وصية جدي (مكتملة)

الجزء الاول + الثاني + الثالث

#وصية_جدي
الجزء 1
مساء العسل احبتي
مرحبا اسمي ريتان راح ابدي اكتب قصتي من جنت طفله لما كنت بالروضه والدتي نهله  و والدي خالد اتزوجو عن حب خالتي هاله اخت امي متزوجه عمي مهند الوحيد عندي عمه وحده سعاد و خاله نرجس وخال واحد مصطفى واهل امي وابويه عايشين احنه نسكن ابيت جدو اهل بابا عمتي متزوجه و عمي ساكن ويانه ابيت جدو لان كلش واسع بالمنصور اهل امي جيرانه اساسا ابويه حب امي لان جانت جيرانهم نعجب بيهه وتزوجو وبعدهه عمو تزوج خالتي اني عندي اخ واحد قصي و عمي عنده علي الجبير بكد قصي و نجمه بكدي امي جانت تصيحلي باربي و نجمه يصيحولهه فله بقو يدلعونه الى الان امي وخالتي وبابا وعمو يشتغلون بشركة جدو
جدو عنده املاك هوايه كلش غني جنت عايشه احلى عيشه ام ابويه ربة بيت كلش حبابه نصيحلهه يوم(سهاد) هيه الي ربتنه بيوم من الايام جنت راجعه من الروضه اني وفله ماتذكر كلش زين لان كنت طفله الي اتذكره يوم اتلكتنه من الباب بوجهه البشوش بوستنه انتضرنه علي وقصي يرجعون من المدرسه جانو ابتدائيه اجوي يوم غدتنه قبل اهلنه لان يطولون لل2 ونص يرجعون اجا جدو وحده كلعاده لان يرجع بسيارته واهلي وعمو وخاله يرجعون بسياره بقينه ننتضر لان كلش تأخرو و بزمنه مجان اكو موبايلات لان جانن ارضيات
سهاد-ابو خالد وين صارو مدكلي
محمد- والله مادري طلعنه سوه همه راحو بسيارتهم
سهاد.اوف مفروض من زمان يرجعون الله يستر
ريتان.بقينه بقلق او بقو بقلق جدو ويوم لان اني جنت طفله سمعنه صوت زلم اباب الشارع وصوت دوريه مال شرطه طلع جدو ويوم بقينه اني وفله بالبيت سمعنه صراخ يوم بالشارع طلعت ركض شفت هوايه زلم وشرطه خفت من صراخ يوم فله جانت تبجي كومه اهل ماما جانو جيرانه سمعو الصراخ اجوي شفت خالو مصطفى يبجي هو وجدو جنت طفله مجنت اعرف ليش يبجون دخلت جوه ختلت جوه الميز فاتو الزلم غمضت عيني ماريد اسمع ولا اشوف شي جنت بحالة رعب طلعت من جوه الميز شفت اربع اشخاص نايمين بالكاع ومغطيهم حتى راسهم يوم وبيبي جانن يبجن ويلطمن حتى جدو محمد وجدو احمد وخالو يبجون لكيت فله دتكشف الغطا اجيت يمها رفعت الغطى من فوك الشخص الي لحد هسه ماعرفه لان وجهه كله دم ممبين بس شعره اجا خالو رأسا غطى وبعدنه الي عرفته انو ذوله الاشخاص اهلي ماتو بحادث اثناء رجوعهم من الشركة اصتطمو بشاحنه جبيره وبعدهه ماتو البيت انترس ناس كلهم يبجون ويصرخون ويلطمون مجنت اعرف الموت ولا اعرف انو اهلي ميرجعون بعد ولا جنت اعرف انو صرت يتيمه تيتمنه اني وفله بقينه بدون ام واب علي وقصي اختفو ثاني يوم دورهم خالو ولكاهم جانو خايفين بس يبجون يمكن يعرفون بعد ميرجعون اهلنه لذلك يبجون خلصت الفاتحه جانت يوم بس تبجي حاطه الصور وتبجي وكل منسألهه عن اهلنه يزيد بجيهه
نجمه.يوم اريد اهلي مشتاقتلهم ليش تبجين
ريتان.يوم وين راحو اني همين مشتاقه الهم
سهاد.حبيباتي اهلكم هسه بالجنه
نجمه.شنو يعني جنه
سهاد.يعني يم الله
ريتان.يعني بعد ميصير نشوفهم خالو كلي
سهاد.اي بعد منشوفهم بس همه يشوفونه ويسمعونه
