ڣڝلوٍوٍهہآ لل؏ڜگ 🤗❣

خاايفه 😞

      مد ايده غمضت ....كتله والله اني يتيمه .. جر من يمي ..المخدة والغطه ...اني فتحت عيوني ..اباع عليه شمرهن بلكاع ..وطلع ..من فوك الكنتور مندر ونام .... اني الف الحمدلله كلت تخيلته يضربني..رغم ملامحه الحلوة الي متروسه ..رجوله ..بس قاسي ..ويخوف .. بقيت اتكلب ..خايفه منه اول مرة انام مو بيتنه .. واول مرة ..انام يم رجال ..غريب .عليه ..بيومها ماعرف نمت لو لا ..بس كعدت الصبح شفته نايم ..اباع ساعه 8- بقيت بفراشي ..اخاف اكوم ..لا اطلع صوت .. بقيت بلفراش ..بس فاتحه عيني .. ماعرف شسوي ..اخاف اكوم وحتى اذا كمت وين اروح .. ماعرفهن حتى انزل يمهم .. كمت ع كيف ..عبرته ..وفتحت الكنتور طلعت من الهدوم الي خاليها .. وكعدت .بلكاع .بلجهه الثانيه ..مغطيتني الجربايه وبدلت .. دشداشه ردن .. فتحت الباب عل كيف ..اريد اروح حمام ..اني اذكرهه جوة بس وين ماعرف ..طلعت من الممر ..بي اربع غرف بس المن ماعرف .. وصلت لدرج ..سمعت صوت وحجي ..بقيت واكفه بمكاني .. استحي ..انزل ولا بيه ابقى .. صعدو الجهال .. ضلو يصيحون العروس كعدت العروس كعدت .. وكفت سهام جوة براس الدرج كالت نزلي بس خلي فوطه ع راسج ..كتلها مين ..كالت دتعاي .. نزلت..انطتني ربطتها ..كالت البسيها بين ماطلعلج وحدة جديدة ..كتلها فدوة شصيحلج كالت سهام .. كتلها عفيه اريد اروح حمام .. امشي وراية ..اخذتني ..كتلها وراها وين اروح ضحكت كالت راح اوكف بنتي هنا ..جيبج يمي .. طبيت .. للحمام غسلت ..وكملت ..وطلعت شفت بنوته تنظرني .. اخذتني للمطبخ ..جان بي 5نسوان .. ماعدا اكو بنات توهن ..شابات ..2 يشتغلن ....وحدة تسفط بلخبز ..وحدة تكلي .. شافوني .. صباح الخير .. جاوبت صباح النور .. سهام ..واكفه ع الطباخ .. رحت يمها .. كالت تاخرتي بكعدتج .. اني سكتت .. حبيبه تعلمي ب6 نكعد.. نكمل كلشي .. هزيت براسي اي .. كالت هسة انتي بس باعي ع شغلنه وتعلمي .. اول مانكعد ..نوجر حطب بتنور ..وحدة تعجن ..وتشنك..وحدة تخبز .. اندارت عليه ..تعرفين تخبزين .. كتلها لا .. مومهم تتعلمين .. وراها نحضر ريوك .ب8كامل .. ونكعد كلنه ع سفرة وحدة .. نكمل ويوميه وحدة عليها ..غسل المواعين .. اما التركيب ..بس ع ايدي ..الحجي والحجيه ميقبلون .. ياحجي .. هيه دتكلي بتيته ..اندارت عليه .. ليالي عيني اريدج انبهه..لاضلين منو وشنو لكفي بسرعه .. ابو عامر ..الشيخ ..هوة حاج بيت الله هوة وامه .. اي ..نصيحله حجي .. واشرت الي ع وحدة ..دتنظف خضرة .. هذيج مرته ..الاولى ..مخلفه اله بس 2.. واني الثانيه ..ترة لا شوفيني ناصحه اني صغيرة ..عمري 26..سنه .. والحجي شكد ..يمكن 37لو اكبر .. اها.. ي.. الباقيات منو ..انطتني ..خيار كالت سوي.درك .. اخذته من اديها .. معرفت معنى درك بس من اشره اديها يعني دوائر .. كالت هاي سعاد .مرت عدنان ... وهاي ...فاطمه..مرت ..ضياء. وهاي ..حلا...مرت ..قاسم .. واني ..وهذيج ..ام عامر ..زوجات الحجي ..حاتم خوش .. هسة يلا فرشو تاخرنه ..وودو الاكل .. اباع الميز متروس جبن وكيمر ..و ونواشف ..وبيض.. اخذنه الاكل صفطناه ..شفت الحجيه رحت صبحت عليها .. كالت هايمه بشري .. اني صافنه عليها .وين نيشانج .. ماعرف شجاوبها .. اجت سهام .. كلت الها يمه يمي .. كالت بلمبارك بلمبارك .. جرتتي سهام ..شوداج يمها .. رحت سلمت عليها .. يلا روحي كعدي رجلج .. انداريت عليها كتلها لا فدوة اخاف .. ليش..احسن عفيه .. صاحت مريومه روحي كعدي عمج فهد .. راحت .... كملنه السفرة .. اجوي الولد ..