نهيله: وااا مي بغيت نتنفس راك عصرتيني
رخا يديه و هيا تخرج لينا مو معرت فين كتخبا
العقروشه: داروها بيك ا وليدي هاديك مخموجه و صاحبتها سحارا
اش كتخربق هادي ... شويا و هيا تگلس حداه و لاحت عليا تيبيخا ديالي
اكرم: شنو ا هدشي ا نهيله
بديت كنقفقف و هيا طيح عليا من السما: لا هاديك غير الزميطه
العقروشه: مالنا عمرنا ما شفنا الزميطه
نهيله: هادي زميطا موديرن صيفداتها ليا عمتي من الصحرا ندوز بيها رمضان
العقروشه: يلاه كوليه را ما يجي فين ايوصل رمضان تا تتعفن راه ريحتو بدات كتعطي
اوا على سعدي و وعدي جبت معلقه و شويه زيت العود و العسل باش نبننها و منحسش بيها... اكرم تا هوا ناض جاب معلقه و مسكين بدا كياكل
اكرم: هاد هدشي عندكم مجهد ولكين بنين بغيتيك شي نهار تصيبيه لينا
حسيت بواحد الفرحه كبيره حيت متفرشتش قدام اكرم و لاكين ديك العقروشه بدات كتطلع و تهبط فيا... مشيت نعس و لاكين فالليل شدني واحد الوجع نظت كنجري لطواليط... يلاه غندخل و هوا يبان ليا اكرم خارج من بيتو جاي لطوايط تسنيتو تا وصل
اكرم: واش كديري الاستقبال تا فالطواليط
محملتش راسي ديك الساعه و قلت ليه: لا غير دخل نتا اللول
و انا كرشي تجهدات عليا ولاكين مبغيتوش ايبقا برا و يسمع الاصوات العجيبه لي غندير حيت كنعزف بيتهوڤن تما
اكرم: واخا يلاه حيدي من الطريق دخل و سد عليه الباب و انا بديت كتشطح و نتعصر باش تخفاف عليا كرشي شويا... واقيلا الزميطه لي كلينا هيا لي دارت هادشي بغيت نقول تيبيخا ههه ... السيد بان ليا سكن فالطواليط تفكرت بلي ديك العقروشه عندها طواليط فالبيت بقيت غادا كنزحف تا وصلت عندها لقيتها كتشخر... تا انا درت سيلونسيو تسلت تا دخلت الطواليط واخا درت شويا تاع الفيبرور مي مسمعاتش الله على راحا... رجعت لحدا الطواليط تحنيت باش نشوف
أنت تقرأ
كونطرا رونات حياتي
Teen Fictionسلااااام🎉🎉🎉 جيت و جبت ليكم قصة مختلفة جدا ... تجمع بين دراما رومنسية و الحزن والكوميدية👍🏻✌🏻 واااووو في قمة الروعة💯✅ أنا بعدا #حمقاااااتني✌🏻✌🏻 يلااااااه 🙀😍 تفااااااعلو 🏻......#اصلييييييية_واول_مرة_تنشر..يلااااااه ⬅ العنوان : *******#كونط...
