الكاتبة دنو الكعبي
من سينتصر قسوتك ام جنوني
بارت ٤١
الصبح كعدت كعدني خالي ب٦لان ورانه طريق
غسلت وصليت بدلت
لبس اسود مثل التلبيسة الطويلة ولفيت الشال
بس كلبي ما ادري شبي وي كل دقيقة تمر يدك بسرعه هذا لبسي 👇👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
طلعت وي خالو اخذت ملابس للعرس لان اكيد متخليني الة ابات للعرس
صعدنه سيارة
(مقتطف )
شايفين هذا الشعور الي تحس الموت ارحم منه
نتعرف هوة انتضار لو خوف لو شغف وحماس
كلبك متسيطر علية
طول الطريق افكر شراح يصير وشلون اتصرف من اشوفه
مرت ٦ساعات لان صادف ازدحام خالي حجز بفندق كال ما اريد اضايقهم ابقى بالفندق لبينما ترجعين من العرس خلة غراضة بالفندق ووصلني الباب بيتهم طبعا اذكر كل المنطقة وبيتهم هم
وصلني الباب وراح خالي
افففف يمة كلبي دكيت الباب
فتحلي ابو فاطمه اول شي معرفني
بعدين كال
هلا هلا بنتي شتاقينالج شلونج
داليا "احجي ويا وبالي مو يمه حتى ما اعرف شكتلة يي عمو بخير
ابو فاطمه "تفضلي بنتي دخلي
دخلت وسد الباب وراي
كل خطوة بالف احسن الموت ارحم
دخلت للصالة شفتهم كلهم كاعدين ماعدة اسد
كلت
سلام عليكم
زينب "هللللللوووووووووو دلووووووو كمزت حضنتي حبيبيتي مشتاقتلج كومه
صار هجوم علية
ام اسد"ضلت تبجي ولج يمه وينج متت عليج 😭💔
داليا "اسفة خالة ادري مقصرة بحقج بس بعد دنيا وهيج سوت
زينب "ولج وعلي مشتاقتلج حضنتني من جديد
حبيبتي تسلمين ولج خنكتيني وخرري هههههه
زينب "عزاااا عقلانه صايرة فقيرة حررراماتتت
هههههه اني اكدرلج همزين حتى غلط متغلطين
داليا "هاااا ولج هاي عليمن
زينب "عليج ههههههههههه
داليا "صايرة ام اللسان تعاي اني اعلمج منو داليا
ضلت تركض
وداليا وراهة ويضحكن
زينب يمكن تقصدت تصعدها فوك
ركضت بالدرج
وداليا تضحك وتصيح وين اطيرين الة اوديج الحيدر مزوركه ههههههههههه
زينب دخلت غرفة اسد صارت وراه
اسد الله عليك احميني راح تكتلني هههههههه
اسد"جان داير وجهة من الباب دخلت زينب تكول احميني شوي وسمعت صوت يركض تجاهي
داليا "هاااا ولج اني اعلمج وركضت تجاه زينب
منتبهت انو اسد كدامهة اسد دار وجهة
ضل مصدوم
الشال صار من الركض على عيون داليا مشافت الكدامهة عبالهة زينب نضربت بصدر اسد رفعت راسها
هنا الصدمه
اسد "فتح حلكه
داليا ؟
زينب شافتهم سدت الباب عليهم وطلعت
داليا "شفته اسد جفلت بعدين شفت نفسي بحضنه عبالي زينب عدلت كعدتي
اني اسفة !!عبالي زينب
رادت تمشي تفتح الباب
اسد"ووووين وين رايحة اوكفي
داليا "عفوا اني اسفة دخلت الغرفتك بالغلط وو اني جاية حتى احضر عرس زينب واروح
اسد "ولج وين تمشين شيبتي راسي بعنادج هذا
رحت كبالهة ضلت ترجف بس منزلت عينها
بعدج علطبعج هذا متبينين ضعفج لاكن داخلج ترجفين خوف
داليا "هه ومن شنو اخاف شخص ميعنيلي واكف كبالي
اسد"كافي لا تكابرين ولج ليش عفتيني شفت المر والعذاب بدونج تدرين شكد عانيت
داليا *مو مهم استاذ اسد كل شي انتهى من زمان حاليا كل واحد شايف حياته رجا لا تعترض طريقي بعد
اسد "لا تنسين انتي على ذمتي الهسة يعني مرتي
داليا "يي للاسف وعن قريب ان شاء الله اتحرر من هل رباط
اسد "ههه شي تمحي من بالج لو شنو يصير ما اطلك وانتي مرتي فهمتي لولا
