نغمة سوداء

Part 16

ليليان،، رجعت للبنات ..
وضليت انتظر ميان الدوام كله ..
رجعت تعبانه ومليانه ملل ..

نمت بسرعه بدون اكل ..
ميان فرحانه حته مانامت ..
كعدتني العصر فايت وكت ميان ..

- ليليان .. ولج كعدي كعدي بسرعه !!

وخرت الغطاء ..
وكمت بسرعه ..

- شبيج ؟ شكوو ..
- تعرفين منو اجه ؟
- منوو ؟ شبيج احجي ؟ اكو احد بي شي؟
- لاا الكل بخير بس ..
- ايا غبيه عبالي احد بي شي

رجعت تغطيت ..

- لا بس حبيب العمر جان هنا..

شنوو ،، منو قصدهه ..
رجعت كمت ..

- منو قصدج؟
- تعرفين منو ، مو عليه
- هههه والله ماعرف ع شنو تحجين ومنو تقصدين
- ام واحد اسمه سامي اجتي تخطبج بس ماعرف شبيهه ..
- ااششش دقيقه ..

سامي كالت ..

- انتي كلتي سامي لو متوهمه ؟
- وليش تتوهمين عيني ،، لا كلت سامي
- شلون هيجي ؟!!
- شنو شلون ؟! اجه خطبج و وفه بوعد
- يا وعد هذا ؟ ولج ماعرفه
- لا اني شايفه اسمه بموبايلج
- وين ؟ شنو هلجذب!
- لا مو تحجين بي ويا جمانه
- انتي منو سمحلج تلعبين بموبايلي؟
- لا بس مره اجتج رساله بلاشعارات شفتهه
- اهاا ؟!
- ايي
- هسه موجودين؟
- لا راحوا بس امج امكن رضت بي
- وهيه وين شافته ؟ شهلسرعه هاي؟
- موجوده الصور ولج بخت ، شنو هلحظ مالج شكد حلوو يخبل
- انجبي ،، لعد هيه شسوت ع اخو شمس
- مانطت جواب بس راح ترفض لان سامي افضل منه
- اني ماكدر ازوجه ميان
- لسامي ؟ ليش عيني ، انطينياه الي هههه..
- دمر حياتي ، مستحيل انسه هلشي وعود اني سامحته
- مو اكلج عندج علاقه بي وعافج موو ؟
- لا مو هيج
- لعد ؟!!!

كعدت حجيتلهه القصه ..
ابتسم مره وابجي ..
ع الاقل صديقاتي وياي جانن ..

- ميان ،، ايجوز لعد ضميره يعذبه واجه يغفر خطيئته ..
- ايجوز بس ما اعتقد اكدر اتعايش وياه
- لا كلشي اله حل بس دشوفي راح تنسين كلشي
- ههههه الجمال مو كلشي ولج
- عادي بس المهم من تكعدين الصبح ، اتصبحين بهيج وجه حلو كله تفاؤل مو مثلج بوومه ، الله يساعده ..
- هههه اني بومه ولج تعاي ..

لحكت وراهه ..
نتعارك مثل الجهال ..

.....

كل شخص بداخله ..
قصة طويلة ماتنتهي ..

اسرار كلهه احجيه والغاز ..
ماينعرف شنو جوابهه ..

والكلب عميق ،، ويحتفظ بكلشي ..
والعقل ماينسه ،، الجيد والسيء ..

....