الكاتبة دنو الكعبي
من سينتصر قسوتك ام جنوني
بارت ٣٠
اسد/صعدت الغرفتي معصب كسرت الغراض كلها الله يلعن الساعه الحبيتج بيها داليا مستاهلين كلشي لو مخليج بالشارع
كعدت ادخن جكاير يمكن شربت باكيت
طلعت رحلت الحيدر
كعدنا سوة
يعرفني من اعصب اجي يمة محجة اي حرف ولا حاول يهديني ابد
زينب "طول الحفلة عيني علباب بلكي تجي داليا
وصيت يصيحوها اجو ويكولون ملكيناهة
دورنه كومه ماكو اي اثر الها فص ملح وذاب
قلقت عليها
اتصل باسد ميرد
شسوي يربي
اتصلت بحيدر
الووو
الو منو وياي
زينب "حيدر لحك اني زينب
حيدر"كمت من مكاني طلعت برة
خير زينب شبيج
زينب "داليا ماكو من الضهر دورنا عليها ماكو
حيدر "يعني وين تروح دورو عليها بعد
زينب "دا اكلك فص ملح وذاب واسد ميرد على اتصالي شسوي هسة
حيدر "لا تخافين اني جاي بالطريق
حيدر،"لحك شيخ
اسد "شكو
حيدر "داليا ماكو من الضهر يدورون عليها مالاكيهة
اسد "طبها طوب شعلية بيها
خل تولي
حيدر *شنو ختولي جاي اكلك اختفت
اسد "واني دا اكلك متهمني حتى لو تموت
حيدر "مع الاسف اعذرني رايح ادور وياهم هاي بمثابة اختي
اسد "ي روح شعلية بيك
عفته ورحت اتصل بيهة مترد
داليا "بعد ما طلعت ما اعرف وين اروح اتصلت بمحمد
الووو محمد وين انته
محمد "ها شيخة اني رايح لمرت سليم حتى اتفق وياهة
داليا "اطيني العنوان جاية وياك
انطاهة العنوان
اخذت تكسي وراحت للبستان الي تشتغل بي زوجة سليم فلاحة
مشيت وي محمد
انته ابقى هنا اني حروح
محمد "خوش خيتي انتضرج
دخلت للغرفة مالتها عبارة عن غرفة بوسط بستان يرتاحون بيها الفلاحين
لاكتني مرة ضعيفة طويلة حلوى
مرحبا انتي امينه
امينه "اي منو انتي
داليا "ممكن احجي وياج شوي
امينه "تفضلي كولي
داليا "باختصار زوجج السابق سليم النصاب اجه خطب اخت زوجي وماعدنه دليل غيرج يبين انو هوة مزوج سابقا اتمنى تساعديني
امينه "منو سليم ومنو انتي
داليا "لحضة لحضة طلعة تراجي ذهب من اذاناتهة وانطتهة الهة وهسة شتكولين
امينه "اي صار ادللي شوكت اروح وياج
داليا "باجر الصبح واتمنى متخذليني وهديتج موجودة اريد اثباتات على الزواج صور او عقد زواج
امينه "اي موجودة كلهن
داليا *طلب اخير
امينه "ائمري
داليا "ممكن ابات يمج اليوم معندي مكان اروحلة
امينه "اي اكيد ابقي براحتج وهسة افرشلج ترتاحين
داليا "شكرا
خابرت محمد طمنته وكتلة ارجع اني هنا ابقى اليوم
من جهة ثانية
وصل حيدر لكاهة الكل مخبوصين وزينب تبجي
زينب "حيدري وين اسد ليش ما اجة
حيدر "ما ادري بي اصلا متغير كلش ولا عبالك مرته ومحسوبة عليه
زينب "وهسة وين داليا فدوة الكاهة والله راح اموت بقهري
حيدر "اشششش لا تخافين اني حلكاهة روحي لا امج يصير بيها شي طمنيها ماكوشي