ريتان.خلصت هاي السنه سوينه الهم سنويه رحنه كلنه للمقبره بقينه نبجي حتى اني وفله بجينه كومه يمكن من اكبر راح احس بفراقهم اكثر واحتاجهم اكثر وبهذاك الوقت وعيت اكثر وعرفت انو خلص ماتو بعد كل حياتي ماشوفهم رجعنه من المقبره سوو مثل الفاتحه كرايبنه كلهم اجوي و وزعو اكل للفقراء على روحهم بقو الناس لليل ياله راحو بس بقو اهل امي كلهم فتحو موضوع الي هو يعتبر موضوع مصيري بالنسبه لحياتنه وبالاخص اني وفله
احمد ابو مصطفى.والله يا ابو خالد انتضرنه الناس تروح لان عندي حجي مهم وياك
محمد.تفضل ابو مصطفى خير انشاءالله
احمد.والله اني قررت ابيع معملي الي هنا وابيع بيتي واشتري بيت بكركوك وافتح معمل هناك
محمد.على الخير انشاءالله
احمد.بس الموضوع الاهم انو اني والمره منكدر نعوف احفادنه
محمد.اي بس انتو معايفيهم بالشارع اني موجود
مصطفى.عمي انت تكفي و توفي بس الوالد يقصد نريد الاطفال احنه نربيهم
محمد.مستحييل انت ابو مصطفى على الاقل عندك ولد بس اني ولدي ماتو حزام ضهري راحو مابقالي بس احفادي وتريد تاخذهم
احمد.على كيفك ابو خالد احنه هم نريد من ريحة بناتنه لو ما النه حق
محمد.حقكم فوك الراس بس مترهم تاخذون احفادي وين لاكيهه
احمد.خل نفكر بحل منطقي
محمد.وشنو هو
احمد.ناخد احنه خلفة نهله وانتو بقو يمكم خلفة هاله
محمد.مترهم اني اريد من ريحة ولدي ثنينهم مو تحرمني من خلفة خالد
مصطفى.زين يابه ناخذ البنات وخلي الولد الك هم مترهم اني عندي بنات ماكدر اربي الولد وياهن
محمد.خوش حجي الكم البنات والنه الولد
احمد.عل خير احنه الاسبوع اليجي نسافر لكركوك خبر ام خالد حتى يكون الهه علم راح ناخذ البنات
محمد.ماشي ابو مصطفى
احمد.وانتو هم تجون كل فتره علمود منحرم الولد من خواتهم حرام علينه
محمد.الله كريم
احمد.يلا ابو خالد احنه نترخص مع السلامه
محمد.الله وياك
محمد.سهااد
سهاد.نعم
محمد.تعاي كعدي عندي حجي وياج
سهاد.تفضل كول
محمد.بيت ابو مصطفى راح يشيلون لكركوك
سهاد.ياا خطيه
محمد.اي وراح ياخذون البنات
سهاد.يابنات
محمد.فله وباربي
سهاد.عزا العزاني لو تموتوني ماخليهم ياخذوهم مني
محمد.مو بكيفج احنه راح يبقون يمنه الولد احسن النه الولد احسن من البنات يفيدون من نكبر البنيه يومين وتزوج وتعوفنه بس الولد يبقولنه طول العمر يشيلون كبرتنه
سهاد.شنو هالتفكير ينطيك گلبك تحجي هيج
محمد.ماريد اتخارب ويا ابو مصطفى علمود الاطفال وتاليهه المحكمه تحكم علويش خليهم الولد يمنه وبله عنادج احنه زلم وقررنه
سهاد.انت ميهمك غير روحك ليش ابو مصطفى مفكر بطريقة تفكيرك
محمد.منو كلج ممفكر يابه ابو مصطفى يدور البنات لان يخافون على بنات مصطفى ميريدون يربون ولد وياهن
سهاد.اخ راسي انتو شنو الله يرحم ضناية كطعو باطفالهم والله
محمد.الله يرحمهم
ريتان.هاي الصدمه بالعراق البنات ممريودات مجتمع رجالي بعد اسبوع فعلآ حضرو غراصنه كأنو متابعين الهم بهذاك الوقت جنت فرحانه راح اعيش بكركوك ويا اهل امي قبل لنروح ودعونه علي وقصي جانو مصدومين يوم الوحيده الي بجت علينه هوايه جدو محمد جان قاسي كلش عنده اهمشي فلوسه بوقتهه اجتي عمتي سعاد عدهه بنات 2 توم نهى ومهى اكبر مني بسنه ودعونه كلهم مضلي احد من اهل ابويه بس فله حسيتهه توأمي وصلنه كركوك كلش فرحنه اني وفله جانت الحديقه جبيره كلش وبيهه