رواية خائنة ولكني لم اخن

الحلقة الحادي عشر

ماما .. ممكن اروح مع نورا  نجيب نتيجتها

نادية : اتصلي ببابا واستاذني منه ..

واتصلت مني بابيها ...

"الو" 

ايوة يابابا ... 

الاب : خير يامني في حاجة..؟؟

مني : لا .. اطمن يابابا .. كنت بستأذن من حضرتك . اروح مع نورا نتيجتها انهاردة.

الاب : ااااه طيب يامني روحي وابقي طمنيني عليكم

مني وزادت نبضات قلبها : علينا مش فاهمة يابابا ...

فضحك محمد .. طمنيني علي نورا ..

مني : حاضر يابابا ...

الاب : مع السلامة يامني ....

مني : مع السلامة يابابا...

واتصلت مني بنورا ....

نورا  انا هجي معاكي نجيب النتيجة ..

نورا : أوك ياقمر ... وانا في انتظارك ..

وبمجرد أن انهت نورا مكالمتها مع مني فاقترب احمد منها وقال : في اية بانورا .؟؟؟

نورا : مافيش يااحمد . مني هتيجي معايا نجيب النتيجة ..

احمد بفرح : بجد .. عن اذنك ...ودخل احمد لحجرته ليستعد لرؤية مني ..ودخلت عليه نورا ... فاذا باحمد يقف ويمسك بيده سلسلة فضة باسم مني .

نورا : الله .. اي الجمال ده يااحمد..

فابتسم احمد لنورا  وقال ..
دي كانت الهدايا اللي جبتها لمني اخر مرة اتقابلنا في المنتزة ..

نورا في حيرة : معقول ... وهي مني رفضتها؟؟؟؟

احمد : لا ... انا ما اقدمتها اصلا لها ...

نورا : ليه يااحمد ..؟؟؟.

احمد : حسيت انها مش قيمتها خصوصا لما لاقيت سيد ابن عمها اشتري لها موبايل ...فاحتفظت بهدايتي لنفسي ...

نورا : يااااااه يااحمد...  انت غلطان ...وهي مني من امتي اهتمت بالمظاهر ديه؟ !!!  وبعدين اللي بيحب حد..  عمره ما يقلل من اي شئ يقدمه له..  انت غلطان  في كده يااحمد .....

احمد : اللي حصل يانورا ....حسيت  انها قليلة ... فاحتفظت بها ....

نورا : يبقي تقدمها انهاردة .....

احمد : اكيد ان شاء الله تفتكري هتعجبها ...

نورا بثقة : أكيد طبعا يا احمد انا واثقة انها هتعجبها جدا ...

احمد : طيب يالا جهزي نفسك بسرررررعة ..هموت واشوفها ....

نورا : بعد الشر يااحمد ..  اية حكاية الموت اللي ماسك في سيرته الايام ديه !!!!