#قدر_وطن
ج8
الكاتبه*tabarak hasah
امي:يمه بنيتي ليش تنامين ع سبلت
وطن:يمه موكتهه جسمي يوجعني وراسي راح ينفجر
امي:هسه اسويلج كمادات وانطيج دوه بلكت تفك
وطن:نزلت ولشويه اجتي محمله شربتني حبوب وشراب وسوتلي كمادات وغطتني نمت كعدتني كومي اكلي شربي شوربه كمشت راسي كلش حار
امي:مافكتج بعدهه كومي خلي اخذج البيت جدج بلكت جدج ياخذج للمستشفى
وطن:مابيه حيل اكوم عوفيني
امي:هاي شوربه سويتلج
وطن:اخذتهه خليت لكمه بحلكي كمت اتقيئ يمه لحكيني راح اموت. كمت غسلت وكعدتني وراح دكت ع بيبي اسمعهه تكلهه عمه وطن مريضه لحكيلي وسدته لشويه ندكت الباب خلت ع راسهه وفتحته دخلت بيبي يصيح يمه بنيتي سوده علي وتمسح ع راسي انسندت ع امي وطلعنه
امي: هذا منو عمه
بيبي:ها يسر جيرانه خطيه نخيته واجه
وطن:)ضليت اباوع بوجهه تعبي كله راح (
امي:الله يحفظلك شبابك وليدي
يسر:تسلمين خاله احنه جيران وحق جار ع جار
وطن:ردت اصعد سياره عاليه وامي متكدر صعدني اجه يسر رفعني وصار راسي ع جهه كلبه واسمعه يدك سريع وعطره يخبل كعدني بسياره عيوني ماشلتهه عنه والطريق كله مباوعلي ماعرف ليش اتوقع لئن امي وبيبي ويانه اني اشوف عيونه تلمع ملامحه رجوليه وقاسيه اول مره ادقق بملامحه وصلنه للمستشفى خطيه هوه نزلني بس ابد ميباوع عليه ولاكنا وكفني بلشارع ويكول حاجيني اكيد ضاج مني دخلنه للمستشفى ملالي ورقه وقاسو ضغطي ورحنه ردهه نساء تمددت ع سديه خلولي كانونه ومغذي وخلولي ابر بيهه شويه صرت زينه يسر واكف برى مادخل ابد كملت ابري وضليت شويه وطلعت لكيته يشرب جكاير من شافنه طفاهه اجه
يسر:ها خاله شلون صارت
امي:لايمه احسن شويه وتفكهه صخونه
يسر:عدهه العافيه
وطن:الله يعافيك طلعنه ورجعنه للبيت بيبي نزلت وامي هم راحت تفتح الباب باوعلي بلمرايه ونزل عيونه كتله شبيك
يسر:نزلي قبل ماينتبهون عليج
وطن:كمشت ايده هوه يباوع لعيوني سحبتهن ونزلت شغل وراح فتت للبيت
امي:يمه نامي يمي بلغرفه
وطن:لايمه اصعد الغرفتي احسن ماعليه شي
امي:يله لعد صعدي واذا تعبتي وحسيتي حراره بجسمج صيحيلي
وطن:ماشي صعدت للغرفه تمددت وغطيت نفسي جريت موبايلي فتحته اجتني رسايل من يسر وبتول ونرجس دخلت ع بتول رديت عليهه ورساله من نرجس اذا فتحتي جهازي دكيلي بالي يمج دكيت عليهه رئستن رفعته
نرجس:ها حبيبي شبيج
وطن:صخونه قويه لئن نايمه ع سبلت
نرجس:وهسه شلون صرتي بالي ضل يمج
وطن:زينه فكتني صخونه
نرجس:عندج العافيه
وطن:الله يعافيج شمدريج مريضه
نرجس:سمعت بيبيتج تحاجي يسر
وطن:ايي خطيه وكفته ماانساهه اله
نرجس:احنه بلخدمه
وطن:يسر وين رجع للبيت
نرجس:كاعد بلباب يشرب جكاير جاي اباوعله مادري جم باكيت خلص
وطن:اها يله حبي اروح ارتاح
نرجس:ديربالج ع روحج الله وياج
وطن:سديته فتحت رسائل يسر هواي شفته متصل سديته وخليته ع صفحه اتصل بي لا. حتلو رقمه ماعندي شكله دزلي رقمك خلي اتصل بيك مترهم ضليت حايره كلت خلي انام احسن درت وجهي سمعت رنه جهاز رقم غريب فتحته وخليته ع اذني كلت اذا صوت غريب اسده محجه اسمع بس يجر حصرات كلت اذا متحجي راح اسده سمعت صوته كلي لتحجين بس خلي مفتوح الخط قابل اني هم سكتت فتحت المجره طلعت سماعاتي وخليتهن وتمددت اسمع ينفخ عرفته يشرب جكاير حسيت حركه وصوت انفاسه اسمعهن اني جامده بفراشي ماتحركت ابد كلبي بسرعه يدك ضل خط مفتوح ربع ساعه محد يحجي لشويه وكال وطن نمتي اني ساكته ربط لساني اسمي حلو بلسانه وطن وطن وطن نمتي ماارديت
يسر:وطن اريد افضفض البكلبي حتلو نايمه والله لوعليه انساج بس شسوي الكلبي عشكج من اول يوم شفتج بي بلمحل خايفه من ذاك الولد وانتي دخلتي بكلبي وتمنيت انجمع بيج مره ثانيه وشاء القدر وردت اضربج بسياره واسرتي كلبي اكثر كلبي جاي يحترك بحبج اذا مااشوفج يوميه اموت تعرفين شنو اموت لعبالج من مااطلع بطريقج مااجيج لا اني يوميه اوصلجن وارجعج نحفر بكلبي اسمج وطن نيتي وياج زواج وماعندي غيرهه احبج اني عاشكج تركت شركتي علمودج تركت معارضي علمود اشوفج ماهمني شي اول مره بحياتي احب ابنيه من صدك حبج جاي يعذبني
وطن:حجه هذا الحجي واني دموعي تنزل وماحجيت مادريت بروحي ونمت فزيت صبح موبايل مطفي كمت خليته ع شحن وغسلت ونزلت فرحه بداخلي لكيت امي نايمه كمت سويت ريوك وخليتهه ع طاوله ورتبتهه ورحت كعدت امي كتلهه سويتلج ريوك كومي اكلي وياي
امي:صباح الخير بنيتي شلون صرتي حبيبتي
وطن:صباح النور زينه راح المرض ان شاء الله يله كومي غسلي حته نتريك سوه
امي:سبقيني هسه جايه براج
وطن:رحت كعدت وامي اجتي صبيتلهه جاي وخليته كدامهه وتريكنه وكمت كتلهه كعدي اني اغسلهن هيه مكيفه بيه غسلتهن وعزلت البيت وغسلت الحوش وطبيت صعدت غيرت ملابسي ونزلت يمهه الجدول عندي حضرت المتجينه بي المدرسه اليوم والباقي من تجي نرجس ادرسه للعصر اندكت الباب امي طلعت اسمع تبوس رتبت شعري وطلعت شفت نرجس وامهه سلمت عليهن وفاتن للصاله كعدن رحت اجيب عصير اجتي ويايه نرجس
