الليله شمس الله نست مشراكها
بصدري بوكه وتيهت بواااكهاااا
بيه سبع ارواح بس كل سااع اموت
واخ ياروحي اشتهت خناكهاااا
النازكه ام خد الترف عافتني ليش
راحت وبقت عيني تشتاااكهااا
راحت وضل بيه منها المايروح
لمسه اجفوف واثر مشباكهااا
وذكريات البدفتر والاورااق
الضامها الهسه وبعد ماشاكها
حقها ماتدريني من اشتاك ازور
وابجي يم اقرب امام وهي كاتلها الغرور
وكلشي بيها يكول عفته
واني ماخليت واحد مانذرته
بالمراقد بلكنائس بالمسيح
والله خايف لاهلي يلكوني ميت بالضريح
وهي هاي الحسره محد ضاكها
سوالف العشاك يم عشاكهااااا
من اسولف بيها اضم وجهي وراي
شمالني مبين عليه افراكهااا
كون اشوفها صدك شيصير بيه
وكون ساعتها تجي تباوع عليه
عافت ابركبتها واحد جان شااب
وخلت ابصدري فراغ وفوضويه
ادري حبل المشنقه وشمس الله توم
شبيه كل ساع اختنك بالمغربيه
شبيه مدري شبيه من راحت بقيت
ساكت وادري السبب مومن اديه
وجهي مثل التين كاتلني السماار
والمشكله بنضراتها الموجوهريه
وهيه هيج ابن الحلال ايحب حلال
لوقسمته تصير لوو يلكه المنيه
جنه نتزاعل ونركض للصلح بقرب شويه
جنه من نمشي سوه تخبل عليه
