كعدت ثاني يوم من النوم نزلت جوه
ذكيت خوالي وخالاتي وعمامي وعماتي
يعني العائله كولها جوه
وكلها تحظن بيه وتبجي
وماما قافله على روحه الباب
وكالولي من البارحه لليوم ماماكله شي
رحت دكيت عليها الباب ماكو
متفتح بس اسمع صوت بجي
ليليان:ماما حبابه فتحي الباب✊🏻✊🏻✊🏻
ظليت ادك. هواي متفتح اجه خالي
خالي :اروى اذا متفتحين الباب والله اكسرها
خالتي :حبيبتي اروى فتحي الباب شبعي من بنتج هيه يومين وتروح ✊🏻✊🏻😭
فتحت الباب ماما وظلت شابكتني وتبجي
اروى:بنتي شون اني راح اعيش وانتي مو يمي 😭ومادري شضاملج مستقبلج
ليليان:ماما حبابه لتسوين هيج بروحج
اروى:شون متريديني اسوي
وانتي راح تروحين
كدام عيني واني مابيدي اسوي شي😭
ليليان:ماما لتخافين عليه انتي مو تدرين بيه اني قويه
اروى:ادري بيج بنتي بس
منو يكول تتحمليهم وتتحملين عاداتهم وانتي المدلله هيج يصير بيج ليش ياربي دتعاقبني ب بولدي وبناتي اني شمسويه حتى هيج
خلصت اليومين والبيت عبالك
بي فاتحه كولها تبجي واخويه انمار
ميقبل يشوفني 😞وصار يوم الخميس الموعود
كعدت الصبح واني كولي خوف من الي راح يجي وحتى الي راح اتزوجه ماعرفه
مجرد اعرف اسمه حسين وعمره ٢٢سنه
وبس
نزلت جوه ذكيت انمار ولين وماما وبابا
ليليان:صباح الخير
محد مجاوب ادري ديبجون 😞
ابو كيان:جنت اتمنى ازفج بيدي 😞😭
ليليان:بابا حباب لتبجي انشالله تطلع خوش قسمه
ابو كيان:بابا بعد عدج وكت اذا
مامتأكده من قرارج
ليليان: لا بابا متأكده
انمار:حبيبتي اذا ضوجوج بحجايه بس خابريني اجي ادفنهم والله وميهمني اذا كتلوني 😞😭
كعدت وياهم واني خايفه خاف هاي اخر مره اكعد وياهم وماما بس تبجي عليه
خلصت اكل كلي بابا
ابو كيان:يله بتي حضري روحج حيجون عمامج وخوالج حتى نوديج😔
صعدت لغرفتي اني ولين وساعدتني لين احضر ملابسي وهيه بس تبجي 😞
واني اسكت بيهه
وخلصت التحضير وطلعت حتى ابدل
لبست جينز و قميص اسود ابو الشده ورفعت شعري وترانشوز لون تركوازي
نزلت جوه ذكيت اهلي كولهم جوه
سلمت على خالاتي وبناتهم وعماتي
وسلمت عل لين وظلت تبجي وكالت اني كل يوم اخابرج واذا قبلو اجيج هم
وصلت لماما شبكتهه قوي وظليت ابجي
واهلي كولهم يبجون عبالك جايبين جنازه
بس حقهم واخويه ظل شابكني ويبجي
هوه مجان يريد يوصلني بس كال
ماكدر لازم اجي وياج ودعتهم
وصلت للباب تذكرت بزونتي
رجعت بسرعه رحت شبكتهه😞
اجه انمار يمي كلي لاتخافين عليه
اني اداريها عفتهه
وطلعت الطريق كوله اني ابجي
وصلنا لبيتهم باوع من الشباك
مبينه حالتهم الماديه كولش زينه
عبالك قصر مو بيت يشبه بيتنه بس احنه شويه اكبر
وحديقه كدام البيت تخبل
ظليت صافنه على البيت بعدين
رحنه للباب جان اكو حارس يمهه
بابا كله كول لل سيد احمد اني ابو كيان
راح الحارس ورا دقيقه اجه كال
تفضلو السيد احمد ينتظركم
دخلنا جوه ذكينه رجال تقريبه يطلع
عمره ب الثلاثينات مبين هوه احمد
وواحد بصفه مبين زغير يمكن هذا الي راح اتزوجه بس مانتبهت على ملامحه لئن
جانت الدموع تارسه عيني
ويمه رجال جبير تقريبا بكد ابويه😟
________________________________
حسين
صار يوم الموعود جنه كاعدين بالصاله اني واخويه احمد وعمي ننتظرهم واخويه بس يوصيني شون اعمالها
احمد:والله اذا سمعتك مأذيه تدري شسوي بيك
حسين:😣والله افتهمت اصلا مالي علاقه بيه
لااحجي وياها ولا تحجي وياي
احمد :اي احسن بس خلي شي ببالك ترا هيه
مالها علاقه بموت اخوك
بين مايحجي اخويه اجه الحارس
الحارس:سيدي اكو شخص بالباب يكول اني ابو كيان ادخله لو لا
احمد:يي دخله
دخل و اربع رياجيل
ووياهم بنيه تخبل
كلت معقوله هاي
راح تصير زوجتي
بس من شفتها
مو محجبه ضجت كلت
بدت رحمه الله ومبين عليها
شايفه روحها
كعدو ورحب بيهم اخويه
والبنيه ابد ماشالت راسها
واكو ولد بصفها كامش ايدها
اني ضجت بس بعدين
عرفت هذا اخوها
ظلينه كاعدين الائن اجه
الحارس كال السيد وصل
دخل السيد وبده يعقد سئلني
انت موافق كتله اي
وسئل البنيه الي عرفت
اسمها ليليان انتي موفقه ظلت
ساكته بعدين كالت بصوت
مبحوح اي خلص السيد
العقد وطلع ظلينه
احنه كاعدين
ابو كيان:يلا احنه نرخص بس
عندي حجايه وي حسين ابني
هاي امانه عندك اترجاك
لتضوجها وتأذيها واذا عدكم
ثأر اخذو مني بس لا تأذوها
حسين :عمي لاتخاف احطها بعيني
احمد:عمي عيب هلحجي وحق الله
من هسه معتبريها حالها حال اختي لمار
ابو كيان:الحمد الله طمنتوتني😣
يلا احنه نترخص
ليليان : راحو اهلي واني
بقيت وحدي حسيت روحي
مثل الغريبه بينهم همه ظلو
كاعدين وساكتين بس الصراحه
فرحت من كال الشيخ
حنتعتبرها حالها حال اخته
يعني الحمد الله مشايلين
حقد عليه على موت اخو
احمد:يلا حسين اخذ مرتك وراويها غرفتها