مرجوحه والبيت حلو وجبير تونسنه كلش بوقتهه نسينه يوم وجدو محمد وعلي وقصي بقينه اني وفله وجنات بنت خالي اكبر مني ب3 سنوات يعني بكد علي وقصي خالي عنده بنات ثنين جنات واحلام بعدهه صغيره جنت متونسه كلش بعدهه سجلونه اني وفله جنت فرحانه بالمدرسه جدو احمد وبيبي مدللينه كلش حتى خالو كلش يحبنه ميفرق بيناتنه يعاملنه مثل جنات ومرت خالي كلش حبابه هيه بنت عم ماما اهلهه موجودين بكركوك دائما تروحلهم لان بنفس منطقتنه كركوك حلوه صح بغداد احلى بس احنه مرتاحين بكركوك لان بغداد بهذاك الوقت جانت خطره كلش مجنت اعرف شي عن اهل بابا جدو احمد يتواصل وياهم عن طريق التلفون الارضي و مو دائما نحصلهم بديت اكبر وافهم صعوبة الحياة بدون الام والاب بالابتدائيه جنت كلش شاطره اني وفله لان بيبي جانت دائما تدرسنه وتلعبنه محسستنه احنه يتيمات وجدو همينه كلش حباب جان دائما يلعبنه ويشتريلنه العاب وهدايا من صرنا بالثاني اني وفله اجوي يوم سهاد وجدو محمد وعلي وقصي بوقتهه فرحنه كلش بس مطولو بقو اسبوع واحد وبعدهه رجعو لبغداد خلصنه الابتدائيه مصار شي جديد صرت اول متوسط اني وفله جنه كلش متعلقين بجدو وبيبي نعتبرهم امنه وابونه جنات بصف رابع اعدادي
جنات.باربي فله تعالو كافي تلعبن عبالك اطفال امشو فوتو بارده
ريتان.شمعنه بس احنه نفوت تره احلام دتلعب ويانه ليش مرزلتيهه
جنات.ياربي لج انتي مومعقوله تقارنين روحج باحلام بعدهه برابع ابتدائي وانتي متوسطه
نجمه.هييي جدو اجا
جنات.اطفال مينعتب عليجن
ريتان.وانتي عجوزه ههههه
احمد.شوفو شنو جبتلكم
احلام.جدو مو اني الصغيره ليش تجيبلهن هدايا مفروض بس الي
احمد.هههه حبيبتي اني مافرق كلكم احفادي
سهاد.ها شوكت رجعت
احمد.هستوني صدك اليوم اروح لبغداد عندي شغل
احلام.جدو حباب جيبلي لعابه جبيره من بغداد
نجمه.اني اريد فستان
احمد.مو تدللون
سهاد.شوكت تروح
احمد.هسه بس اغير ملابسي
ريتان.ودعنه جدو راح وانتضرنا كومه صار اليوم الثاني والثالث وهو ماكو اختفه بعد اسبوع ياله وصلتنه جثته جنت اتمنه حلم واكعد منه جدي احمد الي غمرنه بحنانه وبدلال مات وعافنه لحك اهلي بيبي صحتهه تدهورت من بعد وفاة جدو
يتبع - - -
#وصية_جدي
الجزء 2
مساء التفاؤل والسعاده
ريتان.بيبي صحتهه تدهورت من بعد وفاة جدو احمد اني وفله تعذبنه بعد وفاة جدو جان النه الاب والجد والاخ والصديق جان كلشي النه جنت متعلقه بي كلش سبب موته جان رايح لبغداد وبهذاك الوقت اكو طائفيه وارهاب في بغداد عصابه قتلو بطلقه براسه بعدهه مات والشرطه لكو جثته ودزوهه النه.بفاتحة جدو اجوي يوم وجدو محمد وعلي وقصي همه دارو الفاتحه ويه ولد عمام امي جانو بصف رابع اعدادي دفنو جدو ابغداد يم امي وخالتي لان هو جان يريد يندفن بمدينته المهم اني وفله جنه بلكوه ننجح مدري شلون وصلنه ثالث متوسط جنات جانت صف سادس ملتهيه بس تقره واحلام همينه سادس ابتدائي يعني كليتنه بكلوريا علي وقصي صارلي كومه مشايفتهم ولا اعرف شلون صاير شكلهم اخر مره شفتهم قبل وفاة جدي و يوم سهاد شفتهه بفاتحة جدو مجنت مهتمه الهم لان همه الي اختارو الولد حقدت على جدو محمد لان اختار الولد ومختارنه يفكر بروحه وبس مفروض على الاقل اذا يحبنه يجي كل سنه مو هيج حتى سؤال ميسال علينه ممصدك خلص منعدنه بهاذ الوقت جان اكو موبايلات حلوه خالو اشتره لجنات جان كلش عاجبني كلت لبيبي الله ليحرمني منهه شترتلي واحد الي واحد لفله اغلب وقتنه بالموبايل علطول احلام تغثنه مجنت اعرف ليش تكرهنه هيج كره بس على الاكثر تغار من عدنه لان تغار من مروان اخوهه الصغير بعده ممسجل بالمدرسه
