هو أنا ما قولتلكش
أنا بحبك قد ايه ؟؟
لا ما قولتيش !!!
بجد والا بتهزر !!!
بتكلم بجد عمرك ما قولتي بحبك بالكلام
عمرك ما كنتي اي واحدة ليه والسلام
كنتي ديما جمبي ومعايا
كنتي ديما في قلبي وفي أحلى أحلامي ومنايا
كنتي وردة حلوة في وسط بستان
كل دة أنا ؟؟؟😍
ايوة انتِ عارفة انتِ بالنسبة لي ايه ؟؟
ايه؟؟؟
حاجة حلوة من بتوع زمان
قصة حلوة وانت كنتي ليها العنوان
واضحة وضوح الشمس على أرض البستان
حاجة مش محتاجة اتكلم فيها لانك بتزيني اي مكان
بس استني كنتي بتقولي بحبك
لما كنتي بتصحيني وتبتسميلي
لما أكون تعبان ومريض وانت بتهوني عليه وتأكليني وتسقيني
لما بشوف في عيونك الحزن لحزني
والفرح لفرحي
اما وقفتي معايا في أصعب أيام حياتي
وما قلتيش بأصلك وعمرك ما عايرتيني
ولا قولتي مش معاك ولا هاتلي دهب واديني
بجد عُمرك ما فرق معاكِ ابدا الفلوس ولا الدهب كل اللي بحسه انه بيفرق معاكِ النفوس
وع الاصل دور وعلى الناس دوس
هي دي كلمة بحبك اللي اتعلمتها منك والمفروض تتكتب في مجلدات وتتعمل دروس
صباحك بلون الورد الأبيض
#مشهد_Rehab
أنت تقرأ
خواطر
Puisiأحب كتابة الخواطر والكلام الموزون على بعض الصور او بعض الأشخاص أعشق التنوع والترحال والسفر
