قبل ما نبدا حبيت نقول شويا حاجات علي هالكتاب ..
أول شي أني كتبته لأجل الإستفادة مش بش نحصل متابعين ، فمش حنصدعكم بموضوع الفوتات و التعليقات ، براحتكم يعني 😊
تانياً ، أني صح حنكتب مواضيع كاملة و كدا بس ننصحك ما تاخديهاش كيف ماهيا .. يعني خودي الأفكار و العناصر و المصطلحات و كذا يعني ، و بعدها خودي ورقة بيضا و عبري بيهم في كلامك إنتي 😍
عيب عاد إنتي كاتبة هني مرات و ما تحطيش كلامك ؟ :) ..
و حتى لو ما كنتيش كاتبة ، لازم تتعودي تعبري بكلام من راسك ، لأن مرات تجيك معلمة جميلة جدا تقولك إكتبي التعبير في الحصة 😂
ولا تجيك فيوم إمتحان العربي بتعبير مريخي و ما تعطيكش حتى عناصر ولا فكرة و تقولك نبي 15 سطر 😂
وقتها تبدا كــــل كـــلــمــة هـــكــي طــولـــهــا 😂
و كل سطر فيه نفس الكلام بصيغة مختلفة 😂
مشكلة صح ؟
فلازم تثري مصطلحاتك اللغوية و بعدين تتعلمي كيف تستخدميها ، لأن التعبير يرفع المعدل راه 😄
ثالثاً ، بالنسبة للمواضيع حنحطها بشكل عشوائي أو حسب الطلب ..
يعني بنحط أني عشوائي و اللي تبي أي موضوع تتفضل أني في الخدمة بإذن الله :) ...
رابعاً ، و هذي أهم نقطة !
لما ننشر موضوع فكري زي ( الأخلاق ، الإصلاح ، الصلاة ، الصداقه....إلخ ) ، نتمنى تقروه بتمعن من قلبكم زي ما كتبته من قلبي.. و تحاولو تفهموه مش لمجرد الدرجات 😔 ..
و أني حنحاول نحط مع التعبير شوية ملاحظات و هكي و يا ريت لو نستفيدو منها 😊
و بالتوفيق للجميع ^^
أنت تقرأ
مواضيع إنشاء "تعبير"
Poetryبما أن الكثير من متابعي واتباد طالبات :).. و بما أن كثيرا من الطالبات يحتجن أفكارا لكتابة موضوع "التعبير" :) .. و بما أن التعبير مادة مفضلة عندي أنا ❤.. و بما أنني أنا أشعر بالملل😂 .. فقررت نشر عدة مواضع إنشاء مختلفة من كتاباتي أو كتابات غيري عسى أ...
