رواية احاسيس مبعثرة
حقوق النشر محفوظه لوميض الليل
البارت الثامن
أنا أحترقُ، قد لا ترى هذا، لكن صدّقني، روحي من الداخل تحترق، أنا أمسي رماداً هشاً، أنا أتهاوى بمجرد هبوب نسمة نحوي، قد يبدو منظري ثابتاً، صلباً وبارداً، لكنني أحترقُ أنهارُ وأتلاشى، أتدرك كمية الحروب التي تحدث في داخلي بينما أنا أحارب لكي أبدو ثابت ..؟
هاني" مستند ع الكرسي : زيد خلينا نحاولو معاها يمكن معصبه وقالت هالكلام ما اظن تقصده معقول تطردك بدون سبب
هيثم" مقعمز ع السرير : انت تحلم قعد شن ماتعرفش جدتك تقول شي تنفده والمشكله الكبرى ماتعرف شن درت لين تنفد فيك هالقرارات
هاني: صح علاش تبي تسفرك لكنده؟
هيثم: هههه مش عارف علاش تي به ماسفرتني للمريخ
هاني: انا بتسفرني للقبر عن قريب "تنهد: لو سفرتني للقبر تكون ساوت خير بعد ماقررت تزوج حبيبتي من الذ اعدائي
هيثم" بحزن: بتلقى غيرها ياهاني خلاص لا تفكر فيها حرام عليك هي بدت لغيرك ع الاقل انت فارقت حبيبتك مش بتفارق نصفك الثاني وتوأمك
هاني: اه تلاقيها تو تبكي ع فراقك لله يعينها
هيثم: ويعيني ع فراقها "لف لزيد: خيرك ساكت
زيد" سكر شنطته ووقف ورفعها وطلع والشباب استغربوا سكوته ولحقوه"
هيثم" يمشي جنبه: زيد خليك لغدوة ع الاقل نبي نفوت كل وقتي معاكم لين نسافر
هاني" بحزن: بتخلوني بروحي هنا مع المغارير
هيثم: هههه حلوة المغارير
هاني: لان ماقعد غير المغرورين هنا لا ويلي كاسر خاطري البنت دينا بتتزوج رشادوه يلي كلامه وحد السيف
هيثم: ههه اليوم عليك كلام رشادوه وحد السيف
هاني" شد زيد ووقفه: خيرك حتى الضحك ماليكش خاطر فيه
زيد" دف ايد هاني وكمل طريقه وصل لدرج ووقف وهو يشوف لفوق لدرج البنات لميس يلي واقفه نهاية الدرج وتشوفله .. ابتسم بألم: فرحانه اكيد واخيرا بتفتكي مني
ميس" بهزوه: اكيد بندير عرس وراك غير بس اطلع
زيد" ابتسم بهزوه: ديري عرس كبيير واعزمي العالم كله لانك مش شايفتيني لين نموت "لف ومشى "
هاني" بعصبيه: مش لهذه الدرجه حقوده وفرحانه لانه انطرد "نزل وراه"
هيثم" تنهد: هيا وين
ميس" نزلت بسرعه بدون ماتكلمه"
هيثم" تنهد ونزل "
هاني" سلم ع زيد: رد بالك من روحك واتصل فيا وصدقني هالعجوز الشمطاء باندمها ع كل فعايلها
أنت تقرأ
احاسيس مبعثرة💞
Lãng mạnقبل البداية هذه الرواية ( حلمه حلمتها وكتبتها? .. مكثر احلامي يلي درتهم روايات ??) باللهجة الليبيه. لكن لا تنطبق ع عاداتنا .. تختلف ف نمطها فلا احد يحاسبني ع احداثها ف ها قد نبهت? , الرواية متنوعة حزن رعب كوميدية رومانسية,,,, تحكي عن مراءة متسلطه...
