طلع حسين وظليت افكر شويه
ورجعت نمت ورا كم ساعه حسيت الباب تندك
لمار/ليليان حبيبتي كاعده لو نايمه
ليليان:اممم تعاي كاعده
لمار:صباح الخير
ليليان:هلاو صباح النور
لمار:شنو هستوج كعدتي
ليلييان:ايي
لمار:ياا اسفه كعدتج بس لازم تكعدين
ليليان:لا عادي ليش شكو
لمار:شنو ماكلج حسين بيت عمي حيجون
ليليان:هاا اي صدك كلي بس نسيت
لمار/زين لعد يلا كومي غسلي وبدلي حيجون هسه همه بلطريق
ليليان:زين
راحت لمار واني كمت ذكيت
هواي مكالمات من لين
خابرتها ظلينه نسولف هواي بعدين
سديت المكالمه ورحت غسلت
وبدلت وشسورت شعري
وحطيت ميك اب
ونزلت جوه ذكيت همهم شايفته
كبل اني وويا بنات ثنين
مبينات شايفات روحهم هواي
سلمت رد السلام العم وبنته بس
الثانيه ماردت
استغربت هواي بس كلت يجوزمسمعت
رحت للمطبخ طلعت شي اكله ورا شويه لمار
ظلينا نسولف اني وياها
جابتها على هاي بتهم
لمار:ولج شفتي شون مردت عليج
ليليان:هههه اي شفت
لمار:تدرين هاي كبل جانت تحب حسين
ليليان:😒😒اي ادري كلي
لمار:بس هوه كولش يكرها من كبل
ليليان:اكول ليش تخنزر عليه
لمار: هههعع ايي بس ديري بالج
منها ترا هاي حيه
ليليان:ههه اي حتى حسين كالي هيج
لمار:اي المهم ديربالج منها ولاسولفين وياها حتى اختها هم مو كلش راحه
ليليان:لاشو مبينه اختها حبابه
لمار:شوف هاي شتحجي بابا ذني
ميحب غير نفسهم وبس هاي لئن
متعرفيهم هيج تحجين
ليليان:يلا شعلينه منهم اصلا
اني معليه بيهم
بس اذا ذبولي حجايه اني
ماتحمل ترا
لمار:اوكي احسن يلا اني حروح تلفوني يدك
ليليان:اوكي
راحت لمار وظليت اكل وحدي ورا دقيقه
اجو مايا ولمى
ظلت تجقجق بكعبها عبالك
مشايفين كعب😂
اجت وكفت يمي جنت على
السنك داغسلًً مواعيني
مايا:هيي يالله انوب الفصليات
ماخذات راحتهم بلبيت
لمى:هههه يلا خطيه عوفيهم
مشايفات تلكيهم محمضات
على اهلهم وشمروهم علينه
لو صدك عزيزات مجان انطوهم بسرعه
مايا :هههههه اي والله حجيج صدك
ليليان:باوعتلها صفح وكتلها تروحين من يمي لا بهذا الماعون على راسج افتهمتي لو لا
هنه صفنن بلبدايه بعدين كالت
مايا:لا واله عين تحجي انتي
تعرفين ويامن تحجين
ليليان:اي داحجي ويا الزباله مثلج
بعدين ماحسيت الا ايد وجرت
شعري جانت مايا مدري
شسمهاً واني هم ماقصرت
ماخليت شعرايه براسها وعضيتها
من جتفها
😂😂اني من كبل هيج يسموني ام لسان وهنه الي بدن
بعدين اجتي لمار هم وياي
ظلت تضرب بيهم لئن جانو
ثنينهم عليه وصارت دك مكاتل
بعدين اجت عمتي اسماء ظلت
تصيح تريد تفكنه ماكدرت
ظلت تصيح على صوتها اجه
عمهم فكنه بلكوه
العم:ولكم شنو مربي جلاب اني
وجان كولش عصبي يحجي
ويأشر عل بناته
بعدين كال
العم :عيوني اني اعتذر نيابه
عن بناتي اظاهر اني لو
مربي حيوانات ولاهيج بنات
بس انتي هم ماقصرتي
ليليان:لا اني ماسويت شي بيهم
هنه الي بدو
بس يلا عاديً مصار شي
العم :يلا حضرو غراضكم خلي نروح😡
اسماء:لاحجي شنو تروح مو هستوك اجيت
العم:لاام احمد خليها غير وكت
اسماء:لاشنو غير وكت وروح المرحوم
ماخليك تطلع
ظلو يتجادلون الائن قبل العم
يبقى طبعا بناته كاعدات على
صفحه وكالبات خلقتهم
اني هم صعدت حطيت خافي
عيوب ورتبت وجهي ونزلت
صح جسمي وراسي كوله
يوجعني بس اهمشي اخذت
حقي اني مو ضعيفه حتى
