يا اكثر من كلش حلوة لو ردتي
تكطعين الورد الغصن البيهة يكلج فدوة .
كانت بسيطة (كما انا )..مملوحة (ك مائنا)
ك علو غيمآ (بل سما )..فوق الجروح( بلسما)
سبحانه( ما أوجدى) ..من نسل (أم او جدا )
شجابج ويانة ونزلتي ؟؟
ادم التفاحة ماكل ..انتي حورية شكلتي؟؟
.
وفي عينيك صحوآ( انتشائي) ..وقط ماشئت ألا( ان تشائي )
ترابآ ..صرت ..طينآ..(انتي مائي )...اذن اعلن اليكي (انتمائي )
شيلحك كبريائج (وانتي صرتي) حرب جنج دخلتي (وانتصرتي)
.
بلاية ليش رحتي (ماشي رحتي )
ولكن ليش رحتي( ماشرحتي )
وعلى خطوة رجوعج مابصمتي وعبرتي ماقريتي( ما ب صمتي )
رقم ساعة انه اخرس (وانتي ميلي) احجيلي ارد انتميلج( وانتميلي)
.
بعد مابهت لوني (وانت بهتي) حسبتي حسابي هسة (وانتبهتي)
بعشرتج ياعتبتي (ياشكرتي) الى ان ذاب طعمج( يا شكرتي )
يمكياج الصواني (ياسمرتي )
يسألوني وأكلهم (ياسة مرتي) .
كانت أنثى ان #تكحلت_حلت وان #تبسمت_سمت
لكي اصل اليها احتاج حض ذالك الذي رسم منه خطآ مستقيما اوصله بالقمر دون ان يتعثر بنجمة في طريقه .
كدامك بلا عقل اربط نجوم برسم بس الحجي مابي ربط
معسول لون وطعم وشعرك اشك ينوكل (عضتة سنون المشط)
بحجايتك في اذن ..حجيك مبلل يصب (ماينسمع ينغرف)
.
وجهك ندافة ثلج ...مو (رصعة من تبتسم تطلع بخدك زرف)
مابين رمش ورمش ليل الله لابد كحل
حسبالة ماينعرف
مابين جتف وجتف بالطول (واكف نهر مو ماي بس بي جرف )
من امشي صوبك احس احرك وياي الدرب (جن جمرة تمشي بكطف)
