رواية خائنة ولكني لم اخن

الحلقة الثالثة والعشرين

وانصرفت نورا وتركت مني لرفيقها الذي لا يبتعد عنها يوما وهو التفكير..

تفكر في كلام صديقتها.. وانها بالفعل ستصبح يوما ما مجرد ذكري ... فالافضل ان تحتفظ بمحمد كصديق ...

ولكن مستحيل ان يتحول الحب الي صداقة.

خصوصا بعد كل هذه السنين وكل ما حدث ودار بينهما ...

فتغمض مني عينها وتحاول الهروب من تفكيرها بالنوم ..

وبالفعل تغرق مني في نوم عميق ....

وتستمر مني في صراعها بين العقل والقلب ...

والحلال والحرام ..... وهي كل يوم تشهد ربها بانها لم تكن تقصد ان تحب محمد ..

ولم تكن تقصد ان تتعلق بشخص غير زوجها . لتصبح خائنة ..

لم تكن تتخيل يوما ما ان تصبح خائنة .. حتي وان كان زوجها سئ ..فهي غير راضية عن نفسها لانها تخطئ بحق ربها ..

ولكن كل هذا بلا جدوي . فهي لا تستطيع الابتعاد عن محمد

وبعد شهور .....

اتصل بها محمد ليخبرها بخبر كانت تتوقعه يوما ما ..

"الو" ايوة يامحمد .

محمد : حبيبي حبيبي حبيبي حبيبي حبيبي .

فتضحك مني .. وحشة مش زي ماانا بقولها.

محمد : اكيد طبعا ..قوليها كده ....

مني : لالالالالا.. المهم اخبارك اية ؟؟.

محمد : تمام الحمد لله ياغالية ..

مني بقلق : صوتك ماله يامحمد ؟؟؟

محمد : مخنوق شوية ...

مني : ممكن اعرف من اية ياحبيبي؟؟؟؟

محمد : ابدا .. ابواي عايزني اخطب ....

فصمتت مني لثواني ثم ابتسمت وقالت :

طيب ما ده شئ طبيعي ... اي المشكلة؟؟

محمد : انا مش عايز ...

مني : يعني اي مش عايز ... لازم فعلا تستقر يامحمد... علي الاقل هتلاقي واحدة تحبها وتحبك وتعيش حياة طبيعية ...

محمد : انا بحبك انتي وعندي استعداد افضل كده طول عمري...

مني : ده كلام فاضي ... ولو فعلا بتفكر في كده تبقي بتغلط في حق نفسك وهتندم في يوم من الايام..

محمد : لية ياغالية بتقولي ده ؟؟؟!!

مني : بقول كلام الحق ...كلام العقل ...ولاني بحبك بجد نفسي تكون اسعد انسان في الدنيا ...تحب وتتحب .. ويبقي لك زوجة وبيت واولاد....

محمد : لو ليا خاطر بلاش نتكلم في الموضوع ده.

مني : بالعكس لو انا اللي ليا خاطر لازم تفكر في الموضوع ده ..هو قالك في عروسة ولا ده مجرد كلام؟؟