ياهوه الي يجي يظل يحجي
عليه و جان راسي يموتني
لئن هاي الكلبه جرته قوي ابد
ماتوقعت هيج تسوي عود
هاي الي عايشه بقصور هيج
تسوي ورا شويه اجه احمد
وحسين اول مااجه حسين
اجه حظني من ورا وباسني
من راسي وهنه ماتمو قهر 😂🤡
شكلهم هيج صار👈🏻😮😨
سلم واجه كعد بصفي
شاورني
حسين:اشونه الحب مالتي
ليليان:ههه تمام انت اشونك
حسين :زين ورا ماشفتج
{هوه يشاورني ويضحك وهنه ميتات قهر}
حسين:اي حبيبي شسويتي ماسويتي
ليليان:ههه ماسويت شي بس
تعاركت ويا بنات عمك
حسين شنوووو صدك تحجين لو تشاقين
ليليان: ههعه اي والله وحجيتله
الي صار هوه ظل مصدوم بعدين
كام راح جر تيشيرت مايا ووكفها وكال
حسين: الي يمد ايده على مرتي بعد ايده اكسرها انتي ولا غيرجً وهذا
الحجي للكل اقتهمتي لو لا😡😡😡😠
هيه سوت روحها تبجي
هدها
اسماء:يمه حبيبي اهده مصار شي
حسين:يمه شون مصار شي يمدون
ايدهم على مرتي واني عايش 😠
اجه حسين كمش ايدي وجرني صعدني فوك
كعدت على السرير وهوه كعد يمي
حسين:حبيبي خو مايوجعج شي
ليليان:لاعيوني والله مابيه شي
حسين:متأكده ماكو شي يأذيج
ليليان:لاحبيبي والله
بعدين ظلينا نسولف وهوه
كل دقيقه يسأل
يوجعج شي اكو شي يأذيج. راسج يوجهج
كولش حبيت اهتمامه وحرصه عليع
وكبر بعيني هواي من رزل مايا بعدين صاحولنا على الغدا نزلنا تغدينا
والوجوه كولها مكلوبه بس اني و
لمار ضلينه نسولف على الاكل
الكل ساكت
خلصنا غدا والخدم شالو الماعين
جنه كاعدين
اني ولمار نسولف
وذني كاعدات كبالنه
اجه حسين كعد مقابيلي لئن
مجان اكو مكان يمي
وهنه هواي حاولو يتقربون منا
خصوصا مايا لئن ادري بيها
تحب حسين مدري تحب فلوسه
مادري بس هيه ابد مو راحه بس
اني ماطيتهم مجال ابد ولاهوه حسين
طبعا اشاكلهم تخرب ضحك كولهم مزوركات متنه ضحك اني ولمار على اشكالهم عبالك طالعين من حرب واحنه كولشي مابينه
ورا شويه طلعو افتكيت منهم
***^^*^^^^^*^^*^^^****
مرت شهرين واني جنت اسعد انسانه بلكون
واني يم حسين جان كولش مدللني
وميخلي اي واحد يحجي عليه
وكل يوم نطلع نفتر ونتعشى برا
جانت احلى ايام حياتي
عبالك جنت عايشه بحلم
وفجأه كعدت واختفى كولشي
وكل يوم حسين يفاجئني بشغله احبها يجيبها
جنت اكولها دائما حتصير بيها جلطه من
ورا مفاجئاتك
جانت مايا واختها كل يومين جايه يمنا
اني ابد مارتاحلها
ولا احجي وياها من ذيج المشكله
لحد هسه ماحجي وياها
وكل مااشوفها جايه للبيت
اصعد لغرفتي ماريد تصير مشاكل +
وجان بلسبوع مرتين نروح لاهلي
فد مره ردت اروح لأهلي ولمار
كالت
لمار:اكولج لولو حبابه خلي اجي وياج والله ضوجه بلبيت هنا
ليليان:مو اني اتاخر هناك اشون
لمار/حتلوو حبابه والله طكت روحي هنا بلبيت
ليليان:يلا اوكي روحي بدلي بسرعه
بدلنا ووصلنا حسين لبيت اهلي
دكيت الجرس فتح الباب كيان
مادري ليش حسين لمار صفنت عليه
بس ماهتميت طبينه للبيت
وظلت هيه تسولف ويا اخواني واني هم
وتغدينا والعصر اجه حسين اخذنا
وظليت كل مااريد اروح لمار تريد تجي وياي
بحجه ضوجه بس كلبي حاس
انو تحب كيان او هيج شي
فد مره جنت كاعده اكلب بلفون
اجتي هيه كعدت بصفي بس
مبين عليها كولش ضايجه
ليليان:لمار شنو شبيج ليش ضايجه وصايره هواي تصفنين شنو صاير شي
لمار:....
