ولكن

4

لاڤيندر...

أولاً في نجمة صغننه كدة تحت أما بندوس عليها بيبقى لونها أصفر،دوسو عليها

ثانياً كومنتس😊

ــــــــــــــــــــــ

«تامر»

"عمر إنت مصاحب؟!"

عمر بص لروناء،و أدم حط ايده تحت دقنه

"لاء مش مصاحب*قام وقف*هاطير انا بقى عشان الحق"

لاڤبندر"تلحق اية يا موكوس،بلا نيلة"

شديته"اقعد بس احنا متعرفناش"

لاڤيندر شدت لارا من على رجلي"ولا أحنا أتعرفنا"

لارا"أنا لولا،و انتي مين؟!"

حطيت ايدي تحت دقني و أبتسمت و أنا باصص عليهم

لاڤيندر"أنا لاڤ يا ستي*lavكدة عشان محدش يقراها love تمام*"

عمر قام"لا يا لاڤيندر،لاء أنا ماشي،هاعمل نفسي شوفتها صدفة،و اوصلها"

لارا"فاكس أوي الشغل دة"

كلنا ضحكنا و عمر بصلها بخيبة أمل،و قعد و حط ايده على خده،زي المطلقة...

روان خرجت بالكنافة"الله أكبر عليكي يا لارا،تربيتي"

"تربية،وس..."

لاڤيندر حطت ايدها على بقي...

ملك خرجت بطبق قطايف"عاوز يقول تربية وسخة"

لاڤيندر برقت"بس،بتخدشوا براءة عمر!!"

انا شيلت ايديها و مسكتها"صح يا ملك،دي تربية وسخة يا روان،تربية وسخة،ربتيها تربية وسخة!!"

بصتلي بقرف وشدت ايدها من ايدي

هواري"أسمع،صوت جحش بيتكلم بقى،الماتش بدأ"

ملك"أخرس،يا رأس المعزة"

عمر فضل قاعد بيتكلم هو،و روناء،بمعنى أصح روناء هي اللي فضلت تتكلم مع عمر،و الواد كان عاوز يركز في الماتش و كان هايقتلها...

بصيت على لاڤيندر،لاقيتها واخدة لارا في حضنها و هما بيتفرجوا،بس لارا نامت!!

لاڤيندر فضلت تلعب في شعرها،حتى و هي نايمة....

بس،هي دي....

«لاڤيندر»

"ال400 جنية يا حبيبي،ال400 جنية،جنية يبطح جنية،مش بتقولها يبطح بردك!!"

هواري كان باصصلي بقرف بس ضحك غصب عنه"أسمها ينطح،بوظتلنا كلامنا الله يحرقك!!"

رفعت حاجبي"لن أتنازل عن أموالي"

هواري بيشجع البرسا،و كان متخيل إننا مش هاناخد الدوري،بس أخدناه،و البيه كان مراهني على ان الجول على 100 جنية،و ياريته ما راهن!!