نجمه.احلام حياتي ارسليلي هاذي اللعبه كلش حلوه
احلام.معليه خل ريتان خانو ترسلهه الج
نجمه.والله ماعدعه لوعدهه مجان كتلج
احلام.معليه ولي منا متعرفيني بس بوكت مصالحج
ريتان.احلام لتتجاوزين على فله مو بكدح
احلام.مطيرون من يمي شكد اكرهكم متروحون لبغداد يم اخوانكم
جنات.احلاام ادبسز شنو هالحجي لازم بيتج هو
احلام.اي بيت ابويه
جنات.انجبي بيت جدو احمد مالج حق هيج دكولين يله اعتذري منهن
نجمه.مومعقوله شكد حقيره
احلام.مو احقر منج
ريتان.كم مره كتلج لتتجاوزين على فله
احلام.فله والله يالله اذا هيه فله اني سندريلا
جنات.بليه غور احلام
احلام.مغايره اصلا موصوجكم صوجي اني كاعده اتناقش ويه هيج نماذج
نجمه.والله بحياتي مشفت بنحاسيتج هيه لعبه شراح تكلفج
جنات.عوفيهه اني ارسلهه الج
مروان.بابي اليد العب بماتج السويتر
ريتان.ههه ولك مو سويتر سكوتر
جنات.اخرس
مروان.لكولين اخلس شبيج
ريتان.ههه تعال العبك يله
نجمه.خل اكمل القصه بدال ريتان خلصنه الثالث ولله الحمد تعبنه كلش قرينه هوايه لان الثالث صعب جنات طلعت معدل 69 نقبلت تربيه دخلت لغه انكليزيه لان تحب الانكليزي عكسي اني وباربي نكره الانكليزي دخلنه علمي اني وباربي بيبي بعدهه مريضه عايشه على الادويه اني وباربي نداريهه. خالو كاللنه علي طلع معدل 83 و قصي 85 نقبلو هندسه اعتقد حسب كلام خالي جنات نخطبت لابن خالتهه يس تخلص دراسة تتزوج هو مخلص هندسه نفط اسمه ياسر اختارهه من بين كرايبهم كلهم مصار شي جديد بالرابع صح جان صعب هو سهل بس احنه منقره نشد حيلنه بنهاية السنه وننجح جنات متونسه بالكليه وياسر هم مونسهه هههه جنه اني وباربي كلش نتونس من تجي خالتي نرجس عدهه 3 ولد وبنيه وحده اصغر مني بسنتين سمى و ليث الجبير كليه صيدله مرحله اولى وبشار سادس اعدادي و صهيب بكد احلام خالتي حنينه كلش تحبنه دائما تجي بالعطل لان بيتهم ابغداد بشارع فلسطين زوجهه استاذ جامعي كلش حباب طبعا ريتان معرفتكم على مواصفاتنه اني مواصفاتي حنطيه عيوني جوزي غامق واسعه شعري سرح طوله لنص ظهري طولي 164 حلكي صغير وعندي شفه و خشمي صغير اما مواصفات ريتان تشبهني كلش بس هيه طولها166 و عيونها اغمق من لون عيوني جسمهه متروس اكثر مني اني اضعف هيه شخصيتهه اقوى صح جبانه بس اني اجبن منهه كل عطله نتونس لان نجتمع كلنه صح احلام تزعجنه بس على الاغلب نطنشهه وهيه كل متكبر تعقل اكثر
