#قدر_وطن
ج14
الكاتبه*tabarak hasan
وطن:يمه اني شمعرفني اشو كاعده اكل اني ونرجس وهيه هجمت عليه. دافعت عن نفسي ونرجس تفك بينه واجتني ضربه
امي ;شلوون يعني مكفاهه السوته بلبيت جملتهه بلمدرسه اني اروح الاهلهه واحذرهم
وطن:يتيمه ماعدهه احد كاعده يم اهل ابوهه
امي:ايي اروحلهم خلي يردوهه لوضاربتج ع كلبج ع راسج شلون نسكت حته تتماده
وطن:عوفيهه يسر يحاسبهه ميسكت
امي:وخاله املج بي اويلي لضالين بلبصره هواي احسن يوميه مصيبه من براج
وطن:ايي اني ادور مشاكل ومصايب ماريدكم ترتاحون بعد والولد وداني للمستشفى وخايف عليه ويركض بره الدكاتره وماقصر لجل عيني سكتي هوه يصرف وياهه
امي:راح اسكت اريد اشوفهه وين توصلهه بس والله يا وطن اذا سوتلج شغله ثانيه ماسكت لو يطلع مو يسر وصيحين عيب منه
وطن:ايي لسكتين كمت من مكاني غسلت كتلهه اريد الموبايل
امي:ماكو موبايل
وطن:رحمه الاامج انطينيا روحي جزعت
امي:روحي صعدي ارتاحي بعدين انطيجيا
وطن:خوش راح اصعد ابدل وانزل اريد
امي:فوك ماهيه الغلطانه تتأمر
وطن:يابعد روحي كافي بس راسهه وصعدت نزعت ملابسي وشمرت القميص اشكك وكله دمايه نضفت المكان دم بأيدي وبدلت ونزلت اخذت منهه الجهاز فتحته كومه رسائل خليته ع صفحه كتلهه يمه جوعانه سوتلي لفه وانطتني اكلت اخذت الموبايل وراسلت بتول حجيتلهه صار ودزيتلهه صور خطيه خافت عليه لشويه دكت عليه نرجس فصلتهه رجعت دكت هم فصلتهه لئن احجي ويا بتول دزت رساله ولج ردي عليه بسرعه اترخصت من بتول ودكيت عليهه ها حبي صاير
نرجس:لج يسر هد ع بيت جدو يريد يكتل امينه
وطن:ايي خلي يكتلهه تستاهل
نرجس:ولج عمامي هناك وهوه وحده
وطن:هسه اخابره سدي انتي سدته دكيت عليه ميرد ضليت ادك حدما رد عليه
يسر:شرايده خبصتيني
وطن:انته وين
يسر:ليش سئلين
وطن:يسر عوف المشاكل وارجع للبيت عوفهه تولي
يسر:منو كلج اني رايحلهم
وطن:مومهم منو كلي ارجع عوف البنيه
يسر:رايح اربيهه
وطن:بداعتي عوفهه لسويلهه شي ارجع
يسر:وصلت شيرجعني بعد
وطن:زين احجي بتفاهم بس انته مالك شغل لتضرب بس سولفلهم صار
يسر:يصير خير يله راح افوت سدي
وطن:سديته منه دزيت رساله النرجس خابرته حبي مراح يسوي شي بس يحاجيهم مردت صعدت نمت حسيت بوجع بأيدي. كعدت بليل لكيت الموبايل مخبوص بلتصالات من نرجس دكيت عليهه ردت ولج شكو صاير
نرجس:لج يسر متعارك ويا ابن عمي واجه اديه كلهه دمايه
وطن:عزه بعزايه ان شاء الله ولج اني موحاجيته وكتله لسوي شي
نرجس:ايي رايح يحاجيهم وابن عمي كايم يريد يضربه
وطن:يسر يمج انطينيا
نرجس:بغرفته
وطن:يله رايحه احجي ويا دكيت عليه ميرد هذا شبي رجعت دكيت هم ماكو عفته براحته دزيتله رساله عفيه عليك اني شكتلك مولتتعارك بس انته متسمعلي ولترد ع مكالمات ضاهر صايره اضوج وميعجبك تحاجيني طفيته رجع دك مرديت عليه عفت جهازي صامت ع سرير ونزلت. امي بلمطبخ صحت جوعانه
امي:جبت لفات فتحي الوڤن تلكيهن
وطن:طلعتهن ورحت صبيت عصر وكعدت اكل
امي:عماتج خابرن يسئلن عليج
وطن:ايي
امي:باجر يجني
وطن:هلا بيهن.
امي:باجر اوديج البيت جدج
وطن:وليش
امي:اريد اسوك
وطن:ماروح خلي غدير تجي يمي
امي:اشوف بلكت كلهم يجونه
وطن:ايي ابويه دره
امي:لا من يجي اكله
وطن:شوكت يجي اريد اطلع ضجت من كعده البيت
امي:الجمعه يمنه
وطن:يمه خليني ارجع للبصره يم ابويه
امي:طلع جدج داز عليه حته ابقه يمه
وطن:ههههه اشو ابويه بلبصره والله لونرجع احسن
امي:راح افاتحه بلموضوع بلكت نرجع
وطن:ياريت
امي:يله اني اصعد انام تعبانه
وطن:تصبحين ع خير
امي:اجمعين لضلين كاعده نامي
وطن:ماشي راحت الغرفتهه ضليت وحدي وين اروح شعلت فلم وضليت اباوع حدما خلص صارت 12 صعدت الغرفتي موبايل يدك رفعته ها يسر
يسر:وجعا بكلب يسر وين جنتي
وطن:نزلت اتعشه وباوعت فلم شكو
يسر:شوف البرود واني كلبي محترك اشتعلو اهلي واني ادك وانته متردين
وطن:دكيت عليك مرتين مرديت عفتك ونزلت
يسر:وهاي سوين هيج لئن مرديت
وطن:ايي هسه عوفني ليش متعارك
يسر:احسن اريدهه تبطل وبعدين انته صدك العايله بيهه
وطن:لا ذيج نرجس واسئلهه
يسر:اشو تكول رحت اشوفهه بيتهم واخذ الواجب طردتني
وطن:اول شي مو وياي وثاني شي تجي تكول الاامي خلي بنتج تبتعد عن خطيبي
يسر:اها وهذا ياخطيب نوب
وطن:غير انته يلحبيب طلعت تحبك وانته اصيح اختي
يسر:عليج الله يعني هاي ضرباتج بسببي تتعاركن عليه
وطن:شنو فرحت ومنو المتعارك عليك هيه تتبله عليه كدام امي تكلي طلاعاتج ويا
يسر:هاي شبيج عصبتي عوفيهه خلي توالي
وطن:ماعدي شي يمهه بس خلي تبطل مصايبهه وياي
يسر:تبطل حصلتلهه كتله معدله
وطن:منو ضربهه
يسر:جدي
وطن:وانته ليش تعاركت ويا ابن عمهه
يسر;ميتفاهم حصله ضربه مينساهه طول عمره
وطن:وانته تأذيت
يسر:لامابيه شي بس جف ايدي شويه
وطن:دزلي خلي اشوف
يسر:تدللين
وطن:دزلياهن ايي زين بس عقم ايدك موزين عليك
يسر:ايي هسه اعقمهه اكلج حضري روحج
وطن:ع شنو. 💭
