي شمرت الورقة ضليت ايام
وليالي ادور عليها وشاله حالي وفكري بس اريد احجي وياها
ما لكيتها ....
زهراء السهلاني✏