ريتان.رجعتلكم ماشاءالله شكد تلغي فله ههه هسه احنه سادس اعدادي كلش صعب ماعتقد راح ننجح ومنكدر نقره لان ملتهين بعلاج بيبي ونداريهه بدت تنسه لان هيه بداية زهايمر وقلبهه بي مشكله و الضغط والسكر بس الله يعينها السنه كلهه نداري بيهه مرت خالي ماقصرت ابد التهينه بحفلة جنات على مهرها قررت تزوج لما تخلص الكليه بقتلهه مرحله وحده وتزوج بيبي كل ما يمر الوقت حالتهه تدهور اكثر بقت شهر كامل بالمستشفى احنه بس نبجي نروحلهه يوميه الدكتور قرر يطلعهه لان ماكو فائده من بقيتهه بالمستشفى اني وفله مدخلنه وزاري ضاعت علينا سنه بس تروح فدوه لبيبي المهم تتعالج ولو مرضها ماله علاج خلصت هذي السنه واجتي السنه الثانيه وبيبي بعدهه مثل ماهيه جنات مرحله رابعه و احلام رابع اعدادي صارت.مره جنت كاعده اني وفله يم بيبي دنسولف ونحجيهه فجأة سكتت
نجمه.بيبي حبيبتي كومي بيبي
ريتان.بيبي فدوه كومي خاله روونق لحكيي بيبي مدري شبيهه
رونق.سترك ربي خل اخابر مصطفى
ريتان.خابرت خالي مصطفى اجا هو والاسعاف ودوهه للمستشفى بقينه احنه بالبيت بس خالو راح وياهه بقينه بس نبجي وندعي
رونق.كافي حبيباتي لتتفاولن بالبجي
نجنه.خاله مبقالنه احد غير بيبي
رونق.ادري حبيبتي بس احنه يمكم وانشاءالله دكوم بلسلامه
ريتان.اذا يصيرلها شي اموت وراهه
رونق.جذب محد يموت وره احد صدكي صح تتعذبين بس مو لدرجة الموت
احلام.لسوون روحكم بس هيه بيبيتكم حالنه حالكم
جنات.احلام مو وقت هذا الكلام
رونق.ادعولهه يبنات
مروان.ماما بيبي حتموت مو
رونق.اسم الله لدكول هيج اسكت
ريتان.بقينه نبجي للمغرب حتى خالتي جتي ثاني يوم رحنه كليتنه للمستشفى جانت بيبي حالتهه كلش حرجه فجأة قلبهه وكف طلعونا الممرضين وراهه طلع الدكتور والممرضين يوحدون كلهم يصيحون لا اله الا الله وخالي يبجي ويدك على راسه الدكتور كاللنه البقيه بحياتكم هاهي عرفت بيبي ماتت انهارت اعصابي بس اصيح مداذكر بالضبط مجرد اذكر صيحت وضربتهم كلهم الى ان شفت فله مغمى عليهه تخبلت كمت اصيح بعلو صوتي لتموتين مابقالي احد غيرج رجعنه للبيت حتى صوتي فقدته دفنه بيبي ابغداد رحنه كلنه بعدهه رجعنه لكركوك سوينه الفاتحه اجتي يوم سهاد بجت هوايه على بيبي هدى بقينه للاربعين بس نبجي ونشم ريحة بيبي خالي كال علي وقصي كبرانين همه الي دفنو بيبي ويه خالي بس اني مشفتهم او حتى اذا اشوفهم مراح اعرفهم لان اخر مره شفتهم جانو بالابتدائيه. بعد وفاة بيبي كرهت الحياة هالمره تيتمت من صدك مبقالي احد امي وابويه وجدي الي هو بمثابة ابويه وبعدهه بييي الي هيه امي الثانيه ونحرمت من اخويه ومن بيت جدي اكو اكثر من هذا العذاب كرهت المدرسه من ماتت بيبي مداومت ابد وطبعا نفصلنه اني وفله بسبب الغيابات وهاي ثاني سنه تضيع علينه ماشاءالله احلام صارت صف خامس و جنات تخرجت بس بعدهه متزوجت تنتضر السنويه مال بيبي خالي يكول علي وقصي همه يديرون الشركه مال جدو محمد لان متمرض جدي بعد اسبوع السنويه اجتي خالتي هيه واطفالهه
نرجس.صلوات عل نبي ريتان و نجمه صايرات عرايس
رونق.لج يضوجن صيحيلهن فله وباربي تعودن ههه
نرجس.لا اسمهن احلى من الدلع ريتان يخبل يعني الحجر على هدوء البحر ونجمه من اسمه نجمه تلمع بالسواد
ريتان.هههه فصختي معنى اسمي
رونق.اي ههه اذا متعرفي شكو تحشرين روحج
نجمه.لا صح معنى بس مو بالضبط كالته
نرجس.اي كاعدين على لساني يولن انتن مخلصتن سادس مو
رونق.لا خطيه اول العام بيبيتهن تمرضت والعام توفت الله يرحمهه مكدرن يدرسن
نرجس.اي خطيه دكول مفروض ثاني كليه هنه
رونق.اي
نرجس.اصلا اني جايه مو بس علمود السنويه مال امي
رونق.لعد
