ليليان
من كله احمد اخذ مرتك وراويها غرفتها ارتاحيت كلت همزين الي غرفه وحدي
حسين :يلا تعالي وياي
ليليان:يلا اوك
صعدت ويا واني لسه مامنتبهه
على شكله بس مجرد شفته طويل
واشكر صعدنه الدرج وداني لغرفه
كولش حلوه وجبيره وهمزين
مال نفر واحد كلي
حسين :هاي غرفتج واي شي تحتاجين اني غرفتي مقابيل غرفتج
ليليان:اوكي
حسين:وردت اكولج شغله شوفي احنه صح اتزوجنه بس خلي ابالج شغله زواجنه مجرد على الورق
ليليان: اوكي بعد احسن
حسين:اوكي اني طالع رايده شي😒
ليليان:لا شكرا
____________________________________________
حسين
ورا ماعقدنه وصار كولشي بينا رسمي اهلها راحو وظلينا بس احنه
كلي اخويه اخذ مرتك لغرفتها
اخذتها وديتها لغرفتها
وكتلها زواجنه مجرد على الورق وهيه كالت بعد احسن اني الصراحه ضجت كلت يعني هيه هم مرايدتني
بس غير مبين شايفه روحها علينه 😕 بس هيه والله حلوه عدها عيون تخبل اففف اني شبيه وين دافكر
____________________________________________
طلع حسين وبقيت افتر بالغرفه
كولش حلوه واحلا شي بيها
بالكونه ويصير كدامهه المسبح
يعني المنظر كولش حلو😍
ظليت كاعده بالبالكونه
واحجي ويا نفسي
ليليان:كبرر هذا غير مبين شايف
روحه عساس اني ميته علي
بس هوه والله حات😣اففف
هسه اني شبيه شنو تخبلت
احجي ويا روحه خلي اروح
اخابر ماما اطمنها عليه
خابرت ماما جانت تبجي عليه
وطمنتها عليه كتلها
خوش ناس مبينين ولو اني
بعدني ماتعرفت عليهم كولش.
وحجيت ويا الكل وكولهم
ارتاحو من عرفو ماسوولي شي
بس ماما كالت بدلي ونزلي
اتعرفي عليهم ميصير تبقين
بغرفتج خلصت المكالمه ظليت
ارتب بغراضي وندكت
الباب كلت تفضل
حسين:اسف اذا ازعجتج بس
امي تصيحج تريد تتعرف عليج
ليليان:اوكي هسه نازله
راح حسين وظليت افكر كلت
يعني زين مبينين
صدك خوش ناس
نزلت جوه ذكيت مره جبيره
بس حلوه وانيقه بالرغم
لابسه اسود بس مبينه انيقه
ويمها بنيه تقريبا تطلع
بكدي حلوه
ليليان:سلام عليكم
اسماء{ام حسين واحمد}:عليكم السلام
حبيبتي تعاي كعدي يمنه
لمار:عليكم السلام😊
رحت كعدت يمهم
اسماء:اي حبيبتي
عرفينا عن نفسج
ليليان:اسمي ليليان عمري
حيصير١٨
وخلصت صف سادس 🙂
اسماء:عاشت الاسامي حبيبتي
واني اسمي اسماء وهاي بنتي
لمار وهيه بكدج
ليليان:اتشرفت بيكم
اسماء :النا الشرف حبيبتي
بس الي اريده منج تعتبرين
هذا بيتج وتنسين انو انتي
فصليه والي صار قضاء
وقدر منكدر نغيره 😭وانتي
مالج ذنب بس هاي بعد
العادات😔 واتمنى تحبينه
وترتاحين ويانا واحنا الله
شاهد راح نعتبرج
حالج حال لمار
ليليان:انشالله
اسماء :يلا اني حروح عندي
شغل وظلو سولفو انتي ولمار
تعرفو على بعض
ظلينه كاعدين اني ولمار
تعرفت عليه كولش حبابه
ومرحه وصرنه اني وياها
كولش صديقات ومرت يومين
وكمت ارتاح للبيت وحسين
مو دائما اشوفه يعني مرات
وبس سلام بينه
ورا يومين خابرت اهلي
ماما كالتلي كيان طلع
من السجن وهسه هوه
بلبيت كتله اطيني احجي
ويا راحت ودتله المبايل
ماقبل يحجي وياي كالتلي
حاس بالذنب ومن سمع
انتي رحتي فصليه الهم
علمود يطلع تخبل وكام
يصيح اني كولش انقهرت
من ماحجه وياي كولش
مشتاقتله😞
سديت المكالمه ورحت يم
لمار جانت كاعده بالحديقه
لمار:اكولج شنو رئيج نطلع 🙂😍
ليليان:ايي والله صدك
خلي نروح للمولات
لمار:يلا لعد خابري
حسين شوفي بلكي يقبل اطلعين
ليليان:شنو ليش اخابره
لمار :ولج بابا شبيج غير هوه زوجج
ليليان:هففف امري لله
لمار:يلا اني حطب اكعد جوه
خابري وتعالي طبي
ليليان:اوكي
راحت لمار واني كعدت
حايره اخابره لو لا بعدين
كلت احسن مااتصير
مشاكل خلي اخابره
احسن خابرته
ليليان:الوو
حسين:الو ها ليليان محتاجه شي
ليليان:ايي مو هسه اني ولمار
نريد نطلع وكلت اخابرك
اكولك اطلع لو لا
حسين:طلعي براحتج
بس تعاي من وكت عندي
موضوع اريد احجي وياج بي
ليليان:اوكي بس شنو الموضوع
حسين:من ترجعين اكولج
ليليان:اوكي براحتك
حسين :انتظري باعي
دخلي لغرفتي اكو جرارات
لونهم ابيض كبار فتحي
اول واحد تذكين بي فلوس
اخذي من عنده
ليليان:لا شكرا ميحتاج عندي
حسين:اني شداحجي
روحي اخذي فلوس
ولتعاندين
ليليان:واني كتلك ماريد
مامحتاجه
حسين :والله اذا رجعت
وذكيت ماماخده فلوس
يصير غير حساب
ليليان:لاوالله وشنو عود
خايفه منك شتريد تسوي سوي😒
حسين:استغفر الله
ليليان؛باي وغلقت المكالمهً
بسرعه والله يالله يريد اخاف منه
طبيت جوه ذكيت لمار
كاعده دتباوع تيفي
ليليان:يلا قبل
لمار:يي همزين يلا حروح ابدل
ليليان:يلا اني هم
رحت غسلت بدلت لبست
جينز اسود وقميص لون
ماروني وحذاء كعب ماروني
وشويه حطيت ميك اب
وسويت شعري
على شكل ذيل حصان😂
ونزلت جوه ذكيت لمار منتظرتني
وطبعا لمار لابسه حجاب
واني لاملابسه ابد ماحبه
احسه يخنكني🙂
صعدنه بالسياره ودانه السايق
للمولات
ظلينا نفتر ٤ ساعات هواي
اشياء اخذت بعدين اخر شي
تعبنا رحنه لمطعم تعشينا
ورجعنا للبيت رحت غسلت
وبدلت ملابس بيت وشفت
سياره حسين بالكراج كلت
يعني جاي خلي اروحله لئن
يريد يحجي وياي بموضوع
رحتله دكيت الباب✊🏻✊🏻
حسين:تفضل
دخلت جان كاعد يلعب
بالفون من شافني
كام طفه الفون
