نرجعو المغرب بالظبط لمدينة اسفي لقصر الشقوري بعد ما ساق بابات مهيرة الخبار اش وقع تصدم ما عرف باش تبلا بنتو لي شحال و هو مخبيها و كيحميها دغيا طارت في رمشة عين من ناحية مطمن عليها حينت انها في امان عند البوليس و من ناحية عرف انهم غيهددوها بيه لان عارفين مزيان انها نقطة ضعفو الاولى و الاخيرة ... جبد طيليفونو كيعيط و ما من مجيب توتر و لقا الوحيد ليه هو يطلب مساعدة واحد الشخص شخص داير بلاصتو في عالم الظلام علام المافيا معروف باسم FOX و هاد الشخص عايش في وهران نخليوه كيعيط ليه باش يتفاوض معاه و نرجعو لعند مهيرة لي باقا ناعسة و اسكندر متململش من حداها حتى جا عندو العميد. العميد: اسكندر متفلتهاش من يديك ضروري خاصها تبغيك لا بغينا دكشي لي شحال من عام و احنا خدامين عليه ( سكت و طول فيه الشوفة ) و لكن عننننندك تعشقها نتا عنندااك منصحكش سمعتي اسكندر( باستهزاء ) ههههههههه ضحكتني اسيدي العميد واخا مافيا لي يضحك ....(بجدية) انا معنديش قلب قلبي ميت و مستحيل نبغيها مستحيل غير بلا متخمم . العميد : مممم مزيان دنبها الوحيد انها بنت اكبر مافيوزي ايوا خليها تخلص دبا . مهم مهمتك غتبدا من دبا اسكندر : اوكي هز اسكندر مهيرة لي كانت ناعسة و غارقة في النعاس و بقا غادي بيها حتى وصلو للطموبيل حطها القدام و دار ليها السمطة و ديمارا ... نورهان بعدما خرجات بقات كتقلب على مهيرة حنى جيها اتصال و خلاها تمشي .
نمشيو المكالمة بين عمر و جلال عمر: FOX فوكس: ممم هو هادا.....مممم عمر ياك عمر: اه عمر فوكس: كيف راك عمر:الحمدلله و نتا ف:هايل انا كنظن بلي عندك مشكيل ياك حينت ماموالفش تعيط ليا برقمي الخاص عمر: اه بغييتك تحمي ليا بنتي و نعطيك لي بغيتي ف: ( بتفكييير) مممم واخاا... ولكن المقابل غنقولو ليك من بعد اوكي ع:اوكي شكرااا بزااف ف: كون هاني بنتك حسبها في امان معندك مناش تخاف ... المقابل من بعد متافقين ... عارفك متقدرش تغدرني حينت بنتك تحت حمايتي ع: كون هاني قطعو الخط و كل واحد فيهم فاش كيفكر في الليل في السيارة اسكندر لي كانت باقا شادا الطريق لمدينة وهران و مهيرة لي بدات كتفيق شوية بشوية و كتحس بداتها كلها كتحرقها بسبب الطيحة حتى حلات عينيها كليا و تفاجئت .. مهيرة: فين انا (كدور في راسها و هينيها و كتشوف في اسكندر لي كاين سايق و عامل راسو ممسوقش ليها و هو عارف اي حركة كدير ) فين اناا شكون نتاا ؟ لا رد ما باغيش تجاوب ( دارت يديها في ودنيها و بدات كتغوت) ويييك وييييك اعباااد الله باغي يخطفني و عاااااك عااااك عتقووو الروح (جعوقات بالمزيان حتى تزدحات راسها مع جاج تاع الطوموبيل ) م: اححح بشوية حل الباب و خرج حل الباب جيهتها و جرها من يديها اسكندر ( بالغوات) واش الخرا مغاتسديش فمك كون غا بقيتي ناعسة و هنيتينا مهيرة: هيي متغوتش عليا المسوفج شكون نتا و لاش غادي بيا و فين انا ؟ اسكندر : انا ههههه انا هو 1-0 مهيرة ( بعصبية ) جمع فمك الحمار تفوو يخ كانت غادة حتى جرها من شعرها اسكندر: اش قلت عاود م: ماشي سوقك شوف نتا اش قلتي اسكندر : طلعي قدامي لا نصدق خالي ضاربوك م: ( كتعوج فيه ) ... شوف و الله لا طلعت الى ما قلتي ليا شكون نتا و اش كندير انا هنا و فين صحبتي اسكندر: يا ربي الصبر نتي في الجزائر احنا ف طريق وهران و انا بوليسي ( وراها لاكارط) و خاصني نحميك حينت نتي بنت الوزير هادي اوامر و خاصكي تبقاي واحد المدة هنا و معايا تحت حمايتي مهيرة(بصدمة) ههههه شنواا واااع ضحكتيني اش كتخربق عليا واش سافا اشمن حماية و اشمن وهران اسكندر: ( بعصبية كتر و شدها من يديها ) اشوفي اه غطلعي و لا غنخلي مك هنا و دبري راسك في الخلا سولتينا جاوبناك سدي فمك شويا مهيرة:(بقات كتشوفيه) يااااه كتهدر بالدارجة زعما مغربية واش نتا مغربي اسكندر: ياااا رحمن يا رحيم ديري السمطة مهيرة: و الله لا درتها تا تجاوب اسكندر (مزادش معاها الهدرة جر السمطة دارها ليها ) و طلع و ديمارا مهيرة حسات بواحد النوع من الامان بعدا اولا حينت بوليسي قالت فراسها بابها لي عامل الحماية و من ناحية اخرى انها اسكندر هو البوليسي معرفاش علاش و مع هي مسنطحة و مكتحمش مترمش شادة معاه الزكير مهيرة: و البوكوس قوليا واش نتا مغربي اسكندر :(خنزر فيها) ماسوقكش مهيرة( بتعويجة ماسوقكش) وا صافي راه باينة اعشيري نتا مغربي هههه اسكندر ( ابتسامة خفية ) بجوج مهيرة : كيفاش زعما اسكندر : واش نتي مكلخة شنو غتعني زعما مهيرة : اه دبا نتا مغربي جزائري هههه وينو ..كيفاش كتهدر الدارجة مزيان ؟ اسكندر : حينت ماما مغربية و كنت كادوي معايا بالمغربية مهيرة : اصلا كيجيني مكاينش شي فرق غير شي كليمات .... و شحال عندك من عام اسكندر : شفت بحالا كترو فيك الاسئلة مهيرة ( سكتات ) صافي صافي ننعس حسن ليا اسكندر : مكاين لاش راه وصلنا مهيرة : و اخيرا بغيت نعس اسكندر : و باااز من الصباح و نتي ناعسة م: وا حضيني راه قربتي تربح فوطة اسكندر : لسانك مبري منك هبطي هبطي هبطو حدا واحد الفيلا صغيييرة و زوييينة خل الباب و دخل اسكندر : ياكما نجيب العمارية مهيرة : لا مابغيتش مكنعرفكش و ندخل عندك للدار زوينة شويا نوليو في حاجة اخرى . اسكندر : ( بضحكة مجهدة) ههههههههه ساليتي معايا و بدا كيقرب منها مممم عجبني تفكيرك علاش لا يااك ... م: بعد عليا الزبل ... اسكندر: اصلا نتي ماشي النوع المفضل ديالي ... و دخلي دبا مهيرة : ممم احسن و مدخلاش اسكندر : ممم على خاطرك بقاي تبردي هنا و الى جالك شي حد سلمي ليا عليه ( دخل و سد الباب و خلاها حدا الباب كدور في عينيها و بقا حاضيها من الشرجم) مهيرة( بخوف) ناري ميمتي هادي هي الاخرة لك احبيبتي صافي اليوم يغتاصب مك شي حد .. بقات جالسة حدا العتبة ديال الباب و كتسمع الحس و ناضت مخلوعة كدق في الباب اسكندر ممحيدش عينيه عليها مهيرة(كدق) حل حل الباب راه غا ضحكت معاك.... شووف راه و الله تا كنضحك اجي شنو سميتك بعدا و غي حل نتفاهمو . اسكندر ميت بالضحك على هاد البنت و على هاد العفوية لي فيها بقا كايشوف فيها و هي كدق حتى حل ليها الباب مهيرة: (بحرج) ااااا سلام (دخلات) اسكندر : و لين تفرعين سالا بااح م: صافي صافي ... اجي بعدا اش سميتك اسكندر: علاش ياكما باغا تخطبي ليا م: لواه نتجوجك.. بلاش كاع اسكندر بضحكة : اسكند... سميتي اسكندر مهيرة: اسكندر سمية زوينة ... فين بيتي خاص يكون فيه الساروت اسكندر : طلعي طلعي وراها بيتها كان بيت كبير و فيه حمام اسكندر: مهم راه السولرت لاصقين بلا تمشي بعيد راك ماشي النوع لي كيعجبني مهيرة: مزياان عارفة كيعجبوك المونيكات و سدات الباب بالجهد و طاحت نعسات بحوايجها...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
