وصية جدي (مكتملة)

الجزء الرابع + الخامس

#وصية_جدي
الجزء 4
سهاد.وعليكم السلام تفضل دكتور افحصه
علي.ها دكتور بشر
الدكتور.والله حالته هيه هيه بس فال حلو انو صحه بس مع ذلك ميصير يتعب وعليه العافية
علي.تسلم دكتور الله يعافيك
محمد.اخ
قصي.اسم الله جدو شنو يأذيك
محمد.مادري
سعاد.السلام عليكم
الجميع.وعليكم السلام
سعاد.ها يابه شلون صرت
محمد.الحمدلله
سعاد.هايوم منو ذني البنات
سهاد.تعاي سلمي عليهن بنات اخوانج
سعاد.ها هله شلونجن
ريتان.هله بيج
نجمه.الحمدلله
سهاد.نهى مهى تعالن سلمن ليش واكفات بعيد
سعاد.يوم عفيهن ميحبن يسلمن
ريتان.نصدمت شلون لابسات طلعن كلش فري وحده فاله شعرها وميشته اصفر والثانيه صابغه اطرافه وردي وحده لابسه تنوره قصيره والثانيه فستان قصير والمكياج اله بشده بقيت اباوعلهن فوكاهه ميسلمن
نجمه.باعي شكد حلوات
ريتان.منو
نجمه.ذني
ريتان.ايع منيلهن باعي شلون خزيات لج فوكاهه سكنر باعيهن حتى شفه ماعدهن لو خشمهن هه خوب كصتهن صبورتين وشعرهن معطب هههه
نجمه.لج اسكتي هسه يسمعن ههه بس والله صدك كلامج
ريتان.الله وكيلج لو نلبس مثلهن لو نلبخ مثلهن نصير ملكات جمال
نجمه.صايره مغروره
ريتان.موغرور ثقه بالنفس
نجمه.اني ضجت لان مسلمن علينا
ريتان.عيني طلع كلام خاله رونق صح ناس المنصور متكبرين كلش
نجمه.صح بس مو كل اصابيعج سوى
ريتان.بقينه لليل عمتي راحت هيه وبناتهه بقينه بس احنه
سهاد.علاوي روح انت والبنات للبيت اني وقصي نبقى هنا والصبح ارجعو
علي.ماشي يلا كومن
ريتان.كعدنه ثنيناتنه بالحوض الوره وهو وحده يسوق
علي.استغفرالله اليشوف يكول سايقهن وحده منجن تصعد هنا
نجمه.صعدي انتي امانه
ريتان.معليه
علي.تره مناكل ولا المكان يكرص
ريتان.صعدت يمه بالصدر كلشويه اندار على فله ونضحك
فله.هههه
علي.تخبلت رسمي
ريتان.منيه
علي.مشكلجيه موعليج على الوره
ريتان.اني مشكلجيه ههه
نجمه.ايبااه هاي المنصور باعي باربي
علي.اصلا لحد هسه موصلنه للمنصور
ريتان.هههه سكتي فصحتينه
نجمه.والله تشبه المنصور
ريتان.اصلا متغيره المنصور قبل مجانت هيج خالو كلي اني ماذكرهه
نجمه.اي اني شايفه المنصور بالتلفزيون حتى الكراده كلهن
علي.هاي المنصور
نجمه.الله تخبل حتى ريحتهه غير شكل
ريتان.ها هسه صارت تخبل ويم خاله رونق ايع
نجمه.ههه انجبي مو هيه متحب المنصور
ريتان.منافقه ههه
علي.يله وصلنا
نجمه.وحق الله اذكرته هذا بيتنه
ريتان.اي تذكرين هاي الحديقه متغيره شكد جنه نلعب بيهه
علي.يلا دخلو بلا كلام زايد
نجمه.باعي البيت متغير
ريتان.اي والله
علي.شكد تحجن لخاطر الله امشن نامن باجر من الصبح نطلع
ريتان.وين انام
علي.على راسي
نجمه.امانه منعرف
علي.يعني الف غرفه بالبيت امشن نامن بأي مكان اني صاعد قفلت البوب لضلن تحجن مفهوم
ريتان.حاضر سيدي
علي.هاي خفة دمج الزايده حتوديج بالف داهيه والله يالله