داليا "نشوف استاذ اسد درت وجهي اريد اطلع مسك ايدي لفيت اباوعله جرني الصدرة ضمني بقوة دفعته ماكو فائدة ضخامه جسمه تفوقني
عوووفني وخير
اسم "شششششش ادري بيج مرتاحة شوي سكتي اريد استرد عافيتي ارجوج
داليا "سمعت كلامه مكدرت اسيطر بجيت رغم ما بادلته الحضن لكن حسيت بامان من زمان فاقدة هل حضن حضن هلي وكل ناسي
ما اوصف الراحة والامان الي بي
شوي وفلتت حضنه
رجاااا عوفني اني مو لعبة بيدك
يوم تريدني يوم لا
حاول يمسك ايدي دفعت ايدة
صاح اخخخخخ لزم ايدة مبين وجعته حيل
بس ليش ترة بس طخيته
حسيت نزل دم بقميصة
اسدددددد شبيها ايدك
تهسترت
اسد "اهدي داليا ماكو شي لو سمحتي جيبي هل علبة
رحت جبتهة هوة كعد يتلوة من الالم راد يفتح قميصة مكدر رحت فتحته الة
عزاااااا هاي شبيها ايدك
كنت ابجي احجي شكوووو
اسد"حبيبي ماكو شي لا تبجين ارجوج
اطيني اني اخليهة دوة وتطيب
داليا *كمت خليتلة الدوة واشوفة يعصر بالمخدة من الوجع ميريد يطلع صوت ويقهرني بجيت
شبيك اسد احجيلي 😭💔
اسد"روح اسد وعمرة حبيبي قصة طويلة لا تضوجين هسة تطيب
داليا *كملت الضمادة ولفيتهة
شلت الغراض طلعلته لبس جديد بدلتلة قميصة
كعدت كبالة احجي شبيها ايدك
اسد شفتهة اكبالي تذكرت كل المعاناة الي صارت لي
رجوع الى الماضي قبل ٧اشهر
اسد " شفتهة صعدت وي الضابط تباوعلي من الجامه نعصر كلبي
رجعت للبيت جان اسوء يوم بحياتي
اليل كلة احلم بيها كوابيس
وافز مختنك بدونهة
داليا بيهة شي اكيد
كلبي وجعني
يربي 😭💔
مرت ايام نكطعت اخبارهة والوضع بالبلد كلش خطررر بغداد انفجارات والطائفية جدا منتشرة بهل وقت.
الضابط وصلي خبر انو انتقلو لغير منطقة لاكن ميعرفون شنو السبب وليش هيج
بساعته انقطعت اخبارهة كليا
قررت اجي البغداد حتى لو على موتي المهم اشوف داليا
طلعت ودعت اهلي ومشيت البغداد
الوضع خطر ومو امان شفت سيطرات بس اشكالهم مو امان معبالك بالدولة
وصلو السيارتي نزلوني وسئلوني انته من اي طائفة
كتلهم اني .......
فجئة واحد منهم سحب اقسامه وضربني بكتفي
الدم بين للي ضربني انو بمنطقة خطرة لاكن الاصابة بكتفي اني فقدت الوعي وما كعدت الة واني بالمستشفى ويمي حيدر
كالي انو اكو جماعه خيرة طالبين الاسعاف وماخذيني للمستشفى ومتصلين على حيدر وجاي ويا دورية من بغداد حتى يطمئن على خروجي من بغداد بامان
مقبلو ابقى اضطريت اطلع من بغداد
جرحي هستوة صاير
رجعت للبيت واهملت جرحي
لكن قبل اسبوعين حسيت بوجع قوي راجعت دكتور
كال اهمال مسبب التهاب الجرح وصفلي دوة
وكال ان شاء الله بالاستمرارية تطيب
لاكن صدكي من شفتج اليوم ردتلي العافي
داليا "اسمعه والدمع بعيني
اني رايحة من تريد شي كولي
اسد"داليا
داليا "ها
اسد"الله يخليج سامحيني ما اكدر بدونج
داليا "راح الوقت علسماح كتلك كلشي انتهى
باوعلي بحسرة
طلعت بسرعه
وللحكاية بقية
أنت تقرأ
من سينتصر قسوتك ام جنوني 💜 dnosha_rzaqd33(الجزء الآۆلْ والجزء الثاني ايضآ) #دنو
Mystère / Thrillerم̷ـــِْن كتابتي /دنو الكعبي حينما تشاء الفرص ان تجمع بين بحرين مختلفين صفاتٍ وظروف لينشأ ذلك الحب الذي يغيّر مجرى الاحداث القصة باللهجة العراقية ارجو الاستمتاع يـَ هنيالگ ؏ـلى #خبالي ? #ماعندي خلگ للناس بس ؏ـيونگ #أبالي ..✨#دنو الكعبي