ليليان:لماار وجع شبيج مو داحجي وياج
لمار:هاا اسفه جنت صافنه
ليليان:شنو شبيج صايره هواي
تصفنين صاير شي
لمار:هاا لا ماكو شي بس اكولج
شوكت تروحين لهلج
ليليان:ههههه ولج مو البارحه جنه يمهم
لمار:هاا اي صح دايخه
ليليان:شنو شبيج شو وضعج معاجبني صايره هواي تصفنين صاير شي
لمار:اممم مادري
ليليان:شنو متدرين
لمار:اكولج شغله بس مو تضوجين
اني ادري هيه غلط بس والله مو بيدي
ليليان:شنو ولج شكو خوفتني صاير شي
لمار:ولج يمكن احب كيان اني
ليليان:😮😯
لمار:هفف ادري والله غلط ولو اموت روحي كدام اهلي اخواني ميطوني اله بس والله مو بيدي
ليليان:لمار انتي دتعرفين شدتحجين
لمار:اي اعرف بس موبيدي
ليليان:زين من شوكت تحبي انتي
لمار:من اول مره شفته 😑
ليليان:زين هوه يدري
لمار:لا ماكايلتله بس احس هوه هم
هيج عنده مشاعر تجاهي
ليليان:والله ماعرف شحجي بس انت تدرين كولش زين مستحيل يصير هلشي
لمار:😞
ليليان:لضوجين حبيبتي بعدين
يجوز هذا عمر مراهقه هسه
تدخلين كليه وشوفين احسن منا ويصير الج نصيب ويا
لمار:لا مستحيل 😞اني متأكده
هذا مو حب مراهقه
ليليان؛هفف والله مادري شحجي وياج بس تدرين اني حسيت عندج شي ويا
لمار:😞😞😢
ليليان:لضوجين حبيبتي الي
كاتبه الله يصير
خلصت النقاش وي لمار بس
وراها حسيتها تغيرت كل
مااباوعلها اذكاها صافنه
وكل ماروح لأهلي هيه تجي
وياي حتى حسين حس اكو
شي كل مايسألني اكوله لا
ماكو شي بس تريد تغير جو وياي.
كبل اسبوع من الدوام مال
جامعات طلعنه حسين اني ولمار واشترينه هواي ملابس للجامعه
وداومت بلجامعه اول يوم
جنت لابسه شي كلش حلو بس اول اسبوع جنت احس
روحي غريبه
ولمار جانت مو ويايه جانت غير قسم
هيه جانت طب اسنان
واني جنت طب بشري
جنت كولش فرحانه انو حققت حلمي
وجنت كولشي ماندل
بس بعدين شويه شويه كمت اندل اكثر
وصادقت هواي بنات وكروبات مال شباب
بس جانت ويا الكل علاقتي محدوده
بس ويا بنيه صادقتها جانت نفس قسمي
اسمها نور جانت كولش حبابه وتحب تشاقه
ههه فرهمنا اني وياها وهيه الوحيده الي تدري بقصتي لئن صارت عندي ثقه بيها سولفتلها
وحتى لمار صاذقتها يعني صرنا نمشي تلاثتنا
سوه
********************************
يوم الجمعه الساعه 10:00
بتوقيت بغداد
كعدت من النوم لكيت بوكيه ورد يم راسي
ومكتوب بورقه حمره
{حبيبي روحي للبالكونه شوفي شنو بيها}
اني كمت بسرعه رحت للبالكونه شفت صندوق
فتحته لكيت قطه تخبل