نجمه.خل ننام هنا بالصاله
ريتان.اي بس منين البطانيات
نجمه.حبابه انتي سألي اخاف منه والله
ريتان.معليه لو اموت برد ماصعدله
نجمه.صايره خوافه
ريتان.نجبي صاعده دكيت الباب
علي.منو ادخل
ريتان.بس وين البطانيات
علي.هياتهن بجيبي استغفرالله
ريتان.صدك جذب نريد ننام هيج تستقبلون ضيفكم
علي.ها يعني انتن محسوبات على الضيوف لعد روحي نامي بغرفة الضيوف
ريتان.وينهه
علي.جوه يم الحمام على ايدج اليسره
ريتان.ماشي بيباي
علي.هله
نجمه.ها وينهن
ريتان.انجبي امشي ننام بهاي الغرفه الحمدلله عدت هاي الليه علة خير نمنه كعدنه على صوته المزعج بالسبعه ونص عبالك عدنه دوام خرب بحضي غيرنه ملابسنه وطلعنه شفت مريه بوجهي جفلت وهي هم جفلت
ام ماجد.منو انتي
ريتان.انتي منو اني ريتان
ام ماجد.اني الطباخه مال البيت
ريتان.ها خاله تشرفنه اني حفيدت ابو البيت
ام ماجد.اهلا وسهلا نورتي البيت تفضلي السفره جاهزه
ريتان.خلصنه ريوك بعدهه وصلنه للمستشفى اليوم حالة جدو حرجه كلش يوم بس تبجي حتى الدكاتره مقبلو نكعد يمه طلعنه كلياتنه بعدهه جدو راد علي وقصي
قصي.هاجدو ردتنه
محمد.اي كعدو
علي.لتعب روحك ولتحجي زايد
محمد.اريد اموت اني ومرتاح حصصكم قسمتهه قبل شهر يم المحامي ابن اخو سهاد قاسم و وصيتي الي اذا مانفذتوهه راح اتعذب بقبري
قصي.شنيه جدو
محمد.تزوجون بنات عمكم ريتان ونجمه اريد اموت مرتاح طول هالفتره اتوسل بيكم بس مارضيتو تزوجوهم
علي.جدو شلون ومهى ونهى شنو ذنبهم
محمد.مادري هالبنات انظلمن تزوجوهم حتى تريحوني هاي وصيتي و الوصية لازم تتنفذ
قصي.جدو الله يخليك شلون توصي هيج وصيه
محمد.ماكدر احجي تعبان ماوصيكم بعد تزوجون ريتان ونجمه وصيتي هاي مفهوم
علي.جدو لتعب روحك
محمد.كولو حتنفذوهه لو لا
علي.الله كريم جدو لتفكر بشي ارتاح
محمد.راحتي هيه راحت حفيداتي
سهاد.ليش طولو
ريتان.والله مادري
سهاد.يارب سترك يارب لتاخذ مني زوجي
نجمه.يوم جدو صارله شكد مريض
سهاد.اكثر من 3 شهور حبيبتي
نجمه.الله يشافي
سهاد.ها علاوي شيريد جدكم
علي.اوف
سهاد.شبيك
علي.يوم تره معصب كلش ودماغي مديستوعب شي اروح للشركه ارجع الظهر
سهاد.ماشي وانت قصي شبيك شراد جدك منكم
قصي.لتسألين عن أي شي
سهاد.ياشبيكم
ريتان.بقينه للظهر اجا علي بعدهه اجتي عمتي وحدهه بدون بناتهه وجه قصي وعلي ميتفسر من دخلو على جدو مدري شنو كاللهم الله اعلم بقينه للعصر دخلنه يمه وكف كلبه اول مدخلنه عمتي ويوم كامن يصرخن طلعونه بره اجوي الدكاتره رجعو نبضه بالجهاز الكهربائي وراهه نشل بعد ميكدر يحرك اي شي من جسمه حتى كلام ميكدر يتكلم رجعنه قصي للبيت جانو كلهم مقهورين حتى احنه اني وفله نقهرنه كلش ثاني يوم كعدنه ودونه للمستشفى صارلنه اليوم الثالث ابغداد كعدنه يم يوم خطيه بس تبجي حقهه زوجهه وونيسهه الوحيد اليوم حالته اسوء من كل الايام صار الظهر واحنه كاعدين فجأة اختنك انقطع