نرجس.والله ابو ليث يريد يزوج بشار وليوثي واني جايه خطابه بس نسوي السنويه الخطبه تصير رسميه
رونق.فدوه ليوثي تخرج حقج تزوجي بس بشار بعده مرحله ثالثه وبعدين عليمن جايه خطابه
نرجس.اي لج جايه على بنات خواتي
نجمه.احمم
ريتان.منو قصدج
رونق.صفرن البنات ههه
نرجس.حبيباتي متلكن احسن من ولدي والله مو لان ولدي بس ليوثي حبيبي صيدلاني وبشار دكتور حيصير وهمه يخبلون بيض وشگر مخبلين البنات واني احبكم مو مثل العمات الي يكتلن جناينهن شكلتن
ريتان.خاله نتشرف بيكم بس اني ممفكره بزواج شوفي فله شدكول
نجمه.اني شكول انتي كلتي منريد نتزوج
ريتان.انتي شعليج بيه
نجمه.شبيج اني هم ماريد ازوج
رونق.ههه ولجن ليش متريدن تتزوجن اول وتالي البنيه للرجال
نرجس.اي طبعا بيتهه بيت رجلهه بعدين انتن بعدجن صغار اني مو بكيفجن انتن لولدي اووي شبيجن
رونق.متكدرن ترفضن خالتجن عيب يبنات
ريتان.ماشي التشوفو بس هسه بعد السنويه مطلعت مال بيبي
نرجس.اي بعد اسبوع تطلع هسه مجرد خطوبه من تطلع السنويه تصير رسميه منطول شهرين وتتزوجون
سمى.منو يزوج
رونق.ههه اخوانج يلهبله
يتبع
#وصية_جدي
الجزء 3
مساء القرنفل والهيل
سمى.منو يزوج
رونق.ههه اخوانج يلهبله
سمى.ها شبسرعه حجيتي ماما موكتلج كدامي حتى اشوف ردت فعلهن
نرجس.دولي شتشوفين
رونق.صدك ليث المن وبشار المن
نرجس.والله ليوثي يريد ريتان وبشوري يريد نجمه
رونق.ها عود همه ختارو بعد شتريدن
نرجس.ههه
رونق.ههه تعالن نصب الغده مصطفى حيموتني
نرجس.ههه يله
ريتان.خطبتني خالتي لليث صح اني ماريد ازوج بس خالتي ورده ماكو منهه وليث همين خوش ولد مشفت شي موزين عليه صح هو ابيض واشكر واني ماحب رجل احلامي بمواصفات ليث بس هو خوش ولد الله يتمملنه على خير
نجمه.نخطبت لبشار ميهمني شكله هو يخبل بس اني احب الاسمر بس ميهمني الشكل الرجال بتصرفاته وباخلاقه بشار ورده وخاله كلش حبابه وتحبنه والفرحني اكثر مراح نفترق اني وباربي
ريتان.اليوم السنويه مال بيبي رحنه لبغداد زرنه قبرهه وقبر جدو واهلي وعمي وخالتي بجينه كومه رجعنه للبيت كالعاده وزعنه على روحهه ثاني يوم جنه كلنه كاعدين وبيت خالتي موجودين دك موبايل خالي والي هو يتعلق بحياتنه هذا الاتصال
مصطفى.الو منو اي نعم اني مصطفى يا اهلا شلونك حبيبي الحمدلله شلون ماشي مومشكله حقكم انشاءالله باجر ماشي كل الهلا بيكم الله يشافي اي صح الله وياك
رونق.خير منو شبيك تلبكت
مصطفى.فله باربي تعالو خالو كعدو يمي
ريتان.ها خالو
مصطفى.حبيباتي علي خابرني
نجمه.ياعلي
مصطفى.اخوج
ريتان.شيريد
مصطفى.اسمعو ولتقاطعوني يكول جده بين الحياة والموت ويريد يشوفكم قبل ليموت باجر يجيكم هو وقصي ياخدكم تشوفو
ريتان.من يريد يموت ياله تفطن يشوفنه ليش كل هاي السنين هو وين
مصطفى.بنتي الحقد مو زين الزلمه يريد يشوفكم مو وكت حقد
نجمه.لا خالو هذا موحقد بس هو ميحبنه لو يحبنه يجينه منريد كل يوم ولا كل اسبوع لو يجي كل سنه قابلين بس هو ميجي بس بوقت الفواتح ومن جنه بالابتدائيه
ليث.بأي حق يريد يشوفهم
بشار.مو هو بكيفهم ياخذوهم
مصطفى.ليوثي بشوري لتتدخلون خالو هو جدهم ميصير
ريتان.خالو شنو المطلوب
مصطفى.حضرو غراضكم باجر يجون
نجمه.مال كم يوم نحضر
