Since You've Been Gone

SYBG 19

🤍🤍🤍🤍🤍🤍

Since You've Been Gone

"School"

🤍🤍🤍🤍🤍🤍

DUMATING ang lunes. Maagang nagising ang parehong pamilya sa magkabilang panig. Isang Taguig at isang Makati.

"Are you ready now Ethan?" Tanong ni Brielle sa anak.

"Yes, mommy." Simpleng sagot nito. Napakagwapong bata. Nakasuot na ito ng puting polo at khaki shorts. Suot na ni Ethan ang kanyang ID lanyard, at nasa likod na nito ang backpack. Ready-ng ready na ito para sa eskwela.

"Wow! Who's that good looking little guy right there, Ate Bri?" Tanong ni Carmella na may malapad na ngiti. Napalingon pa si Ethan sa likuran, hinahanap ang tinutukoy ni Carmella

"Ate Ella, who are you referring to?" Nagtatakang tanong ng bata. Pigil ang tawa ni Brielle dahil sa kalokohan ni Carmella.

"Oh my God! Is that you, my little handsome?" Umarte pa itong nasurpresang malaman na si Ethan iyon. Bumuga ng hininga si Ethan , halatang inis, at hinarap ang secretarya ng mommy niya.

"Yes, Ate Ella, it is me. Your little handsome." Para pa itong disappointed na hindi nakilala ni Carmella.

"I'm sorry, my little handsome. Please forgive Ate Ella's carelessness. It's just that... you are way too handsome today than you usually are." Exaggerated nitong sabi. "I thought you had a doppelganger." Dugtong pa ng dalaga.

"Oh, Ate Ella. There's no other handsome here, but me and Lolo Gramps." Pailing-iling pa nitong sabi. Napapatango na lang si Carmella sa pahayag ni Ethan.

"Okay, you two. Enough with your silliness." Awat ni Brielle sa dalawang ke aga-aga ay nag-uutuan na. Humagikhik pang pareho ang dalawa at nag-high five pa.

"Pa! Ma! Mauna na po kami sa inyo at baka ma-late pa si Ethan!" Sigaw ni Brielle sa baba.

"Alright!" Balik-sigaw na sagot ni David sa kanya. Tumalikod na sila at magkasunod na lumabas.

Tahimik na ang dalawa na sumakay ng kotse pero kanina sa loob ng elevator ay patuloy ang kulitan ng dalawa. Naaaliw lang na nakikinig si Brielle sa mga ito. Nasa likod nakaupo si Ethan katabi si Brielle habang nasa harap naman si Carmella at si Mang Asyong ang nagda-drive.

Matapos ng humigit kumulang na kalahating oras ay narating na nila ang eskwelahan ni Ethan. Sinamahan ni Brielle ang anak hanggang sa loob ng ng gate. Pinagbilinan ito na wag sasama sa iba kundi sa kanilang apat lang at kay Mang Asyong kahit pa sinasabing utos niya o ng mga apuhan nito. Tumango naman si Ethan at hinalikan sa siya pisngi ang anak.

Tinanaw pa muna niya ang anak na pumasok sa loob mismo ng main door na building hanggang sa hindi na niya ito nakita pa dahil sa ibang mga estudyanteng nagsipasukan na bago pa bumalik sa kotse. Balik ang katahimikan nilang tatlo hanggang sa biglang nag-ring ang phone ni Brielle.

"Hello?" Sagot niya.

"Hi, Bri? This Ilene." Pakilala ng kausap.

"Hi, Ilene. What's up?" Tanong niya dito.

"Wow. Maka-what's up ka ha, wagas." Sabi nitong tumatawa sa kabilang linya. Natawa na rin siya.

"Sorry. Na-excite lang ako nang marinig ko ang boses mo.." Sagot niyang tumatawa rin. Narinig niya na may mga iba pang boses sa kabilang linya na kasama nito.