ولكن

2

ماركو اسينسيو..

«لاڤيندر»

وصلت المطار ببص حوليا و انا بجر الشنط،قد اية انا حاسة بحاجة غريبة،اول مرة اجي مصر لوحدي!! لاء و المرة دي إقامة دايمة!!

فضلت واقفة لحد ما لقيت واحد دانيال رادكليڤ في نفسه كدة جاي عليا!!

ابتسم"لاڤيندر يوسف"

"دانيال بن عمي،ءااااءقصدي...احم، عمر بن عمي!!"

ضحك"اة يا ستي عمر"

شد مني الشنط،جاية بتلاته بس!! مش مهم هابقى أسافر تاني اجيب الباقي....

"هو احنا لو حلقنالك دقنك و لبسناك نضارة هاتبقى هاري بوتر!؟"

كنت مضيقة عيني وبصالة زي الطفلة اللي عمرها ما راحت ملاهي و يوم ما فكرت تروح راحت ديزني لاند!!

هز راسه بأة وهو بيضحك،و انا حتيط صباعي في غمزاته!!

وقفنا قدام عربية هيونداي سودا2017 ،عمر حط الشنط و ركبنا و لقيته بيبصلي بفخر كدة

"اية رأيك في العربية!؟"

بصتله بقرف"كتك واكسة،انا سايبة فيراري سودا هناك"

ضحك"طب و الله لسة ما خلصت فلوسها جايبها اشتغل عليها اصلاً😂"

انا ضحكت و بعدين شغل أغاني،و فضلنا ساكتين،بنتكلم بس نعلق على الاغنية او المطرب!!

وصلنا قدام عمارة نضيفة الى حدٍ ما،هي مش وحشة بس اللي في إسبانيا أحلى!!

طلعنا الشقة اللي كانت في الدور السابع،اول ما دخلت انبهرت،لا ريلي انبهرت،مكنتش متخيلاها بالحلاوة دي!!

"مين اللي عامل الديكور!؟"

عمر بصلي بفخر"انا"

"انت بتشتغل اية"

بصلي بقرف"بشتغل صبي نقاش،يا لاڤيندر"

شاورلي على اوضتي،دخلت الاوضة معرفتش اتكلم من حلاوتها بصراحة!!

مدهونة بمبي غامق و عليها طراطيش موڤ و أسود و شكلها تحفهة😭..

"قالولي على الالوان اللي بتحبيها امبارح،ف ملحقتش اعملها"

انا بصتله و انا مبهورة"لاء انت بتشتغل اية بجد!؟"

كح و بص في الارض و بعدين بصلي"انا يا ستي شغال سواق في اوبر،و بدرس في فنون تطبيقية،قسم ديكور،يعني مهندس و كدة،اة المهم"

حطيت شنطة على السرير و بصتله"اية"

جهه شال شنطها حطها على السرير و قعد"طبعاً انتي عارفة ان عمك الله يرحمه،و مرات عمك حصلته،و ولاد عمك،اللي هما اخواتي،متسولين معرفلهمش طريق،بس هما بيجوا يزروني،يعني لو كنتي نايمة وحد جههه جابك من شعرك ،عشان فاكرك فتاة استغفر الله فدة حد من اخواتي فاكرني مدور الشقة بس!!"

قعدنا نرتب الشنط و حكتله عن ماركو،و جابلي مسامير عشان اعلق بوكيه الورد و الايس كاب و التي شيرت و الحاجات دي!!

________

«تامر»

روحت الاستوديو بدري مكنش في حد غيري انا ،و صوت الدرامز،بعشق الصوت دة!!

بس بعشقها هي اكتر،هي كل حاجة رغم انها ولا حاجة!!

هي اول نمرة احفظها...اول صورة في المحفظة!!

ياما هواري قالي معرفتك للچوكر هاتبوظك،و اديني اخوة قالب على نسخة مصغرة منه!!

"بخخخ"

بصيت على مصدر الصوت لقيته أدم بصتله بقرف و قمت بالكرسي بتاعي بعيد بدل ما اتعصب عليه امسكه احدفه اكسر الدرامز!!

الله دة كلهم جم!!

"امال فين روان!؟"

شريف بص على الباب"بتجيب الاكل"

هواري جهه قعد يرخم عليا"اية الخدود دي يالا،امك بتأكلك اية،بتعملك محشي،طب مبتعزمونيش لية،هي مبتحبنيش!!؟انت مبتردش لية!؟ هو انا نكرة،هو انا ناثنج!؟"

فضلت باصصله كد🐸

هواري"طب هاقولك نكته،مرة واحد راح يشتري جبنة،البقال قاله معنديش*ميل و ابتدى يضحك*بس هو كان عنده جوة كان عنده جوا"

بصيت انا و شريف لبعض،وروحنا شايلينه واحد من ايديه و واحد من رجليه،و رميناه قدام الباب

بعدها بدقايق لقينا روان داخلة بتبص للدنيا بإستغراب

"شريف،هواري ماله!؟"

قمت شديت منها شنطة الأكل،و شريف راح حط ايده على كتفها عشان يتموحن...

"عملك حاجة،يا حبالعمر!!"

روان قعدت جنب أدم"القذر نايم على الارض بيقولي دخليني،قولتله لاء،راحم منزل كم التي شيرت بينلي كتفه،وقالي طب و كدة!!هو متخلف!؟"

بصينا لبعض و ضحكنا..

أدم"معلش يا ريواية"

أمير"رواية و لا مجموعة قصصية!!" *عشان تقولي التصنيما بزيادة بعد كدة*

كلنا ضحكنا،على الرغم من انها آلشة بيض،بس ضحكنا عشان نجامل امير،و نضايق روان

روان رفعت حاجبها زي الحربوئة كدة"بتضحك يا شريف،طب اما نروح!!"

فجأة سكتنا كلنا و بصينا قدمنا،اية الصاروخ اللي دخل علينا دة!!

لا البت حلوة،حلوة فشخ!!لابسة فستان قصير،و جزمة كعبها١٠سم و عاملة شعرها كحكة...اية الحلاوة دي

"في واحد كيوت اوي قاعد برا،مسك في كعب الجزمة و انا داخلة،اديته فلوس،هو انتو سايبينه برا لية دة كيوت اوي"

امير قام وقف قدام البنت"انتي اية،قصدي انتي مين!؟"

البنت مدتله ايديها وهي مبتسمة،و انا قمت لزقت جنبه

البنت"لاڤيندر يوسف الصحفية،انت اكيد امير"

امير سلم عليها"اة انا*ميل عليا وشوشني*اخرج هات هواري من شعره"

زعقت"شريف اخرج هات هواري من شعره"

لاڤيندر"المفروض اني هابدأ مع الدرامر،و هاجي كل يوم لواحد"

انا،انا امي دعيالي و الله!!
_______

اية رأيكو في الشابتر

بنت المحظوظة محاطة بالمزز

لية الباقي هايظهروا بمراتاتهم😂😂