بكتب اسمك بدمي
ياللي طول عمرك شايلة همي
أمي يا اللي كل حته فيه منك
فاكرة
لما كنتي بتاخدي ايدي
وتعديني الطريق
فاكرة
لما كنتي بتحميني
وانا ماسكة فيكِ زي الغريق
آه لما بشوف وشك بيضحك
والا لما اشوف عينك بتلمع
اسألك مالك
كنتي بتضحكي عليه وتقوليلي
اتطرفت عينيا
وأنا صدقت كلامك
أصلي كنت لسة طفلة
مفهمش الحياة
اللي كل حاجة فيها بتبدأ
بكلمة معاناة
ولما كبرت وفهمت معنى الحياه
افتكرت كل كلمة كنتي بتقوليها
ومعاملتي لاولادي ماشية في نفس الطريق
ما انت مدرستي الصغيرة اللي طلعت منها للحياة واتعلمت فيها على ايدك علم النجاة
انت اكبر حاجة عندي
انت ست الكل يا أمي
هافضل مهما عشت وزدت عُمر
ادعي ربي يبارك فيكِ وفي كل أم
الله يشفيكِ يا أمي
بقلمي
Rehab Nabil
أنت تقرأ
خواطر
Poesiaأحب كتابة الخواطر والكلام الموزون على بعض الصور او بعض الأشخاص أعشق التنوع والترحال والسفر
