#قدر_وطن
ج 18
الكاتبة*tabarak hasan
وطن:دك جرص ورحت صفي غيرت مكان كعدتي نرجس ماحجت درس كله بالي مويم الاستاذه ودخت من صوت خليت راسي ع رحله وغمضت سمعت صوت يصيح بأسسمي مارفعت راسي اجتي يمي
*شبيج ماما
وطن:راسي كلش يوجعني ودايخه
*تنزلين تغسلين
وطن:لاست هسه اصير زينه
*من تحسين نفسج كلش تعبتي اخذي وحده من زميلاتج ونزلي
وطن:ماشي ست رجعت راسي ع رحله وراسي ماراح الوجع بي ضليت الوب منه حد اخر درس برجعه انتهيت ماكدرت بعد امشي اجتي نرجس
نرجس:امشي وياي ماكدر اعوفج بهاي الحاله
وطن:روحي عني ماريدج
نرجس:وطن ونبي جنت مجبوره اسكت
وطن:سدي الموضوع فدوه وصليني انتهيت
نرجس:انتجي عليه
وطن:كوه امشي من وجع راسي متت منه وكفت تكسي كتلهه ماكدر بعد صعدت والفلوس تقاسمناهه بلنص وصلني للبيت وهيه راحت دكيت الباب وفتت
امي:شبي وجهج وطن صاير شي
وطن:يمه لحكيلي راسي موتني
امي:سوده عليه فوتي
وطن:اخذتني غسلتلي وجهي ونمت ع تخم وجابتلي حب وجع راس ضليت نايمه مكاني كمت اصيح لحكيني راسي راح يموتني
امي:هسه صيرين زينه صبري
وطن:يمه من درس الاول اتونون منه راح اموت لحكيني
امي:كومي صعدي بدلي راح اخابر عمج
وطن:كمت بدلت ونزلت انتضر عمي حدما اجه اخذني للمستشفى شكلولي مغذي وابر بلمغذي وضليت ساعه ورجعنه خف الوجع كتبولي اجازه مرضيه اني طلبت منهم وضليت يومين كاعده بلبيت اريد ارتاح الدروس تجيني وقريت امتحان كضيتهه مدرسه وبيت ابد مطلعت المكان ومضايقات امينه مخلصت يوميه طلع احاجيه جديده وتحجي للبنات عليه وعرفت هيه جانت مرته بس الصدمه الحقيقيه انو طلقهه ورجعهه ومن جنت اروح البيتهم هيه موخطار لا ساكنه ويا واخذهه ضغوطات اهله ولئن يتيمه انتهيت بوقتهه كل هذ جذب جاذبه عليه ويباوع بعيوني حالتي بدت سوء مالي خلك الاحد اكلي قليل نومي قليل شكلي تغير وضعفت عزلت نفسي عنهن والي تحجي مااهتم حته بديت ارسب بدروسي مره جنت كاعده برحلتي سمعت صوت صياح مادرت بال كلت بنات يلعبن خليت راسي ع جنطه مااهيس اله شعري نجر كمت من مكاني اشوف امينه كمت اصيح عليهه لج انتي مامليتي موعفته الج كافي عاد زودتيهه دفعتهه ورحت اريد انزل من درج اجتني دفعه قويه وكعت ع درج ع حوضي وكمت ادربه اجني البنات انجمعن عليه وكومني مااكدر امشي ع رجلي اليسره صابهه خدر كتلهن كعدني رجعت كعدت بلكاع اجتي نرجس
نرجس:شبيج وطن شلون وكعتي
وطن:من درج مااعرف منو دفعني
نرجس:كومي اغسلج حبيبتي
وطن:مااكدر رجلي مااحركهه
نرجس:عزه بعزاني خاف نكسرت
وطن:ماادري كمت مااكدر اثبتهه وامشي عليهه انسندت بنرجس وكمشت المحجر وصعدتني للصف لج تأذيني شسويلهه
نرجس:مين تأذيج
وطن:من خصري ونزلي مشنجه
نرجس:مديهه خلي ادلكهه الج
وطن:مديت رجلي وكلما تخلي اديهه اعيط ولج خاف حضوي مكسور
نرجس:لتفاولين ع نفسج
وطن:وخري خلي احركهه خاف مشنجه كمت من رحله وكعدت اجتي نرجس كومتني كالت هاي مشنجه كامت جرتهه الي زاد الوجع وحسيت شي طك كمت اصيح يمه لحكيني جاي اتأذه ولج نرجس رجليه موتتني
نرجس:شسوي هسه ولج
وطن:روحي خابري امي
نرجس:ضلي كاعده بمكانج لتتحركين
وطن:راحت تركض واني كاعده اتلوه من الوجع والله لواعرف من دفعتني جان شربت من دمهه شفت نرجس اجتي ها حاجيتيهه
نرجس:ميخلني افوت اجتماع شسوي
وطن:جان كتيلهه وكعت
نرجس:كتلهه مفاد انتضري من يخلص
وطن:ضليت كاعده نفس المكان درسين خلص الاجتماع كتلهه نرجس روحي
نرجس:نزلت للئداره حاجيت المديره كتلهه زميلتي وكعت من الدرج وطكت رجليهه وهسه متكدر تتحرك
المديره:روحي للمعاونه واتصلي ع اهلهه
نرجس:رحت الهه وشرحتلهه الصار دورت بلملف وطلعت رقم دكت ع امهه واني حاجيتهه
ام وطن:منو
نرجس:اني خاله وطن وكعت ونكسرت رجلهه تعاي للمدرسه
ام وطن:يمه بنيتي وشلون صارت
نرجس:خاله تعاي لحكيلهه جاي تتلوه من الوجع
ام وطن:جايه خاله جايه مسافه طريق
نرجس:طلعت من الاداره ورحت الوطن
وطن:ها بشري
نرجس:خابرت امج راح تجي
وطن:لشويه واشوف ابويه وامي جاين
ابويه:ها بابا شجاج
وطن:ماعرف منو دفعتني وكعت مااكدر اشيل رجلي
ابويه:كومي خلي اخذج للمستشفى
وطن:مااكدر امشي شالني وطلعني من المدرسه نقلني للمستشفى كالو عدهه كسر بلحوض ولزم عمليه جيبوهه باجر رجعوني للبيت عرفت ابويه متعارك ويا المدرسات لئن مامفوتين نرجس واني مكسوره ضليت ماكدر اتحرك من مكاني وابجي الليل مانمته ابد واهلي يمي ثاني يوم اخذوني للمستشفى كالو دكتور ماكو مسافر رجعت للبيت ثاني يوم اخذني ابويه للبصره وبكل طسه وتتحرك رجلي اصيح شفت المر لمن وصلت ضلينه كاعدين بيت جدو اهل امي فرشولي جوه مااكدر اصعد درج وبيبي وامي مقصرت ويايه وابويه طلب اجازه وميت حركه عليه واني متت بجي بسبب الوجع انطوني مسكنات ونمت صبح اخذني ابويه ورحنه للمستشقى اهليه سولي رنين واخذولي اشعه وبره ساعتين دخلوني عمليات نمت ع سديه وبنج عام مادريت بروحي صحيت باوعت ع رجليه بيهه حديد ع طولهه حته متنعوج ولافيهه بس مابيهه وجع