طلعت ادور عليها وصيت اصدقائي يدورون وياي
اسد "طلعت من البيت مال حيدر ركبت السيارة
رن التلفوووون
الضابط "الووو حضرة الشيخ
اسد "اهلا سيدي شخبارك
الضابط"الحمد اللة شيخ البشارة لكينه اهل المحروسة داليا
اسد "جنت جاي اسوق وكفت السيارة
اي وين وشلون ومنو همة
الضابط"داليا من سكنه بغداد مدينه الصدر اجت للبصرة حتى تدرس كلية وتسكن بالسكن الجامعي على اثر الانفجار فقدت ذاكرتها
لاكن وصل خبر الاهلها انو محد نجه من هل انفجار عبالهم ماتت داليا تسكن وي امها وابوها معدها اخوة واهلها بحالة خطرة حيل صاير عنده انهيار عصبي وامها للاسف
اسد "شبيها
الضابط"طالع بيهة سرطان دم وايامهة معدودة
اسد "ضليت صافن وحاير
كتلة شكرا وطلعت للبيت باقصة سرعه
لكيتهم الكل يدورعلداليا بجهة امي تبجي وزينب كذالك
باوعت على اماني احسها فرحانة
بعدين تذكرت هية مستعدة تسوي اي شي حتى تفرقنا اخذتها على جهة طلعت سلاحي وجهته براسهة
نصدمت وخافت
شبيك اسد
اسد "شوفي ولج لعبالج ممنتبه للي ديصير
احجي شكلتي الداليا هيج وضلت تغلط على سالي
اماني "مكلت شي صدكني
سحبت المسدس
تحجين لو افرغه براسج
شفتها خافت كلش بس ما حجت
رميت جواهة ضلت ترجف
اي اي احجي بس وخر المسدس ما اريد اموت
اسد "احجي يلا
اماني "كتلها انو اكو وحدة اسمها سالي تحبك وتريد تاخذك منها لان هية متدري بالمرحومه سالي وقصتك وياهة عبالهة وحدة تريد تفرقكم
اسد "ردت اخنكها من كالت هل كلام
حقيررررة راجعلج والله اذا صار شي بداليا انهيج على ايدي
طلعت اركض واني اللوم بروحي شسويت اني خليتها تطلع لمكان متعرفة وجرحتها بكلام سسمم
اوفففف داليا وينج ينضر عيني وينج
ضليت افتر بالمناطق واسئل ماكو ايخبر بلغت الشرطة خفت عليها حيل
صفيت السيارة بساحة فارغه
كعدت ضليت اصرخخ ليش ربي ليششش جاي يصير هيج بية كمت ابجي داليااااا وينح يروحي وين عفتيني (تذكرت هل اغنية بهل بارت سمعوها )👇🏾👇🏾👇🏾
داليا "شفتهة نامت طلعت برة اشتم هوى بالبستان كعدت يم الشجرة اباوع للسماء
كمت ابجي ربي لا اعرف ابوي ولا امي وعافني خطيبي وحبيبي ليش شسويت اني شنو ذنبي
حسيت بوجع بصدري احس اسد موجوع لو بي شي كمت ابجي بحركه
وللحكاية بقية
دنو الكعبي
حبايب علكيفكم وياي وربي مدة اللحك جاي اكتب من الضهؤ لهسة 💜💜💜
أنت تقرأ
من سينتصر قسوتك ام جنوني 💜 dnosha_rzaqd33(الجزء الآۆلْ والجزء الثاني ايضآ) #دنو
Misteri / Thrillerم̷ـــِْن كتابتي /دنو الكعبي حينما تشاء الفرص ان تجمع بين بحرين مختلفين صفاتٍ وظروف لينشأ ذلك الحب الذي يغيّر مجرى الاحداث القصة باللهجة العراقية ارجو الاستمتاع يـَ هنيالگ ؏ـلى #خبالي ? #ماعندي خلگ للناس بس ؏ـيونگ #أبالي ..✨#دنو الكعبي