صبحو ع اممهم وكعدو .. اني بقيت واكفه .. سهام .كعدت وكعدتني .. دغتني ..صبحي .. كتلهم صباح الخير .. جاوبوني .. اجه فهد ..اني منطيته ..ظهري ..مداشوفه.. كعد كبالي .. رفع راسه .. كال هاي الفصليه شكعدها ويانه ع الاكل .. اني اريد ابلع ريكي ماكدر .. سهام لزمتني .. الحجي اندار عليه كله فهد متحملك هوايه ..اكل ولا تلغي ..زين ..هاي مرتك ومنا وبينه صارت .. كله دام هيج ..ماكل ..وخلوها ..هل فصليه كبالكم .. وكلب الماعون الي كدامه وكام.. امه ضلت تصيحه وتحجي عليه ..  واحد من اخوته كام وراه ..والحجي كال خويه مسحيها ..بيه ..هذا طفل بعدة ..يومين ويبرد كلبه ..ترة مرته ..بعدة ترابها ..مبلل .. اني مدنجه .بس دموعي تنزل .. كال اكلي خويه احلفلج بتراب ابوج اكلي ..واذا اتعدة عليج والله لا ..اسوي بي المحد ماسواه .. اني اشيل لكمتي تببل بدمع قبل لا احطها بحلكي .. وادعي الله ..يوكفلي بس .. اكلت لكمتين ..وتعذرت منهم وكمت .. طبيت للمطبخ ..ابجي .. حتى البجي مايفيد بعد ولا بي معنى .. ماكو غير الله يطلعني من هلشدة .. طلعت رحت غسلت ..همه بعدهم ياكلون .. صعدت لغرفتي .. كلت بين مايكملون ..يايمه ..شكد احساس حقير من يكولي فصليه ..يجيب ..سجين ويذبحني بي .. هم وحدي ..وهم ..قهر ياربي .. صعدت ..فوك .فتحت الباب ..شفته مدد ع جربايه .. ردت ارجع .. خفت منه .. صاح تعاي .. بقيت بلباب .. تعاي .. طبيت وبقيت الباب مفتوحه .. اجه قريب مني .. كال اني فوك انتي جوة ..اني جوة انتي فوك شكولج ماريد اشوفها كلما اشوفج اذكر ..حرمتوني من مرتي .. اني مدنجه .. وهلحركات مال تبجج مو عليه خوش .. لا عبالج ابن محافظات وتعبر عليه كلاواتج لا والله .. هسة ..ارجعج لاهلج ترة...اني رفعت راسي ..كلت وي روحي يالله ...كمل كال.. واخذ بدالج دم ..ميهمني ..كلام اكبر واحدلا اخويه ولا عمامج الفزاعه شكولج ماشوفها ..خوش .. هزيت براسي ..اي .. يلا ولي .. وخلي يصعدون ريوكي فوك .... طلعت .. سديت الباب ..اريد هوى ماكو بقيت اشهك ..اشهك .. اختنكت .. رديت ..فتحت الباب علية .من لوبه روحي اشر اله ..بديه وعيوني نترست دمع ..هوة واكف كبالي .. شبيج اني شحجيت وياج .. يمعودة شجاج ...راح تموتين .. طش عليه ..مي .. كعدت بلكاع ع رجلي ..هوى نكطع ..عني .. صاح سهام ..سهام ..ولج سهام .. صعدت .... شكو يمه عزة شسويت الها ..ضلت بهدومها تهفي الي ..وطش مي وتسمي .يمه اسم الرحمن ..يلمعزة شسويت بيها ..ولك ماتخاف من الله ..شغلت المروحه .. .هناك ورد الهوى لريتي .... ضليت اسحب هوى ..احس صدري انترس.. ضليت اسحب هوى ..احس صدري انترس.. كالت شبيج يمعودة ..دنامي ارتاحي .. مين طلعتيلي انتي ..اني كلبي خلصان .. خلتني بلفراش .. وكالت لفهد ..امشي ..ويايه .. سدت الباب .. اني هاي الحاله صارت بيه مرة من ماتت بيبيتي. ...وجنت جاهله وطبيت للمغيسيل ..وي النسوان ..شمعرفني .. من شفتها مددة صارت بيه ..صارت بيه .. وامي كومه راجعت بيه يكولون الها خوفه .. هاي مابيها شي .. شويه وصعدت يمي سهام .. شسوالج ..ضربج.. لا لعد.. بس حاجاني .. وشجاج وزوركتي .. ماعرف ..فدوة رجعوتي لاهلي .تكسبين بيه اجر .. شرجعج ..حبيبه..اكعدي واسكتي .. ومرت الايام ع هلمنوال ...يكعدني فصليه ويكومني فصلية ..الجناين كامن ايذوني ...بحجيهن .. بس ماعدا ..سهام ..زينه ..ويايه ..والحجي هم زين .. ومرت الايام واني جارعه ..المر ..والضيم.. لحد مافديوم .. دخل علينه ..فهد كال ..زوجوني وللحكايه بقيه ...