نفسه اجوي الدكاتره والممرضين بعدهه طلعو مدنكين روسهم وكالو البقيه بحياتكم كرهت هاي الكلمه ماريد اسمعهه سمعتهه هوايه والله بقينه نبجي اني وفله خطيه يوم انتهت صوتهه راح من البجي والصراخ رجعنه للبيت دفنو اجوي هوايه ناس بعد اكثر من فاتحة بيبي وجدو احمد نترس البيت حتى خالتي ومرت خالي كلهم جوي خلصت الفاتحه وره السبعة اجتي عمتي صاحولنه كالو المحامي اجا لبسنه الحجاب ونزلنه كلنه كعدنه بالصاله بده يحجي المحامي يوم لازمه عده بس يصير يشوفهه المحامي لان ابن اخوهه
المحامي قاسم.طبعا الله يرحمه الحجي قسم كل املاكه وثروته حتى ميظلم احد وهذي الورقه محد يكدر يزورهه لان بصمة ايده وتوقيعه المهم راح اقرالكم الورقه
علي.تفضل
قاسم.زاد فضلك.البيت هذا الكاعدين بي قسمه بالتساوي لسهاد عبدالله و علي مهند وقصي خالد ونجمه مهند و ريتان خالد كل منهم اله حصه بهذا البيت اما بيته الي باليرموك خلا باسم بنته سعاد محمد و الاسواق الي باليرموك ايضآ لسعاد محمد اما الشركه فقسمهه بالتساوي لسهاد عبدالله و علي مهند وقصي خالد ونجمه مهند وريتان خالد والي يديرون الشركه علي وقصي واكو شغله ضمن الوصية مكتوبه بس ماكدر اكولهه لان المرحوم نبهني بس لعلي وقصي اكوللهم فأذا امكن يبقون بس علي وقصي
علي.تفضل طلعو
قصي.خير شنو
قاسم.ماشي عرفتو شنو ورثتو من المرحوم
علي وقصي.اي عرفنه
قاسم.تفضلو اقرو اخر سطرين
علي.شنو هاي
قاسم.اني افهمكم بالعاميه شايفين ذني الاملاك الي قسمهن الكم
قصي.اي
قاسم.اذا علي ماتزوج ريتان او قصي ميتزوج نجمه مراح تحصلون اي حصه من املاك الحجي يعني اذا تردون الاملاك لازم تزوجون ريتان ونجمه
علي.وليش هيج سوى
قاسم.والله ماعندي علم سألته هوايه مارضى يجاوبني
قصي.يعني ماحصل شي اله اتزوج نجمه مو
قاسم.بالفعل بس تبقون تديرون الشركه لان شارط انو انتو تديرون الشركه
علي.اي مشكور حبيبي
قاسم.تدللون يلا اني اترخص
قصي.تفضل مع السلامه
سعاد.شوفي يوم اكيد ابويه عنده املاك انوب ودينطيهه لعلي وقصي وميريدنه نعرف
سهاد.لا مو هيج من كتب هاي الورقه جنت موجوده يمه واعرف كلشي بيهه لان بوقتهه كتله حصتي مثل حصة احفادي وابوج ماعنده غير هذا الورث
سعاد.لعد شكو ابن اخوج مقبل نسمع شبيج مدكوليلي اني غريبه
سهاد.لتسألين ولتخافين مينطيهم فلوس احتمال شرط عليهم شي اذا مسوو ميحصلون شي من املاكه
سعاد.ياا
ريتان.اني اصعد انام
سهاد.نوم العوافي
علي.لك قصي شفت جدو شنو سوه
قصي.يعني هو مو وصانه بالمستشفى شكو يكتبهه بالاملاك اوي ضجت
علي.نهى ومهى شلون
قصي.مادري لتسألني
سهاد.ها شبيكم
علي.عمه وين
سهاد.راحت
قصي.انتي شلون صرتي
سهاد.على الله لتخافون مااسألكم شنو كاللكم قاسم
علي.ليش تعرفين شكال
سهاد.اي جدكم الله يرحمه جان يريد يأمن على حفيداته وهيج راح يأمن اكثر الله يرحمه
علي.اعرف
قصي.وصانه قبل ليموت
يتبع - -