مصطفى.شهر هيج لان الحجي احتمال يموت ولتخافون اني اجي اخذكم
ريتان.ماشي احنه نستأذن نحضر غراضنه
نجمه.لج مداصدك معقوله بعد كل هاي السنين يريد يشوفنه
ريتان.مادري يكلج حيموت
نجمه.خاف يجلبون بينه وبعد ميرجعونه
ريتان.شنو هالغباء هاج ضمي ذني صدك انتي حتبقين بالاسود
نجمه.اي
ريتان.بله لواكه بقينه للسنه حزينات وبعدين الحزن بلگلب مو بلبس
نجمه.اي صح بس
ريتان.انجبي فكي الحزن فال موحلو اصلا بيبي الله يرحمهه متحب الاسود
نجمه.اي لعد البس جوزي و رصاصي
ريتان.اوي شبيج عبالك عجوز لزمي ضميهن بالجنطه
نجمه.اي خما نسينه شي
ريتان.لا اول وتالي حنرجع ماخذت هوايه اشياء
نجمه.اي احسن بس الضروريه
ريتان.حضرنه غراضنه نمنه كعدنه كلشويه وحده تبوسنه عبالك رايحين نقاتل شفت ليث بوجهي
ليث.باربي هذا رقمي حتى نتخابر خاف تطولين
ريتان.ماشي انشاءالله اخابرك
ليث.اي فدوه مو تخليني اتخبل
ريتان.هه لا اخابرك(عزه صاير سرسري)
ليث.فدوه لطولج
ريتان.والله مو كلش طويله
ليث.اي مو اني طالع على ابويه قزم
ريتان.ههه لا انت مو قزم بس مو طويل متوسط
ليث.اي اني طولي 172 وانتي شكد
ريتان.166
ليث.خرب ودكلي موطويله بس يموت طولج
ريتان.احم اروح اغير ملابسي حيجون
ليث.ماشي
نجمه.مدكليلي وينج تعاي بدلي هسه يوصلون
ريتان.اي جنت دحجي ويه ليث
نجمه.هلوو صايره امور واحوال
ريتان.انجبي انطاني رقمه وخري خل ابدل
نجمه.بدلي يله
مصطفى.يبنات يله وصلو اخوانجن بالشارع ميقبلون يدخلون
ريتان.عزا قلبي حيوكف
نجمه.يمه اخاف اطلع
ريتان.انجبي مياكلون اني مستحيه يله خالو كام يصيح
علي.ها خالي وينهن
مصطفى.هياتهن خالو ديودعون الاهل
قصي.ليش وين رايحين للقتال ههه
مصطفى.ههه هياتهم
ريتان.فله تعاي احلام تصيحلج
مصطفى.يبنات تعالن مو وقت احلام
نجمه.خمس دقايق خالو
علي.اهوو
ريتان.شبيج احلام لتبجين
احلام.اني اسفه والله اسفه بعد ماضوجكم والله متندمه
نجمه.يله حبيبتي لتبجين انتي اختنه
احلام.يعني متكرهوني
ريتان.اكو احد يكره بنت خاله
احلام.اي اكو
ريتان.ههه منكرهج يله خالو ديصيح عود نتخابر
احلام.اي باي
علي.واخيرا شرفن
مصطفى.يله خالو مع السلامه علاوي قصاوي
علي+قصي.نعم
مصطفى.البنات امانه يمكم
قصي.ماشي يله اودعناكم
ريتان.يمه شكلهم فضيع معرفت ياهو اخويه بس ثنينهم يموتون طولهم فدشي وكفشتهم ولبسهم وجسمهم يجننون بدون مبالغه احلى ثنين شفتهم بكل كرايبي جنت لابسه تنوره سوده وبلوز سمائي وشال اسود وكب سمائي بلون الجنطه والحذاء
نجمه.نغيت باربي وهمست لج اشو مسلمو علينه
ريتان.مفروض احنه نسلم ياثوله
نجمه.هلو شلونكم
ريتان.فضحتنه الغبيه
قصي.الله بالخير شفطنج ههه
علي.خطيه يجوز ساعه دتحفظ السلام ههه
نجمه.همست بأذن باربي شكو كتيلي احنه نسلم
ريتان.انجبي مكتلج هسه نسلم ههه
علي.يول تعبت تعال سوق
قصي.انجب اني سقت بالجيه وانت بروحه معليه
علي.اي من اسوي حادث عود ارتاح نذل
قصي.نروحلك فجوه ههه
ريتان.لا بله شنو جايين تموتونه وفوكاهه نروحله فدوه
نجمه.لج ديشاقه كال فجوه
قصي.لا اله الا الله
علي.طنشش
ريتان.شنو طنش اشو ممحترمينه
علي.والله الانسان هو يجيب الاحترام لروحه
قصي.عاش لسانك
ريتان.شقصدك
قصي.بله سؤال اني لحد هسه ماعرف ياهو اختي منو بيكم اختي
