"nag-aano ako duman?"
habang nag-aaloy, habang naglalawig
an oras kan pagtukaw ko sa katahawan
kaning mga ulod na naka-ampang
sa kahoy na piniridaso, pinulbo, nilapnad,
nagdadakula, nagrararom man an pag-apot ko
sa sadiri kung nata ako nagtutukaw,
nagmamati kan makabungog na silensyo.
ta kung ano an s-in-ilensyo digdi,
iyo man an ribok kan isip na ini.
tigpipirot ta tigpipirit guyudon su nag-agi
na kuyan, na kuyan, su kuyan ngani...
basta an sabi ko, ako madigdi.
binalo magbalik sa inagihan,
ugaring dai lamang natabangan,
su tukawan pa naagawan,
luminuwas na sana sa kauyaman.
kan nakaali na, isip maribukon pa,
nag-aapot, nag-ngangalas, nauuyam na.
"nag-aano ako duman?"
-themarkedstars
YOU ARE READING
Mak's Mediocre Metaphors
شِعرsince 02.2018 collection of poems i wrote either out of boredom, sudden burst of inspiration, or requirement for a subject. of course, there will be rawitdawit entries since i'm a proud bicolano! i know these poems may not be the best, but for those...
