فصليه

البارت الرابع

#ظلموني_بحجه_فصل

بقلمي #ايات #مظفر

بارت 4

#علي جريتهة من ايدهة كومي لج سويلي أكل ولمي

شعرج ليصير بالأكل حسيت بيهة اتاذت عصرتهة من مكان

الضرب بس ماحجت شي

#ضحى صار تؤمر لزمني من أيدي المتعورة اتئذيت

بس ماحجيت
#علي اتفاجأت بيهة ماردت رغم أذيتهة من ايدهة المتعورة

ماحجت نزلت رحت وراهة

#ضحى نزلت حطيت القوري على نار وسويت ريوك

نزل هوة كاعد على الميز اني اضوج من أحد يباوع علية

وإني اشتغل كملت حطيت الأكل كدامة ورحت

للصالة علكت التلفزيون درتة على القرآن اجتي أم أحمد

علي كمل ريوك وصعد نام كعد الشيخ والحجية سوينة

ريوك تريكت ويآهم
#الشيخ بوية اليوم يجن البنات احنة متعودين كل جمعة

نلتم سوون غدة زين

#ضحى حاضر عمي انشاءالله
يااا حتى ماادري عدهم بنات ومزوجات هسة يجن

واتعرف عليهن بس خاف يكرهني اووف جاسم دمرت

حياتي من ورة سوالفك اجتي أم أحمد بدينة نحظر بالغدة

لفيت الدولمة وأم أحمد تطبخ وسولفلي على بناتهم

#ام أحمد يمة عدهم 4 بنات فاطمة وزينب الكبار هواي

أكبر من علي وهبة وثريا الصغار فاطمة وزينب شوية

صعبات اطباعهم بس ثريا وهبة لا وردات متفهمات

ومثقفات لأن درسن بس الكبار هم حبابات

#ضحى ربي يحفظهم خالة التهيت بالغدة وعلي فوك اجن

البنات دخلن من باب الصالة صاح علية الشيخ

#الشيخ بوية ضحى تعاي سلمي على حمواتج هنة

هم خواتج سلمت عليهن وحدة ماردت الجبيرة فاطمة

ضجت اني شنووو ذنبي هيج يعاملوني رحت للمطبخ

جهالهن بالحديقة يلعبون برة بس فاطمة ولدهة كبار

كالو يجون وية الغدة اجني للمطبخ ثريا وهبة

#ثريا فدوة 😍 نيالة علي شلون جمال جنتنة جنن

#ضحى شكرآ بعد  كلبي انتي الاحلى

#ثريا لا ضوجين من خواتي هنة هيج لأن كبار متئثرات

بالعادات والتقاليد بس كلبهن طيب

#هبة اي حبي لا ضوجين تتعودين عليهم بمرور الوقت

#ضحى أي حبي عادي الله كريم