ريتان.على الاساس احنه نعرفكم
قصي.اني قصي وهذا علي
ريتان.اني اختك بكل فخر ههه
علي.ولله الحمد اختي الفقيره
قصي.صدك جذب انتي اختي انتي ريتان
ريتان.اي اني باربي
علي.تره كال ريتان مكلج انتي باربي
ريتان.استغفرالله شراح يعدي الطريق
قصي.عصبت البرنسيسه
نجمه.خطيه ليش هيج تكلموهه
علي.اكرمينه بسكوتج
ريتان.شبيكم عبالك كاتلين اهلكم
قصي.انتي شحشرج بالنص اريد افتهم
علي.الصوج موبيهم بالرباهم
ريتان.انت كاعد تحجي على الربونه مجان جيت شوفتنه طولك ومنكلك تعال ربينه بس عيب عليك على الاقل همه احسن منكم ربونه وتعبو علينه
قصي.شبيج هيي
ريتان.لصيح اني بضهري خالي خاف عبالك خايفه منكم
علي.هلو هلو صايرتلي سباعيه وتسولف متدري باصبعي الصغير اطيرهه
نجمه.لتحجون هيج وانتي سكتي
ريتان.لا ورب الكعبه ما اسكت تردين اسمع ينحجي على الربوني واسكت
قصي.لج سكتي لا اجي امردج منو حجه على الربوج
علي.قصو ختولي طنش
نجمه.ريتاان كافي هسه يضربوج
ريتان.منو ريتان
نجمه.انتي
ريتان.اولا محد يكدر ولا يتجرء يمد ايده عليه فهمتي نجمه
نجمه.اهوو زعلت
قصي.كافي لغوه واني اعرف شلون اعيد تربيتكم
ريتان.عصبوني كلش اني بحياتي ممتعاركه ويه ولد حتى البنات بس من شفتهم متكبرين علينه كلش عصبت لان هسه محد يكدر يسويلي شي اولا مخطوبه وثانيا مالهم حق لان موهمه الي ربوني وصلنه يمكن بالمستشفى المشكله هاي نجمه ميصير تدخل مستشفى لان عدهه حالة نفسيه من المستشفى
علي.متنزلون
ريتان.هذي مستشفى
قصي.لا ملعب خماسي
ريتان.احنه متفقنه هيج
علي.شنو متفقنه هيج
ريتان.فله متكدر تفوت للمستشفى
قصي.ليش
ريتان.بيهه حالة نفسيه من ماتت بيبي بالمستشفى كامت تخاف منهه تخنتك من تفوت بيهه
علي.اول مره اشوف هيج حاله
نجمه.باربي عادي لتخافين ماختنك اتحمل يله خل ننزل
ريتان.واذا اختنكتي
نجمه.ماختنك
قصي.يله نزلو
ريتان.دخلنه للمستشفى صعدنه بالمصعد بعدهه وصلنه لغرفه دخلنه لكيت يوم كاعده يم راس جدو محمد تبجي اول مشافتنه ركضت علينه بوستنه
سهاد.حبيباتي كبرانات
علي.شلون صار جدو
سهاد.اليوم ماكعد ابد
قصي.استغفرالله
ريتان.ليش شنو مرضه
سهاد.جلطتين متتاليه صارت بي قبل 3 ايام وكف كلبه ورجعو بالاجهزه الكهربائية وهسه عايش تحت رحمة الله
ريتان.الله يشافي
سهاد.امين
قصي.عمه سعاد مجتي
سهاد.لا فدشويه تجي وتجيب بناتهه
قصي.خوش
ريتان.فله شبيج خما اختنكتي ليش دتبجين
نجمه.مابيه شي
سهاد.شبيهه هاج حبيبتي ماي
نجمه.شكرا
سهاد.شلونكم حبيباتي ياصف صرتو
ريتان.بعدنه مخلصنه وصلنه سادس
سهاد.حرامات يله انشاءالله تكملون على خير
ريتان.انشاءالله
سهاد.قصاوي اخوج خطبناله بنت عمته نهاوي وعلاوي خطبناله مهاوي
ريتان.مبروك الله يتمملهم على خير
سهاد.امين جدج مراضي على خطوبتهم
ريتان.يا شعجب مو حفيداته
سهاد.اي بس هو جان رايدجن حتى ترجعون تعيشون يمنه بس الولد اختارو بعد مو بكيفنه
ريتان.ها فهمت
سهاد.علاوي كعد جدك صيح الدكتور
علي.ماشي رايح
سهاد.محمد كوم شوف حفيداتك كبرانات مو ردتهن ذني هياتهن لتبجي ياعيوني
محمد.سامحوني يابه
ريتان.جدو مسامحيك لتبجي
نجمه.اي جدو مسامحيك من قبل
الدكتور.السلام عليكم ممكن افحص المريض
سهاد.وعليكم السلام تفضل دكتور افحصه
يتبع - - -  -