البارت العاشر
رواية احاسيس مبعثره
للكاتبه وميض✒
🎀عاهدت نفسي أن ابتسم
مهما كان الجرح كبير🎀
سنديان " دخلت بيها الممرضه لقسمهم بعد ماكانت ف مركز العلاج الطبيعي بس مايأسو الاطباء من علاجها بالادوية حولوها تتعالج بالتمارين .. لمحت نزال جالس ف الصاله وجنبه اوراق اشرت للممرضه تمشي .. وهي قربت من نزار ووقفت قريب منه"
نزار" بدون مايشوفلها: ها شن قعده ع الكرسي ماتحسنت حالتك
سنديان : يهمك ؟؟
نزار" شافلها"
سنديان: يهمك اتعالج
نزار" رجع لاوراقه: لا مايهمني
سنديان: ليش تزوجتني
نزار" ابتسم ع جنب وهو يتصفح ف الاوراق: اكيد مش حب فيك
سنديان: اها حب ف المال
نزار" لفلها بسرعه"
سنديان" ابتسمت: وحب الانتقام صح
نزار" شاف لاوراقه : لوين تبي توصلي انت
سنديان: ولا لمكان قعدين ندردشو
نزار: بالله اخطيني مش فاضيلك
سنديان: ا
قطع كلامها صوت جرس نداء لمائده الغداء
نزار" صكر الملف ووقف ومشى : لا تنسي البسي لبس محتشم وحجاب ع راسك بنتوضى ونصلي ونلقاك واتية واذا كان فيه غلط ف لبسك تحملي مايجيك " دخل للحمام (حشاكم) وسكر الباب بقوة"
سنديان " ابتسمت "
..
رشاد" يخلس ف شعره ويشوفلها من المراية كيف رافعه الصلاية بعد تمت صلاتها: اليوم اول يوم لينا مع الكل مانبي انبهك لازم تبيني انك فرحانه ومرتاحه
دينا" بهدوء: بس انا مش مرتاحه
رشاد" شافلها بغيض: ديمااا
دينا" بهزوه: هاه دايما لما تفقد اعصابك ولا ماتمون مركز تنطق باسمها
رشاد" عصب وقرب منها: انا مش حب فيها ننطق ف اسمها لكن تقارب اسماءكم هو يلي يخليني نغلط فيها
دينا" بهدوء: لو كذبت حتى ع نفسك ماتقدر تكذب عليا لسوووء حظي اني الوحيده يلي كان عندي علم بحبكم لبعضكم والحب عمره ماينتسى
رشاد" مسك اعصابه ولف عنها : بسرعه غيري دبشك باش ننزلو
دينا : رشاد مر شهر ع حالنا وللان مافهمت انها مستحيل تستمر طلقني وعيش حياتك
رشاد " لفلها بعصبيه ومسك اكتافها بغيض: لاخر مرة نقلك الطلاااااق مافييييش ساااااااامعه
دينا" تألمت منه: ااا اطلقني
رشاد" دفها ع السرير بغيض: نستناك البرى تواني وتعالي "طلع وضرب الباب بقوة"
أنت تقرأ
احاسيس مبعثرة💞
Любовные романыقبل البداية هذه الرواية ( حلمه حلمتها وكتبتها? .. مكثر احلامي يلي درتهم روايات ??) باللهجة الليبيه. لكن لا تنطبق ع عاداتنا .. تختلف ف نمطها فلا احد يحاسبني ع احداثها ف ها قد نبهت? , الرواية متنوعة حزن رعب كوميدية رومانسية,,,, تحكي عن مراءة متسلطه...
