ودوني لطبيب بنولي الكسر وبطريق الرجعة دخت ونزلت من
سيارة اريد اتنفس هوة ماكدر ضليت اشهك لحد ما اغمى
عليه
اخذوني لدكتور فحصوني طلعت حامل ...
ام كرار : يمه الف مبروك
كرار: الله يبارك بيج يمه
ام كرار : يمه دير بالك على مرتك والطفل
كرار : ان شالله
رجعنا للبيت بدت معاملة خالتي وزوجي تتحسن كله ضحك
وشقة ونطلع نتونس وبديت انسه ضياء واتعلق بزوجي
زهرة : كرار فدوة اريد اجيب عند اهلي
كرار :ماشي اخذي كم غرض خل اوديج
زهرة : ان شالله
وداني كرار للنجف وفتت لبيت اهلي و لاول مرة افوت وما
اتباوع لبيت ضياء ولا اشتاقلة وفتت متلهفة شوكت تخلص
الايام وارجع وي زوجي لبيتنا .
زهرة : يمه وديني للامام ازور
ام سجاد : امشي يمه
رحت زرت وفتريت بالولاية اشتريت غراض لطفل تونست اول
مرة ارتاح واني اتمشى بيها ما منتضرة شوفت احد ولا اريد
اشوف احد كل تفكيري بابني .
رجعت للمحلة مريت بمكتبة حجي خضر ابتسمت ورحت لبيت
اهلي
مرت الايام واجة ابني لدنيا سميتة( مهدي )
ورجعت للبصرة نسيت ضياء ونسيت حبه وصار زوجي وابني
كل حياتي ...
ورى فترة عرفت ضياء بعد وفاة امه اخذ زوجته وانتقل لبغداد
واني الحمد الله صار عندي مهدي وزينب وفظل والحمد
الله مرتاحة وزوجي يموت عليه وتغير بعد ما صارو اولاده
لؤي رجع سهام وانتقلو بيت وحدهم .. واني وزوجي انتقلنا
لنجف يم اهلي .....
((لا انصحكم بالحب زمان الحب مات .لا تثق باحد فلا احد
اهل بالثقة .. اذا الرجل عشق انثى فلن تمنعه ضروف
الكون عن الحصول عليها لكن زماننا هذا بلا رجال ))
الكاتبة :زهراء السهلاني ✒
